“Atletiko Madrid” UEFA Super Kubokunun qalibi olub
Tarix: 16.08.2018 | Saat: 05:38:00 | E-mail | Çapa göndər


44-cü UEFA Super Kubokunun qalibi müəyyənləşib.
Super Kubok uğrunda mübarizədə Madridin iki təmsilçisi – “Real” və "Atletiko” klubları qarşılaşıblar.
Ötən mövsüm Avropa Liqasını qalibi olan “Atletiko Madrid”in start heyətində Yan Oblak, Stefan Saviç, Dieqo Qodin, Cuafran, Luka Ernandes, Tomas Lemar, Saul Niqes, Rodriqo, Koke, Antuan Qrizman və Dieqo Kosta yer alıblar.
2017-2018 mövsümündə Çempionlar Liqasının qalibi olan "Real Madrid"nin ilk onbirliyində isə meydana Keylor Navas, Rafel Varan, Dani Karvaxal, Serxiyo Ramos, Marselo, Toni Kros, Kazemiro, İsko, Qaret Beyl, Kərim Benzema, Marko Asensio çıxıblar.
Qarşılaşma Estoniyanın paytaxtı Tallinnin “Lilleküla” stadionunda baş tutub.
Final görüşündə hesabı “Atletiko” klubu erkən qolla açıb. Belə ki, qarşılaşmanın ilk dəqiqəsində Dieqo Kosta öz fərdi ustalığı sahəsində iki müdafiəçidən yayınaraq qapıya dəqiq zərbə vurub-1:0. “Real Madrid” klubu matçın 27-ci dəqiqəsində hesaba tarazlıq gətirib. Qaret Beylın rəqibin cərimə meydançasına hava ötürməsini Kərim Benzema dəqiq baş zərbəsi ilə tamamlayıb-1:1.
Hər iki Madrid təmsilçilərin səylərinə baxmayaraq, ilk hissədə əlavə qol olmayıb və komandalar fasiləyə 1:1 hesablı heç-heçə ilə yollanıblar.
İkinci hissədə daha yüksək əzmkarlıq göstərən “Real Madrid” komandası matçın 63-ci dəqiqəsində hesabda irəli çıxıb. Oyunun baş hakimi polşalı Şimon Marçinek cərimə meydançasının daxilində müdafiəçinin əllə oyununa görə "Atletiko Madrid" klubunun qapısına 11 metrlik cərimə zərbəsi təyin edib. Topa yaxınlaşan "kral klubu"nun kapitanı Serxiyo Ramos fürsəti əldən verməyib - 1:2.
Qoldan sonra irəli atılan Dieqo Simyonenin yetirmələri qarşılaşmanın 79-ci dəqiqəsində istəklərinə nail olublar. Dieqo Kosta özünün və komandasının ikinci qolunu vurub.

Qarşılaşmanın əsas vaxtı 2:2 hesablı heç-heçə ilə başa çatdığından qalibi müəyyənləşdirmək üçün hər biri 15 dəqiqəlik iki hissə oynanılıb.
Əlavə olunan ilk hissənin 8-ci (98-ci) dəqiqəsində "Atletiko Madrid" yenidən hesabda irəli keçib. Rafayel Varanın müdafiədə etdiyi kobud səhvi Saul Niqes bağışlamayıb - 3:2. Qoldan beş dəqiqə sonra “Atletiko” hesab arasındakı fərqi artırıb. Dieqo Kosta, Vitolo, Koke kombinasiyasını sonuncu dəqiq zərbə ilə tamamlayıb və komandası üçün həlledici qolu vurub - 4:2. Bu qol oyunda sonuncu olub.
Beləliklə, "Atletiko Madrid" klubu tarixində üçüncü dəfə UEFA Super Kubokunun qalibi olub.




 
Bölməyə aid digər xəbərlər
18.09.2018
UEFA Çempionlar Liqası: “İnter” və “Barselona“ qələbə qazanıblar
18.09.2018
Bakıda Beynəlxalq Cüdo Federasiyası İcraiyyə Komitəsinin iclası keçirilib
18.09.2018
UEFA Çempionlar Liqası: Məhəmməd Salah Neymara qarşı
18.09.2018
Azərbaycan üzgüçüsü dünya kubok yarışlarında qızıl medal qazanıb
17.09.2018
Mina Abbasova növbəti qələbəsini də Azərbaycana həsr etdi

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10117

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info