“Şəki: Azərbaycanın ipək yolu – karvanlar və xanlar şəhəri”
Tarix: 01.08.2018 | Saat: 16:36:00 | E-mail | Çapa göndər


ABŞ-ın CNN televiziya kanalının saytında “Şəki: Azərbaycanın ipək yolu – karvanlar və xanlar şəhəri” sərlövhəli məqalə yerləşdirilib.
Məqalənin müəllifləri Morin Oheyr və Cəfər Almadhun yazırlar ki, nefti ilə şöhrət tapmazdan əvvəl, Azərbaycan öz ipəyi və ədviyyatının keyfiyyəti ilə məşhur idi. Avropa ilə Asiyanın kəsişdiyi məkanda, Xəzər dənizinin sahilində və Qafqaz dağlarının ətəyində yerləşən ölkə qədim ticarət marşrutlarının şəbəkəsi olan və Şərqlə Qərbi birləşdirən İpək yolunun mühüm hissəsi idi.
Diqqətə çatdırılır ki, İpək yolunun Azərbaycanın şimal-qərbindən keçən hissəsində yerləşən Şəki şəhəri XIX əsrin əvvəlində dünyada ipək istehsalı üzrə mərkəz olub. Çay daşları ilə döşənmiş küçələri və orta əsr memarlığı ilə seçilən Şəki müasir Azərbaycanın ən mənzərəli şəhərlərindən biridir.
Şəkinin tarixi abidələrini təsvir edən müəlliflər qeyd edirlər ki, yüz illər bundan əvvəl İpək yolu boyu çoxlu mehmanxanalar vardı, bu gün Azərbaycana gələn turistlər isə XVIII əsrə aid olan və orijinal üslubda tikilmiş “Yuxarı Karvansara” otelində qala bilərlər. Əlavə edilir ki, 2017-ci ildə Azərbaycana 2,7 milyon əcnəbi turist gəlib ki, bu da rekord rəqəmdir.
Məqalədə bildirilir ki, Şəki Xan Sarayı şəhərin ən başlıca turizm məkanıdır. XVIII əsrdə tikilmiş bu ikimərtəbəli bina öz zəngin interyeri və eksteryeri ilə fərqlənir. Binanın içərisində çiçəklər, fauna, döyüş və ov səhnələri təsvirləri olan kompleks freskalarla bəzənmiş altı otaq var.
Ticarət şəhərinin kosmopolit ruhuna uyğun olaraq, Şəki dini müxtəlifliyin uzun tarixinə malikdir. Bölgədə çoxlu kilsə və məscid var. Şəhərin şimalından bir neçə kilometr aralıda yerləşən Kiş kəndində tikintisi eramızın I əsrində başa çatmış bölgənin ən qədim məbədi var.
Beynəlxalq oxucu auditoriyası üçün yerli mətbəxin xüsusiyyətlərindən bəhs edən müəlliflər yazırlar ki, çörəklə yeyilən piti yeməyi yerli kulinariyanın özəl təamıdır, şəkər və qozdan hazırlanan halva isə bölgənin ən sevilən şirniyyatıdır. Şəhərin hüdudlarından kənardakı qədim İpək yolunu birləşdirən yollar isə yenə tacirlərlə doludur.
Məqalənin sonunda qeyd olunur ki, 2017-ci ildə Azərbaycanda elektron vizaların alınması prosesinin daha da asanlaşdırılmasından sonra Qafqazın bu guşəsinə gələn turistlərin sayı artıb.
Mahmud




 
Bölməyə aid digər xəbərlər
23.02.2019
“Qoy əfqan xalqı öz liderini özü seçsin“
22.02.2019
Özəl telekanallarda yayımlanan bayağı seriallar bizi çox narahat edir
22.02.2019
Müxalifət özü də bilir ki, bu aksiyalar mənasızdır, xalqın iradəsini ifadə etmir
22.02.2019
“Talibana hərbi təzyiq göstərməyə davam edəcəyik“
22.02.2019
Azərbaycan “Şimal-Cənub” nəqliyyat dəhlizinin regional qovşaqlarından biridir

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 Londonda Karl Marksın məzarına növbəti dəfə vandal hücumu olub
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info