ABŞ-ın populyar radio-şousunun efirində Dağlıq Qarabağ münaqişəsindən bəhs olunub
Tarix: 18.08.2018 | Saat: 01:19:00 | E-mail | Çapa göndər



Xəbər verdiyimiz kimi, Amerika Birləşmiş Ştatlarının məşhur və geniş auditoriyaya malik olan “Con Batçelor Şou” radioverilişinin aparıcısı Con Batçelor Azərbaycanda səfərdə olub və ölkəmiz haqqında yeddi müxtəlif səpkili veriliş hazırlayıb.
AZƏRTAC xəbər verir ki, “Con Batçelor Şou”da Ermənistan-Azərbaycan Dağlıq Qarabağ münaqişəsindən də bəhs olunub.
Radioverilişdə Con Batçelor Dağlıq Qarabağ münaqişəsi barədə qısa məlumat verib, verilişdən sonra cəbhə xəttinə yaxın olan Tərtər rayonuna səfər edəcəyini bildirib.
Azərbaycanın ABŞ-dakı səfiri Elin Süleymanov amerikalı dinləyicilərə Ermənistan-Azərbaycan Dağlıq Qarabağ münaqişəsi barədə ətraflı məlumat verib, münaqişənin həlli istiqamətində atılan addımlardan danışaraq deyib: “Biz artıq neçə illərdir ki, danışıqlar aparırıq. Təəssüf ki, hələlik uğurlu nəticə əldə edilməyib. Lakin insanlar sülhün necə əldə oluna biləcəyini başa düşürlər. Biz Ermənistan rəhbərliyinin öz xalqının gələcəyini düşünəcəyinə ümid edirik”.
Con Batçelor qeyd edib ki, Ermənistanın inkişaf yollarından biri də Azərbaycandan başlayan və Gürcüstan ərazisindən keçən dəmir yolu xəttinə qoşulmaq olardı. Lakin Ermənistan bu münaqişəni həll etmədiyi üçün öz vətəndaşlarının gələcəyini təmin edə bilmir. Xüsusilə də gənc ermənilər inkişaf olmadığı üçün ölkələrini tərk etmək məcburiyyətindədir. Ermənistan hələ də XX əsrdə qalıb. O, Sovet İttifaqı dağıldıqdan sonra yaranan xaosda ilişib qalıb.
Elin Süleymanov vəziyyətin belə olduğunu təəssüf hissi ilə qeyd edib. “Məsələ təkcə dəmir yolunda deyil, avtomobil yolu, neft-qaz boru kəmərləri və digər layihələr də buraya daxil edilə bilər. Sülh özü ilə dividendlərini də gətirəcək”,-deyə diplomat vurğulayıb.
Qeyd etmək lazımdır ki, C.Batçelor öz gündəlik canlı yayımlarını Gəncədə yerləşən Kəpəz TV və radiosunun studiyasından, Bakıda isə Xəzər TV və radiosunun studiyasından Nyu-Yorka bağlanmaqla həyata keçirib və bu faktı fəxrlə öz auditoriyasına dəfələrlə çatdırıb.




 
Bölməyə aid digər xəbərlər
22.09.2018
Azərbaycanda gördüklərim məndə xoş təəssüratlar yaratdı
22.09.2018
Azərbaycan ilə İordaniya dost və qardaş ölkələrdir
22.09.2018
Azərbaycan-Rusiya parlamentlərarası əlaqələri yüksək səviyyədədir
22.09.2018
İsveçrə və Azərbaycan arasında çox yaxşı əlaqələr mövcuddur
21.09.2018
Yıldırım: “Azərbaycanı vətənim kimi qəbul edirəm“

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info