Dollardan imtina mümkündürmü?
Tarix: 17.08.2018 | Saat: 14:14:00 | E-mail | Çapa göndər


Bu gün dünyada valyuta ehtiyatlarının 70 faizə yaxını məhz ABŞ dolları ilə saxlanılır.
Bu sözləri Axar.az-a açıqlamasında iqtisadçı alim Vüqar Bayramov deyib. Ekspert bildirib ki, ümumiyyətlə hazırda dünya dövlətlərinin dollardan imtina etməsi strateji olaraq mümkün deyil:
“Baxmayaraq ki, bir sıra ölkələr yalnız ticarətdə deyil, eyni zamanda, fiziki olaraq dollardan imtina etmək barədə qərarlar qəbul edirlər. Ancaq bu addımlar qısamüddətli dövr üçün effektlidir, strateji və uzunmüddətli dövr üçün dollardan imtina mümkün deyil. Hətta Rusiya və Türkiyə öz aralarında milli valyutalardan istifadə edərək ticarət aparmaq istəsələr belə, onların dollara ehtiyacı olacaq. Çünki rus rublu və türk lirəsinin birbaşa məzənnəsi yoxdur və çarpaz məzənnəsi var. Rusiyada olan sahibkar öz rublunu lirəyə konvertasiya etmək üçün yenə dollara malik olmalıdır. Bu baxımdan dollara tələb hətta xarici ticarətdə milli valyutalardan istifadə ediləcəyi halda belə qalacaq. Nəzər alsaq ki, bu gün dünyada valyuta ehtiyatlarının artıq 70 faizə yaxını məhz ABŞ dolları ilə saxlanılır. Əslində, yumşaq desək, dolların müdafiəçisi yalnız ABŞ deyil, həm də valyuta ehtiyatlarının 70 faizi dollarda olan dünyadır. Bu baxımdan da hesab edirəm ki, dollardan imtina çağırışı daha çox psixoloji təsir məqsədi daşıyır”.
İqtisadçının sözlərinə görə, Azərbaycanda da dollardan imtina indiki məqamda real deyil:
“Çünki ölkədə dollara ehtiyac var və Azərbaycan ixrac hesabına dollara olan tələbin bir hissəsini ödəyir. Azərbaycanın ümumi ixracatının 90 faizi neft və neft məhsullarıdır. Strateji məhsullar isə dünya bazarında yalnız dollarla satılır. Ona görə də Azərbaycanda dollardan imtinaya deyil, bu valyutaya olan tələbin optimallaşdırılmasının həyata keçirilməsinə ehtiyac var. Yerli istehsalı artırmaq yolu ilə ölkəyə daxil olan dolların ölkədə qalmasına nail ola bilərik”.
Qeyd edək ki, ABŞ-ın sanksiyaları ilə üz-üzə qalan Türkiyə, Rusiya, Çin və İran kimi ölkələr qarşılıqlı ticarətdə dollardan imtina edərək, milli valyutalarla hesablaşmaq yönündə çağırış ediblər.




 
Bölməyə aid digər xəbərlər
16.01.2019
Nikola Sturgeon: Brexitlə bağlı yeni referendumun keçirilməsi vacibdir
14.01.2019
“Azərbaycan hər ili əvvəlki ildən daha möhtəşəm uğurlara imza atır”
13.01.2019
Prezident Ermənistandakı böyük problemlərin məhz Sarkisyan rejiminin mahiyyətindən irəli gəldiyini təkzibolunmaz faktlarla sübut etdi
13.01.2019
2019-cu ilin “Nəsimi ili” elan edilməsi Nəsimi ideyaları əsasında azərbaycançılıq təfəkkürünün inkişaf etdirilməsi baxımından çox mühümdür
13.01.2019
Azərbaycanın uğurlu siyasəti Ermənistanın kriminal xunta rejiminin mahiyyətini açıb ortaya qoydu

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10564

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Dərslər təxirə salındı
5 Hüseyn Babayev AAF-ın vitse-prezidenti təyin edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info