Astarada əhalinin məşğulluğunu təmin etmək üçün tədbirlər görülür
Tarix: 26.07.2018 | Saat: 16:19:00 | E-mail | Çapa göndər


Qeyri-məşğul əhalinin işlə təmin olunması, əmək bazarının tənzimlənməsi, səmərəli məşğulluq sisteminin inkişaf etdirilməsi və yeni iş yerlərinin yaradılması dövlətimizin sosial-iqtisadi siyasətinin əsas tərkib hissəsini təşkil edir.
Azərbaycan Respublikasının Prezidenti İlham Əliyevin imzaladığı fərman və sərəncamların, təsdiqlədiyi Dövlət proqramlarının, sosial-iqtisadi sahədə həyata keçirilən tədbirlərin prioritet məqsədlərindən biri ölkəmizdə yeni iş yerlərinin yaradılması, işsiz insanların işlə təmin olunmasıdır.
Əmək ehtiyatlarından daha dolğun istifadə və əhalinin səmərəli məşğulluğunu təmin etmək məqsədilə Prezident İlham Əliyevin 2005-ci il 26 oktyabr tarixli Sərəncamı ilə təsdiq edilmiş Azərbaycan Respublikasının Məşğulluq Strategiyası məhz bu məqsədə xidmət edir.
Regionların sosial-iqtisadi inkişafına dair Dövlət proqramlarının uğurlu icrası da işaxtaranların münasib işlə təmin edilməsində mühüm əhəmiyyət daşıyır.
Astara Rayon Statistika İdarəsindən AZƏRTAC-ın bölgə müxbirinə verilən məlumata görə, 108 min 38 nəfər əhalisi olan rayonun 50 min 815 nəfəri məşğul əhalidir.
“Azərbaycan Respublikasında sosial-iqtisadi inkişafın sürətləndirilməsi tədbirləri haqqında” Azərbaycan Respublikası Prezidentinin 2003-cü il 24 noyabr tarixli Fərmanına uyğun olaraq görülən işlər və həyata keçirilən tədbirlər nəticəsində indiyədək Astara rayonunda 12 min 774 iş yeri açılıb. Onlardan 9971-daimi, 2803-ü mövsümi işlərdir.
Qeyri-məşğul əhalinin münasib işlə təmin olunmasında rayon və şəhərlərdə fəaliyyət göstərən Məşğulluq mərkəzlərinin üzərinə də mühüm vəzifələr düşür. İşsiz vətəndaşların birbaşa müraciət etdiyi və qeydiyyata alındığı Məşğulluq mərkəzləri sosial-iqtisadi inkişaf zəminində mövcud real imkanlardan yararlanmaqla işsiz vətəndaşları işlə təmin etmək üçün ardıcıl tədbirlər həyata keçirirlər.
Bu ilin birinci yarısında Astara Rayon Məşğulluq Mərkəzində əhalinin məşğulluğu sahəsində dövlət siyasətinin yerinə yetirilməsi, tələblə təklifin tənzimlənməsi sahəsində müəyyən işlər görülüb. Ötən dövrdə Mərkəzdə 862 nəfər işaxtaran qeyri-məşğul vətəndaş qeydə alınıb. İşə qəbul olunmaq üçün Mərkəzə müraciət edənlərin 628 nəfəri idarə, müəssisə və təşkilatlarda işlə təmin olunub.
Altı ayda Mərkəzdə 15 nəfər haqqı ödənilən ictimai işlərə, 75 nəfər özünüməşğulluq layihəsində iştirak etməyə cəlb olunub. Hazırda Mərkəzdə 172 boş (vakant) iş yeri var.
Mahmud




 
Bölməyə aid digər xəbərlər
21.11.2018
Ümumdünya Dağ Yəhudiləri Konqresi: “Azərbaycan multikulturalizm, tolerantlıq və dinlərarası dialoq nümunəsidir”
21.11.2018
Neftçalada tikilən modul tipli 7 məktəb binasında işlər ilin sonunadək başa çatacaq
20.11.2018
Gömrükçülər narkotik vasitə aşkarlayıb
20.11.2018
NDU-da YAP-ın yaradılmasının 26-cı ildönümü ilə bağlı konfrans keçirilib
19.11.2018
“İrəli”nin keçirdiyi intellektual yarışların Aran və Gəncə-Qazax üzrə qalibləri müəyyənləşib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10509

1 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 Eldar Əzizov Bakı Şəhər İcra Hakimiyyətinin başçısı təyin edildi
5 Abel Məhərrəmov BDU-nun rektoru vəzifəsindən azad edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info