AMEA ilə Udmurtiya Federal Araşdırmalar Mərkəzi arasında müqavilə imzalanıb
Tarix: 01.08.2018 | Saat: 18:51:00 | E-mail | Çapa göndər


Azərbaycan Milli Elmlər Akademiyasının (AMEA) vitse-prezidenti, akademik İsa Həbibbəylinin rəhbərlik etdiyi nümayəndə heyəti Rusiya Federasiyasının Udmurtiya Respublikasında səfərdə olub.
Nümayəndə heyətinin üzvləri Böyük Vətən müharibəsi zamanı həlak olmuş əsgərlərin xatirəsini yad edərək, Udmurtiyanın döyüş və əmək abidəsini ziyarət ediblər. Qonaqlar üçün respublikanın Parlament binasında Parlamentarizm muzeyinin ətrafında ekskursiya təşkil edilib.
Səfər çərçivəsində AMEA ilə Rusiya Elmlər Akademiyası Ural şöbəsinin Udmurtiya Federal Araşdırmalar Mərkəzi arasında elmi əməkdaşlıq haqqında müqavilə imzalanıb. Sənədi AMEA-nın vitse-prezidenti, akademik İsa Həbibbəyli və Rusiya EA-nın Ural şöbəsinin Udmurtiya Federal Araşdırmalar Mərkəzinin direktoru vəzifələrini icra edən Aleksey Seminixin imzalayıblar.
Keçən əsrin 50-ci illərində yazıçı-tərcüməçi Mixail Petrov tərəfindən udmurt dilinə tərcümə edilərək Udmurtiya səhnəsində tamaşaya qoyulmuş “Arşın mal alan” operettasının xüsusi cildə salınmış orijinal surəti akademik İsa Həbibbəyliyə hədiyyə edilib. Azərbaycan üçün də yeni və əhəmiyyətli olan bu kitabın Nizami Gəncəvi adına Ədəbiyyat İnstitutu tərəfindən də nəşr edilməsi faydalı hesab olunub.
Müqavilənin imzalanması mərasimində REAUrŞ-nin Federal Araşdırmalar Mərkəzinin Udmurtiya Tarix, Dil və Ədəbiyyat İnstitutunun direktor müavini, professor Lyudmila Bextereva, elm və təhsil nazirinin müavini İrina Kroxina, respublika milli siyasət nazirinin müavini Nelli Mamayeva, Kamsk Humanitar və Mühəndis Texnologiyaları İnstitutunun rektoru, professor Valeri Nikulin və başqaları iştirak ediblər.
Səfər çərçivəsində Azərbaycan Mətbuat Şurası ilə Rusiya Federasiyasının Udmurtiya Respublikasının Jurnalistlər İttifaqı arasında Anlaşma memorandumu imzalanıb. Memorandumu MŞ sədri Əflatun Amaşov və Udmurtiya Jurnalistlər İttifaqının sədri Yelena Kapitonenko imzalayıblar.
Daha sonra qonaqlar məşhur “Buranovskiye babuşki” xalq musiqi kollektivinin qonağı olub və onların fəaliyyətini əks etdirən ekponatlara baxıblar. Azərbaycanda keçirilmiş “Avrovijn” müsabiqəsində ikinci yer qazanmış “Buranovskiye babuşki” kollektivinin udmurt dilində ifa edilən Müslüm Maqomayevin "Mənim Azərbaycanım" mahnısı qonaqların böyük marağına səbəb olub. "Buranovskiye babuşki"nin rəhbəri Olga Tuktareva qeyd edib ki, bu mahnını onlar Azərbaycan xalqına minnətdarlıq əlaməti olaraq ifa ediblər.
Səfər çərçivəsində Udmurtiyadakı “Dostluq” Azərbaycan İctimai Mərkəzinin fəalları ilə də görüş keçirilib.

Nigar




 
Bölməyə aid digər xəbərlər
13.12.2018
Beynəlxalq Əmək Təşkilatı əmək müfəttişliyi sisteminin gücləndirilməsi məqsədilə təlim kursu keçirib
13.12.2018
“Azərsun Holdinq” ümummilli liderin xatirəsini yad edib
13.12.2018
Xanımlar üçün sosial sahibkarlıq proqramına start verilib
12.12.2018
Ümummilli lider Heydər Əliyevin əziz xatirəsi ehtiramla yad edilir
12.12.2018
“Bakcell” müsabiqədə qalib gələn məktəbliləri mükafatlandırdı

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10526

1 “Macarıstandakı Azərbaycan icmasının böyük əksəriyyətini gənclər təşkil edir”
2 Prezident İlham Əliyev Putinin dəvəti ilə Rusiyaya işgüzar səfərə gedib- YENİLƏNİB
3 Bill Klinton Heydər Əliyevlə görüntülərini paylaşdı
4 “Xəzər hövzəsi və enerji təhlükəsizliyi” - Rufiz Qonaqov yeni kitabını təqdim etdi
5 “Ermənistan iqtisadiyyatı böhrandan çıxa bilmir”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info