Koçaryanın komandası Paşinyanı ittiham edir
Tarix: 29.07.2018 | Saat: 02:40:00 | E-mail | Çapa göndər



“Robert Köçəryan qanunsuz olaraq həbs olunub, ona qarşı irəli sürülən cinayət işi qanunsuzdur və bütün bunların Ermənistanın qanunlarına heç bir aidiyyəti yoxdur. Ona görə də biz məhdudlaşdırma tədbirinin dəyişdirilərək Koçaryanın azad edilməsini tələb edirik”.
Bu fikirləri Koçaryanın ofis rəhbəri Viktor Soqomonyan ikinci prezidentin vəkillərinin iştirakı ilə keçirdiyi mətbuat konfransında bildirib.
Liderinə qarşı siyasi və şəxsi repressiyalar aparıldığını iddia edən Soqomonyan “Artıq 10 ildir ki, Robert Koçaryanın təqsiri haqqında yalanları yayan kimlərdir?”-deyə ritorik bir sualla zalda oturanlara müraciət edib: “Bunlar hamıya məlum olan faktlardır. Lakin bizə ancaq bunları yayan Beriyanın kimliyini öyrənmək qalır və biz mütləq onu tapıb cəzalandıracağıq. Biz təqaüdçü prezidentə qarşı göstərilən şəxsi və siyasi təzyiqlərlə razılaşmayacağıq. Prezident azad ediləcək və onun qanunsuz təqibçiləri cəzalandırılacaqlar”.
Maraqlıdır ki, Koçaryan ofisinin müxalifət kimi ilk debütünü “uğurlu” adlandıran “1in.am” saytı ofisin yaxın günlərdə əksinqilabdan intiqam alacağını istisna etmir. Saytın yazdığına görə, belə görünür ki, Koçaryan ofisi çox yaxın zaman kəsiyində Ermənistandakı məxməri inqilaba qarşı olanları maqnit kimi öz ətrafına çəkəcək. Bununla belə, sayt Koçaryan və onun ofis üzvlərinin siyasətinin yalan və terror üzərində quruldugunu bildirir: “Bugünkü mətbuat konfransına əsasən, siyasi statusdakı dəyişiklik heç bir şəkildə ikinci prezidentin ofisinin məzmununa təsir etməyib”.
Daha sonra Soqomonyanı hiyləgərlikdə ittiham edən sayt onu 10 ildir ki, Robert Koçaryanın günahı ilə bağlı yalan danışmaqda suçlayır: “Cəmiyyət 10 il deyil, 20 ildir ki, həm Robert Koçaryandan, həm də ondan sonra Ermənistanda hakimiyyətə gələn varisindən ölkədə hüquq və ədalətin bərpa edilməsini tələb edirdilər. Lakin Koçaryan onlara nə verdi? O, hakimiyyətdə olduğu müddətdə Ermənistanın fəal seqmentinin hüquqi baza istəyinə həbslərlə cavab verdi. Qeyd edilməlidir ki, həmin aqibəti 27 oktyabrda terror hücumunun açılmasını istəyənlər də yaşadı. Ona görə də, Koçaryan ofisi rəhbərinin təhdidləri, onun “satqın Beriya” axtarışına çıxması şox gülünc görünür”.
Ağasəf Babayev




 
Bölməyə aid digər xəbərlər
12.11.2018
Tümen aeroportlarına iki azərbaycanlının adları verilə bilər
12.11.2018
Viqen Sarkisyan: “Ermənistanın KTMT rəhbərliyindən uzaqlaşdırılması yeni hökumətin uğursuzluğudur”
12.11.2018
Avropa Şurasında yerli idarəetmələr müzakirə olunub
12.11.2018
Yağışlar İranın Əhvaz şəhərində fəsadlar törədib
09.11.2018
“ArmenianReport”: “Rus dili bizə lazım deyil”

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10456

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info