Ruhani ölkə parlamentində hesabat verəcək
Tarix: 02.08.2018 | Saat: 00:02:00 | E-mail | Çapa göndər


İran prezidenti Həsən Ruhani ölkə parlamentində hesabat verəcək. Prezident 80 millət vəkilinin ölkə iqtisadiyyatı daxil olmaqla, daxili və xarici siyasətlə bağlı suallarını cavablandıracaq.
Prezident Həsən Ruhaniyə sualları cavablandırmaq üçün bir ay vaxt verilib. İran İslami Şura Məclisinin spikeri Əli Laricani bildirib ki, millət vəkillərinin prezident Həsən Ruhaniyə ünvanladıqları suallar hökumətin valyuta və mal qaçaqmalçılığına nəzarət edə bilməməsi, bank sisteminə qarşı sanksiyaların davam etdirilməsi, işsizliyin aradan qaldırılmasında hökumətin yetərsiz işlər görməsi, son illərdə inflyasiya səviyyəsinin və xarici valyuta məzənnələrinin artması, eləcə də rialın dəyərinin kəskin şəkildə düşməsi ilə bağlıdır. Qeyd edək ki, son günlər İranda ABŞ dollarının məzənnəsinin yüksəlməsi və ölkədə bəzi məhsulların qiymətinin qalxması deputatların hökumət üzvlərinin fəaliyyətindən narazılığına səbəb olub. Millət vəkilləri prezidentdən iqtisadi komandanın dəyişməsini istəyib. Hökumət yaxın günlərdə ölkədəki iqtisadi durumu yaxşılaşdırmaq üçün yeni iqtisadi paket təqdim edəcəyini açıqlayıb. İranın İsfahan şəhərində yüzlərlə insan ölkədəki iqtisadi vǝziyyǝtlə bağlı aksiya keçirib. Sosial şǝbǝkǝlǝrdǝ yayılan şəkillər göstərir ki, İsfahanda Əmir Kəbir Sənaye ǝrazisindǝki sahibkarlar və yük maşını sürücülǝri, inflyasiya vǝ valyuta mǝzǝnnǝsindǝki artıma etiraz ediblǝr. Mǝlumata görǝ, İsfahan Qapalı bazardakı sahibkarlar da etiraz nümayişi keçiriblǝr. Təkər yandıran aksiyaçılar rejim əleyhdarı şuarlar da səsləndiriblər. Nümayişçilərə müdaxilə edən polis xeyli sayda aksiyaçını nəzarətə götürüb. TRT-nin məlumatına görə, İran Məclisinin Büdcə Komissiyasının üzvü Cəhanbəxş Muhibbiniya ölkə iqtisadiyyatının çökməkdə olduğunu bildirib. Miyanduab vilayətindən seçilmiş deputat məclisdə etdiyi çıxışında deyib: "İran iqtisadiyyatı çökür. Xahiş edirəm, gözlərinizi açın. Prioritet məsələləri məclis gündəminə gətirmədiyi üçün prezident Həsən Ruhani hökumətindən narazıyıq". Valyuta bazarında dolların 11 min tümənə qalxdığını ifadə edən Muhibbiniya, ölkədə işsizlik və bahalılıq kimi iqtisadi problemlərlə yanaşı, ətraf mühit və səhiyyə sahələrində də çətinliklər olduğunu vurğulayıb və bu cür problemlərlə qarşı-qarşıya olan xalqa qulaq asılmasını istəyib.
Cavidan




 
Bölməyə aid digər xəbərlər
22.09.2018
İranda terror aktı: həlak olanların sayı 24 nəfərə çatıb
22.09.2018
Tereza Mey: “Brexit” barədə danışıqlar düyünə düşüb
22.09.2018
İranda terror aktı nəticəsində 11 nəfər həlak olub
22.09.2018
İranda hərbi parad zamanı terror aktı törədilib
22.09.2018
Estoniyada Müqavimət Günü qeyd edilir

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info