Vaşinqton-Avropa ticarət savaşında fasilə
Tarix: 27.07.2018 | Saat: 00:35:00 | E-mail | Çapa göndər


Trampla Yunker arasında keçirilən danışıqlarda Avropa İttifaqı bir çox güzəştə razılıq verib

Avropa ABŞ-dan maye təbii qaz alınmasının həcmini artıracaq və amerikalı soya istehsalçıları üçün ticarət maneələrini azaldacaq


“ABŞ və Avropa İttifaqı qarşılıqlı faydalı əlaqələrin yeni mərhələsinə qədəm qoyur.”
“Reuters”in verdiyi xəbərə görə, bunu ABŞ prezidenti Donald Tramp Avropa Komissiyasının rəhbəri Jan-Klod Yunkerlə görüşün yekunlarına dair mətbuat konfransında bəyan edib. “Biz bu gün Ağ Evdə münasibətlərimizdə yeni mərhələyə qədəm qoymaq, güclü münasibətlər qurmaq üçün görüşdük” - deyə D.Tramp bildirib. Onun sözlərinə görə, ABŞ və Aİ Ümumdünya Ticarət Təşkilatının islahatı üçün birgə işləyəcək: “Biz həmfikir tərəfdaşlarla çalışaraq Ümumdünya Ticarət Təşkilatında islahat aparmaq və ədalətsiz ticarət təcrübəsi məsələləri, həmçinin intellektual mülkiyyətin oğurlanması, texnologiyanın məcburi köçürülməsi, sənaye subsidiyaları, dövlət müəssisələrinin yaratdığı təhriflər və həddən artıq potensial imkanlarla məşğul olacağıq”.
Avropa Komissiyasının rəhbəri Jan-Klod Yunker isə deyib ki, hələ ki, ticarət məsələlərinə dair danışıqlar davam edir, Avropa İttifaqı və ABŞ qarşılıqlı olaraq yeni rüsumların tətbiqindən çəkinəcək: “Biz, həmçinin energetika sahəsində əməkdaşlığı gücləndirməyə qərar verdik”. Görüşdə Tramp Aİ ölkələrindən avtomobil idxalına tariflər tətbiqindən imtina etməyə razılaşıb. Yunker Trampın bu addımını “iri konsessiya” adlandırıb. Tramp və Yunker bildiriblər ki, danışıqlar, həm də Avropa tərəfindən rüsumlar tətbiq edilməsinə cavab kimi, polad və alüminium idxalı üçün Amerikada tariflər məsələsinin “həllinə” yönəldiləcək. Bu, amerikalı metal istehsalçıları üçün Trampın proteksionizm siyasətindən geri çəkilmək olacaq. Tramp deyib ki, Avropa ABŞ-dan maye təbii qaz alınmasının həcmini artırmağa və amerikalı soya istehsalçıları üçün ticarət maneələrini azaltmağa razılaşmaqla, ABŞ fermerlərinə və bu ölkənin enerji sektoruna kömək etmiş olacaq.
ABŞ prezidenti Donald Tramp özünün “Twitter” hesabında qeyd edib ki, əldə edilən razılaşmalara uyğun olaraq Avropa İttifaqı ölkələri ABŞ-la ticarətə açıq olacaqlar: “Sənədlər üzərində iş artıq başlayıb və proses sürətlə gedir. Avropa İttifaqı ölkələri ABŞ-la ticarətə açıq olacaq. Eyni zamanda gördüyümüz işlərdən faydalanacaqlar”. ABŞ prezidenti Avropa Komissiyasının rəhbəri Jan-Klod Yunkerlə görüşünü yüksək qiymətləndirib: “Heç kimin gözləmədiyi halda, mühüm irəliləyişə nail olduq”. Qeyd edək ki, ABŞ prezidenti Donald Trаmp Avropa Komissiyasının rəhbəri Jan-Klod Yunker ilə danışıqlar zamanı Brüsseldən bir sıra güzəştlər əldə edib. Güzəştlər sırasına ABŞ-ın mayeləşdirilmiş təbii qazın (LNG) ixracının artırılması və ticarət müharibəsinin qarşısının alması üçün sənaye rüsumlarının azaldılması daxildir. Brüssel, ABŞ-dan mayeləşdirilmiş təbii qazın ixracının artırılması, sənaye rüsumlarının aşağı salınması, tibbi məhsullar üzrə standartların uyğunlaşdırılması və soya idxalını artırılmasını nəzərdən keçirməyi qəbul edib.

Anar




 
Bölməyə aid digər xəbərlər
18.09.2018
Çin ABŞ-dan idxal olunan 5200-dən çox məhsulun rüsumunu artırır
18.09.2018
ABŞ Cənubi Qafqazda sabitliyin və təhlükəsizliyin bərqərar olmasında maraqlıdır
18.09.2018
Rusiya təyyarəsi vuruldu,15 hərbçi həlak oldu
18.09.2018
Rusiya və Türkiyə prezidentləri Soçidə görüşüblər
18.09.2018
Türkiyə və Rusiya prezidentləri Suriya böhranı ilə bağlı ciddi anlaşma əldə ediblər

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10117

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Aqil Acalov: “İdmançılar qanvermə aksiyalarında aktiv iştirak edəcəklər”
5 Krivoy Roqdakı soydaşlarımız festivala hazırlaşırlar


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info