Azərbaycan Dubayda Ticarət Evi açaçaq
Tarix: 27.08.2018 | Saat: 14:02:00 | E-mail | Çapa göndər



2018-ci ilin sonunadək Azərbaycan Dubayda Ticarət Evi açaçaq. Bunu Trend-ə açıqlamasında Azərbaycanın Dubaydakı ticarət nümayəndəsi Elnur Əliyev bildirib.
E.Əliyevin sözlərinə görə, hazırkı mərhələdə Dubayda Azərbaycan Ticarət Evinin açılması üzrə ciddi layihə üzərində geniş iş gedir:
"Ticarət Evinin açılmasından sonra iki istiqamətdə işləməyi planlaşdırırıq: birincisi, məhsulların pərakəndə satışını inkişaf etdirmək, ikincisi isə müxtəlif Azərbaycan məhsullarının topdan alıcılarının axtarışı istiqamətində. Birləşmiş Ərəb Əmirliklərinə ixrac edilən məhsulların həcminin artırılması ilə yanaşı, tədarükümüzün sabitliyini təmin etməyi planlaşdırırıq. Bu, çox vacib nüansdır, çünki məhsulumuzun BƏƏ-nin bazarlarına daimi tədarükü xüsusilə də Dubay bazarlarında potensial idxalçılar və alıcıların etimadını artıracaq. Digər tərəfdən, bu, Azərbaycanın ixracdan gəlirlərini artıracaq".
Nümayəndə qeyd edib ki, Dubaydakı Ticarət Evində Azərbaycan istehsalı olan məhsullar təqdim olunacaq, onun ziyarətçiləri Azərbaycanın mədəniyyəti, zəngin mətbəxi ilə tanış ola biləcəklər:
"Biz məhsullarımızın təqdim olunacağı müxtəlif sərgilərin keçirilməsini planlaşdırırıq. Bununla da çalışırıq ki, potensial alıcı və ziyarətçilərimizdə təkcə məhsulu almaq deyil, həmçinin Azərbaycanı ziyarət etmək istəyi də yaransın. Yəni üzərində işlədiyimiz bu konsepsiya, həmçinin BƏƏ-dən Azərbaycana turist axınının artırılmasına yönəlib. Azərbaycan Ticarət Evi Dubayın ən prestijli yerlərindən birində açılacaq. Hazırda xarici həmkarlarımızla danışıqlar aparırıq ki, gələcəkdə irimiqyaslı sərgilər keçirək".
O bildirib ki, Ticarət Evində xüsusi məlumat ofisi fəaliyyət göstərəcək və burada istənilən şəxs Azərbaycan haqqında daha ətraflı və onu maraqlandıran, o cümlədən turizm sahəsində məlumat əldə edə bilər: "Ticarət Evinin açılması BƏƏ-yə qeyri-neft sektoru məhsullarının ixracının artmasına, Azərbaycan məhsullarının irəliləməsinə və ikitərəfli ticarətin genişlənməsinə səbəb olacaq".
E.Əliyev, həmçinin vurğulayıb ki, Azərbaycan qitənin müxtəlif yerlərində ixracatçı kimi böyük maraq doğurur, bu da dövlətin düzgün və düşünülmüş iqtisadi siyasətindən xəbər verir.




 
Bölməyə aid digər xəbərlər
25.09.2018
İsveçrə səfiri Məmməd Musayevlə görüşüb
25.09.2018
Avropa İnvestisiya Bankı ilə müzakirələr aparılıb
25.09.2018
AZPROMO-da təlim keçirilib
25.09.2018
Bakı Nəqliyyat Agentliyi: 7 müntəzəm marşrut müsabiqəyə çıxarılıb
25.09.2018
Azərbaycan məhsullarının Rusiyaya ixracına dair müqavilələr imzalanıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10145

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info