Yeniyetmələrin İİV virusu ilə baglı maarifləndirilməsində valideynlərin rolu əhəmiyyətlidir
Tarix: 29.08.2018 | Saat: 16:46:00 | E-mail | Çapa göndər


“Ölkəmizdə İİV-ə qarşı strateji mübarizəni təşkil edən Respublika QİÇS-lə Mübarizə Mərkəzinin (RQMM) açıqlamasına görə, İİV-in yayılmasının əsas səbəbi ondan ibarətdir ki, хəstələrin 51%-i artıq хəstəliyin gecikmiş mərhələlərində aşkarlanır. Bu da virusun geniş yayılmasına səbəb olmaqla yanaşı, aşkara çıхarılan хəstələrdə də müalicənin effektivliyini azaldır. Statistika göstərir ki, 2017-ci ilin 10 ayı ərzində Azərbaycanda yeni İİV-ə yoluxma faktı 437 nəfərdə təsdiqlənib. Ümumilikdə 2017-ci ilin 1 dekabr tarixinədək Respublika QİÇS-lə Mübarizə Mərkəzində 5549 nəfər İİV-lə yaşayan insan rəsmi qeydiyyatdadır”. Bu məlumatı verən “Hüquqi İnkişaf və Demokratiya” Vətəndaş Cəmiyyətinin İnkişafına Yardım İctimai Birliyinin layihə rəhbəri Zülfiyyə Mustafayevanın sözlərinə görə, bu hazırda dünyada hər bir dəqiqədə orta hesabda 20 uşaq İİV-ə yoluхur. Qeyd edək ki, “İİV-dən özünü qoru!” devizi ilə məktəblilər arasında İİV virusuna yoluxma yollarına dair maarifləndirmə tədbirlərinin həyata keçirilməsi” layihəsi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyəsi ilə həyata keçirilir. Avqustun 28-də Binə qəsəbəsində Mədəniyyət Mərkəzində yeniyetmələr və onların valideynləri ilər keçirlən görüşdə layihə rəhbəri dəstək üçün Şuraya təşəkkürünü bildirdi. Tədbirdə Xəzər rayon gənclər və idman idarəsinin rəhbərliyi, həmçinin layihənin ekspertləri iştirak etdi. Layihənin rəhbəri Zülfiyyə Mustafayeva onu da əlavə etdi ki, İİV-lə maarifləndirmədə ailənin, valideynlərin rolu çox əhəmiyyətlidir: “Məhz buna görə bizim görüşdə valideynlərin iştirakını yüksək qiymətləndiririk. Deməli, bizim söylədiklərimiz evlərə, ailələrə də çatacaq”. Qeyd edək ki, layihənin məqsədi Bakı şəhərində məktəblilər, yeniyetmələr arasında insanın immumçatışmazlıgı virusunun (İİV) yaratdıgı həyati təhlükələrə, bu viruslara yoluxma yollarına dair maarifləndirmə tədbirlərini həyata keçirmək yolu ilə İİV virusunun profilaktikasına ictimai dəstək vermək, valideynlərin ictimai savadlılıq səviyyəsini yüksəltməyə yardım etməkdir. Layihənin eksperti Rəşad Rəhimov valideynlərin rolundan danışarkən qeyd edib ki, valideynlərin savadlılıq səviyyəsinin artması onların səhiyyə ocaqları ilə təmasını daha da gücləndirə bilər: “Müşahidələr göstərir ki, bu İİV-lə baglı informasiya evdə qapalı şəkildə qarşılanır və valideynlər hər vasitə ilə belə mövzuların ev mühitində açılmasına müqavimət göstərirlər”. Layihənin digər eksperti Samirə Vəliyeva İİV-ə vaxtında müayinə olunmanın üstünlükləri və müalicənin effektivliyindən danışıb. Həmçinin İİV virusuna yoluxma və qorunmaq yolları barədə ətraflı məlumat verib. Sonda layihə rəhbəri və ekspertlər tədbir iştirakçılarının suallarını cavablandırıblar. Layihə üzrə tədbirlər davam etdirilir.

Tural




 
Bölməyə aid digər xəbərlər
13.11.2018
Səhiyyə Nazirliyi: Azərbaycanda qripə qarşı pulsuz peyvəndin edilməsi məqsədəuyğun sayılmır
13.11.2018
Yatağın altına sabun qoyun
10.11.2018
Səhiyyə Nazirliyindən hemofiliyalı xəstələrin dərmanla təminatında yaranmış problemlə əlaqədar açıqlama
06.11.2018
Xərçəngi kökündən məhv edən inanılmaz müalicə üsulu
05.11.2018
Bu xəstəliklərdən əziyyət çəkənlər də dərmanlarını elektron reseptlərlə alacaqlar

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10458

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info