Qızı ilə eyni fakültəyə qəbul olunan ata: Təhsil almaq heç zaman gec deyil
Tarix: 22.08.2018 | Saat: 23:13:00 | E-mail | Çapa göndər



Ağcabədi rayon Sarıcalı kənd sakinləri Kərəm Süleymanov və onun qızı Nərgiz Süleymanova bu il I ixtisas qrupu üzrə ali məktəblərə keçirilən qəbul imtahanlarında keçid balını toplayaraq tələbə adını qazanıblar. Qəbul imtahanlarına bir yerdə hazırlaşan ata-qız Bakı Dövlət Universitetinin informatika fakültəsinə qəbul olunublar. Ata ilə qızının eyni vaxtda imtahan verərək, eyni fakültəyə qəbul olması ailənin böyük sevincinə səbəb olub.
Kərəm Süleymanov AZƏRTAC-ın bölgə müxbiri ilə söhbətində bildirib ki, 1991-ci ildə Azərbaycan Texnologiya Universitetini bitirib. Sonrakı illərdə Bakı Dövlət Universitetinə, Azərbaycan Tibb Universitetinə, Elm və Təhsil Mərkəzi “Təfəkkür” Universitetinə, Gəncə Dövlət Universitetinə və digər ali məktəblərə qəbul olsa da, ailə vəziyyəti ilə əlaqədar yenidən təhsil ala bilməyib. Ötənilki qəbul imtahanlarına qızı Nərgizlə birlikdə hazırlaşaraq, hər ikisi keçid balını toplayıb. Özü Gəncə Dövlət Universitetinə, qızı isə Azərbaycan Kooperasiya Universitetinə qəbul olub. Lakin Nərgizin qəbul olduğu ixtisas pedaqoji olmadığı üçün sənədləri təhsil müəssisəsinə təqdim etməyiblər. Bir il də bir yerdə imtahanlara hazırlaşıblar. K.Süleymanov ixtisasca müəllim olmasa da, qızını fizika, kimya və riyaziyyat fənlərindən hazırlaşdırıb. Nərgiz isə Azərbaycan dili fənnindən atasına kömək edib. Qəbul imtahanında Kərəm Süleymanov 537, qızı Nərgiz Süleymanova isə 413 bal toplayaraq tələbə adını qazanıblar.
Nərgiz Süleymanova tələbə adı qazanmaqla yanaşı, həm də atası ilə bir yerdə təhsil alacağına görə çox sevindiyini deyib: “Universitetdə valideyni ilə qrup yoldaşı olmaq özü ən böyük şərəfdir. Atama həmişə valideyndən çox müəllim kimi baxmışam. İndi isə həm də tələbə yoldaşı olacağıq”.
Təhsil almağın, elm öyrənməyin heç zaman gec olmadığını deyən Kərəm Süleymanov hər kəsə yaşından asılı olmayaraq oxumağı, biliyini, təhsilini artırmağı tövsiyə edir: “Məhəmməd peyğəmbər “Beşikdən qəbrədək elm öyrənin!”, deyib. Dahi Azərbaycan şairi Nizami Gəncəvi də “Qüvvət elmdədir, başqa cür heç kəs heç kəsə üstünlük eyləyə bilməz” kəlamlarını söyləyib. Ən böyük var-dövlət elm, bilik, savaddır. Odur ki, üzümü gənclərə tutaraq biliklərini, təhsillərini artırmağı, yüksək bilikli mütəxəssis kimi Vətənə ləyaqətlə xidmət göstərməyi tövsiyə edirəm”, - deyə K.Süleymanov bildirib.




 
Bölməyə aid digər xəbərlər
19.09.2018
Aşura günü Gəncədə iki yerdə qanvermə aksiyası keçiriləcək
19.09.2018
ADPU-da professor Faruk Faik Köprülünün məruzəsi dinlənilib
19.09.2018
Dövlət Əmək Müfəttişliyi Xidməti Lənkəran və Masallı rayonlarında seminar keçirib
19.09.2018
Əcnəbilərin Azərbaycana marağını necə artırmaq olar
18.09.2018
Prezident İlham Əliyev: Bakı-Astara magistral yolunun açılışı tarixi layihədir, Azərbaycanın imkanını göstərir

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10121

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info