“İran gücləri İsraillə sərhəddən 85 km geri çəkildi”
Tarix: 02.08.2018 | Saat: 00:00:00 | E-mail | Çapa göndər


Putinin xüsusi nümayəndəsi: “İdlibdə hərbi əməliyyat gündəmdə deyil”

Aleksandr Lavrentyev: “Suriya münaqişəsinin nizamlanması, Türkiyədəki 3,5 milyonadək suriyalı qaçqının vətəninə qayıtması məsələləri sentyabrın 7-də keçirilməsi planlaşdırılan Türkiyə-Rusiya-Fransa-Almaniya sammitinin əsas mövzusu olacaq”

Rusiyanın TASS agentliyinin yaydığı xəbər dünya media orqanlarında bir nömrəli xəbərə çevrilib. Məlumatda qeyd edilir ki, İran gücləri Suriyanın cənubundan geri çəkilib. Müxalif qüvvələrin İdlibdən çəkilməsindən sonra Bəşər Əsədə tabe olan qüvvələr və İran milisləri İsrailin nəzarətində olan Holan təpələrinə qədər irəliləmişdi. Bu isə İsraili bərk narahat etmişdi. Təl-Əviv ardıcıl şəkildə Suriyaya zərbələr endirir. Prosesə müdaxilə edən Rusiya İran güclərinin həmin bölgədən çəkilməsini təklif etmişdi. Təl-Əviv bu təklifə müsbət yanaşmadı. Amma dünən Rusiya tərəfi bəyan edib ki, aralarında “Hizbullah”ın da olduğu İran gücləri Holan təpələrindən geri çəkilib. Rusiyanın məlumatına görə, İran gücləri İsraillə sərhəddən 85 km geri çəkilib.
Bu arada İstanbulda keçiriləcək Türkiyə-Rusiya-Fransa-Almaniya sammitinin əsas mövzusu bəlli olub. Astanada keçirilən Suriya danışıqlarında Rusiya nümayəndə heyətinə rəhbərlik edən Aleksandr Lavrentyev “RİA Novosti”yə bildirib ki, Suriya münaqişəsinin nizamlanması, Türkiyədəki 3,5 milyonadək suriyalı qaçqının vətəninə qayıtması məsələləri sentyabrın 7-də keçirilməsi planlaşdırılan Türkiyə-Rusiya-Fransa-Almaniya sammitinin əsas mövzusu olacaq. O bildirib ki, dördtərəfli sammit keçirilməsinin təşəbbüskarı Türkiyə prezidenti Ərdoğan olub. Rusiya prezidenti Vladimir Putinin Suriya üzrə xüsusi nümayəndəsi olan Aleksandr Lavrentyev qeyd edib ki, İdlibdə hərbi əməliyyatın aparılması gündəmdə deyil. Lavrentyev Rusiyanın Soçi şəhərindəki zəmanətçi ölkələrin 10-cu toplantısından sonra təşkil etdiyi mətbuat konfransında qeyd edib ki, ilk mərhələdə 10-15 əsirin azadlığa buraxılması müzakirə mövzusudur: “Lakin bu başlanğıcdır. Müxalifət həbs olunanların siyahısını təqdim etməyə çəkinir. Çünki həmin şəxslərin edam edilməsindən qorxurlar. Bu mövzudakı səylərimizin müsbət təsiri olacağına inanıram. Türkiyəli tərəfdaşlarımızdan da töhfə istəyirik və onlar bu töhfəni təmin edirlər”. Soçidə keçirilən ikigünlük danışıqlardan sonra Türkiyə, Rusiya və İran Suriyanın bütövlüyünə bağlılıqlarını və qonşu ölkələrin təhlükəsizliyini təhdid edən separatçılara qarşı birgə mövqelərini vurğulamışdılar. Onu da qeyd edək ki, Türkiyə prezidenti Rəcəb Tayyib Ərdoğan rahib Branson məsələsi ilə bağlı ABŞ-ın Türkiyəyə sanksiya tətbiq edəcəyi barədə səslənən fikirlərə münasibət bildirib. O deyib ki, Türkiyədə dini azlıqlarla bağlı problem yoxdur:
“Bizə hədə-qorxu gəlmək heç kimə bir şey qazandırmaz. Bizimlə təhdid dili ilə danışanlara güzəştə getməyəcəyik. Lakin ABŞ-da yevanqelist, sionist anlayışın bu tərzdə danışmasını, əsla, qəbul etmirik. Azadlığımızı, məhkəmə sistemin müstəqilliyini qoruyaraq yolumuza davam edəcəyik”. ABŞ Dövlət Departamenti isə rahib Branson məsələsi ilə bağlı ABŞ-ın Türkiyəyə sanksiya tətbiq edəcəyi xəbərdarlığının çox ciddi olduğunu açıqlayıb. Qurumun mətbuat xidmətinin rəhbəri Hizer Noyret bildirib ki, rahib ev dustaqlığına buraxılsa da, bu, yetərli deyil. Qeyd edək ki, rahib Endryu Branson FETÖ və PKK təşkilatlarına casusluqda ittiham olunaraq 2016-cı il dekabrın 9-da həbs olunub. ABŞ prezidenti Donald Tramp və vitse-prezident Mayk Pensin bu məsələni gündəmə gətirməsi və Türkiyəni sanksiyalarla təhdid etməsi ilə iki ölkə arasında münasibətlər gərginləşib. Ötən ay Endryu Bransonun növbəti məhkəməsi keçirilib və o, ev dustaqlığına buraxılıb.
Anar




 
Bölməyə aid digər xəbərlər
16.11.2018
Ərdoğan Qəzza zolağında vəziyyətlə bağlı Abbasa dəstəyini bildirib
16.11.2018
ABŞ Gülənin ekstradisiyasının yollarını axtarır
16.11.2018
Gürcüstandan Rusiyaya gedən avtomagistral yol bağlanıb
15.11.2018
Aİ - Britaniya “boşanması”: İrlandiya, Cəbəllütariq və Kipr üzrə protokollar razılaşdırılıb
15.11.2018
Miqrantlar ABŞ ve Meksika arasında olan sərhəd hasarına çıxdılar

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10486

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info