“Paşinyan Ermənistanı fəlakətə doğru aparır”
Tarix: 26.08.2018 | Saat: 19:37:00 | E-mail | Çapa göndər


Paşinyan hakimiyyəti fəaliyyətinin 100 günü ərzində ölkədə ”böyük uğurun” əsasını qoyduğunu iddia etsə də, artıq onun və komandasının opponentləri tərəfindən tənqidlər səngimək bilmir. Məsələn, bu günlərdə “Aravot” qəzetində genişhəcmlı müştərək məqalə ilə çıxış edən respublikaçı deputatlar Karen Bekaryan, Miqran Akobyan, Arman Saqatelyan və Samvel Farmanyan Paşinyanın 100 günlük fəaliyyətıni kəskin tənqid ediblər.
Hökumətin 100 günlük fəaliyyətinin demək olar ki, bütün aspektlərini analiz edən məqalə müəllifləri 100 gün ərzində Paşinyanın artıq ölkəni uçurumun kənarına sürüklədiyini bildiriblər: “Belə təəssürat yaranır ki, sanki öz sələflərindən Nikol Paşinyana miras qalmış Eden bağını məqsədli şəkildə fəlakətə aparır. Məgər Paşinyan ölkəni ibtidai fəlakətə dogru apardığını anlamırmı?”
Qeyd edilməlidir ki, erməni deputatların bu fikirləri “1in.am” saytında yer alıb. Maraqlıdır ki, Paşinyanın hakimiyyəti dövründə Ermənistanın Rusiya, Aİ və ABŞ-la münasibətlərinin pisləşdirdiyini, Qarabağ məsələsində risklərin artdığını bildirən deputatların fikirərini sayt heç bir fakta əsaslanmayan fikirlər kimi dəyərləndirir. Ermənistanın xarici siyasətindəki uğursuzluğu Paşinyanın yeni komandasının təcrübəsinin az olması ilə əlaqələndirən sayt , “əgər sabiq hakimiyyət ötən illər ərzində Ermənistan siyasətində möhkəm bir təməl qurubsa, bunu yüz gün ərzində sarsıtmaq mümkündürmü? Əlbəttə ki yox!”-deyə bildirir.
Sayt, son 20 il ərzində erməni-rus münasibətlərində heç bir tərəfdaşlığın olmadığını, sadəcə, Moskvanın vassal rejimin korrupsiyalaşmış üzvləri ilə işlədiyini bildirir: “İndi Nikol Paşinyan hökuməti Moskvanın müqavimətini qıraraq köhnə, pis əlaqələr sistemini sökməyə çalışır, buna görə Respublikaçılar tərəfindən himayə olunan cinayətkarlar ortaya çıxır”.
Serj Sarkisyanın hakimiyyəti dövründə Ermənistanın Avropa İttifaqı ilə əlaqələrinin imitativ xarakter daşıdığını, yəni sabiq hakimiyyətin Brüsseldən yalnız pul umduğunu yazan sayt, nədənsə pul üçün Avropaya gedən Paşinyanın Brüsseldən əli ətəyindən uzun qayıtdığını yada salmır: “Nikol Paşinyanın belə bir məqsədi yoxdur. O, Ermənistan- Avropa İttifaqı əlaqələrində tərəflərin uyğunlaşması üçün yeni bir səviyyə yaratmağa çalışır”.
Sizi bilmirəm, nədənsə, mənim buna inanmağım gəlmir. Axı, vaxtilə, elə “1in.am” saytı “məxməri inqilabçı”nın Avropadan umacağının yetərincə həyata keçiriməməsi barədə ekspert rəyləri vermişdi. Lakin sayt, nədənsə, bunları unudur.
Qeyd edək ki, erməni-amerikan münasibətlərinin formalaşması istiqamətində sabiq hakimiyyətin heç bir təsirli addımlar atmadığını xatırladan sayt, Paşinyanın Moskvadan qorxmadan, ən azından Trampla görüş keçirilməsinə səy göstərdiyini bildirir.
Ağasəf Babayev




 
Bölməyə aid digər xəbərlər
14.11.2018
Ermənistandakı bəzi siyasi qüvvələr parlament seçkilərində iştirakdan imtina edirlər
14.11.2018
Putin: “Rusiya müsəlman ölkələri ilə dostluq əlaqələrinin inkişafına böyük əhəmiyyət verir”
13.11.2018
Nazarbayev Asiyada Təhlükəsizlik və Əməkdaşlıq Təşkilatının yaradılmasını təklif edib
13.11.2018
NATO Avropa ordusuna qarşı çıxdı
13.11.2018
Ermənistanın dövlət strukturlarında çalışanlar ixtisar ediləcək

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10469

1 “Universitetlərdə rəhbər şəxslərin qapıları tələbələr üçün daim açıq olur”
2 “Xaricdə təhsilimi davam etdirsəm, psixologiya sahəsini seçəcəyəm”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info