Burada deyiblər “kiminin əvvəli kiminin axırı”
Tarix: 03.08.2018 | Saat: 01:54:00 | E-mail | Çapa göndər



On il əvvəl - 2008-ci ildə həbs olunan Nikol Paşinyan həbs edilməsində önəmli rol oynayan o dövrün hökumət nümayəndələrinin hazırda təqib edilməsi və həbsi ilə şəxsən məşğuldur. Burada deyiblər “kiminin əvvəli, kiminin axırı”.

Bu sözləri AZƏRTAC-a açıqlamasında son dövrdə Ermənistanda baş verən ictimai-siyasi prosesləri şərh edən analitik–icmalçı Ehtiram Aşırlı bildirib.
E.Aşırlı deyib: “Kim deyərdi ki, bir vaxtlar həbs olunan Nikol Paşinyan hökümətin başına keçəcək və onu dəmir barmaqlıqlar arxasına salan köhnə hökumət üzvlərindən əvəz çıxacaq. Əslində N.Paşinyan təkcə 2008-ci il 1 mart hadisələrinin araşdırılmasında maraqlı deyil, həmçinin köhnə hökumət nümayəndələrindən həbsdə olduğu günlərin intiqamını alır. Bir neçə gün öncə ovaxtki prezident, etirazların qan içində boğulması əmrini vermiş Robert Köçəryan təqsirləndirilən şəxs qismində müstəntiqlərin qarşısına çıxarıldı və sabiq dövlət başçısının barəsində həbs qərarı çıxarılması üçün məhkəməyə müraciət olundu”.
Köçəryan bunu “vendetta” və “dövlətin altına bomba qoyulması” kimi qiymətləndirir. Robert Köçəryanın hakimiyyəti dövründə klan təəssübkeşliyi əvəzinə, hüquq və azadlıqlara əsaslanan dayanıqlı sistem qurmağa çalışsaydı, heç kim bu gün “qisas” fikrinə düşməzdi. Onun özü də indi məhbəs həyatına hazırlaşmaq əvəzinə, rahat təqaüdçü həyatını yaşayar, aqil adam qismində ölkəsinin yeni nəsil siyasətçilərinə məsləhətlər verərdi. Yəni, Köçəryan həbsinin daxili siyasətdə Paşinyan üçün hər hansı neqativ nəticələrini gözləməyə dəyməz. Bəlkə də Paşinyanın tez-tez Qarabağa getməsi Ermənistanda klanın zərərsizləşdirilməsi ilə əlaqədar orada etirazların baş qaldırması ehtimalı qarşısında qabaqlayıcı tədbirlər görmək və öz mövqelərini möhkəmləndirməyə çalışmaq niyyətindən irəli gəlir.
Lakin hadisələr bir daha göstərir ki, Ermənistanda hökumət tam olaraq formalaşmayıb və vəziyyət hər an dəyişə bilər. Baş nazir hökumətlə məşğul olmaq əvəzinə öz intiqamını almaqla məşğuldur. N.Paşinyana “Cahanda hər hökmü bir zaman verir, dünən fərman verən, bu gün can verir” fikrini söyləmək burada yerinə düşər.




 
Bölməyə aid digər xəbərlər
26.09.2018
Türkmənistanda elektrik enerjisi, qaz, su və duzdan pulsuz istifadə ləğv olunub
25.09.2018
“İrəvan meriyasına seçkilər yalan və riyakarlığın nümunəsidir”
25.09.2018
Yaxın Şərq böyük müharibə ərəfəsində
25.09.2018
Kvirikaşvili AYİB-in beynəlxalq məsləhətçisi olub
25.09.2018
TASS: Azərbaycan silah bazarında Rusiya Federasiyasının iri tərəfdaşıdır

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10147

1 “Vətən uzaqda deyil” telelayihəsi dünya azərbaycanlılarının sevincinə səbəb olub
2 Yalnızlıq qorxusu
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info