Ali Məhkəmə ipoteka mübahisələri ilə bağlı işçi qrup yaratdı
Tarix: 25.06.2013 | Saat: 00:18:00 | E-mail | Çapa göndər


Ali Məhkəmənin Plenumu keçirilib. Ali Məhkəmənin sədri Ramiz Rzayev plenumda qeyd edib ki, Azərbaycan Respublikası müstəqilliyini bərpa etdikdən sonra bazar iqtisadiyyatının tələblərinə uyğun olaraq yeni münasibətlər meydana gəlib, ölkədə bank-kredit fəaliyyəti sahəsində işlərin sayı xeyli miqdarda çoxalıb, həmin münasibətləri nizama salan ipoteka haqqında qanunvericiliyin tətbiqi dairəsi genişlənib, yaranan mübahisələrin həllində məhkəmələrin rolu artıb.
Plenumda “İpoteka haqqında qanunvericiliyin məhkəmələr tərəfindən tətbiqi təcrübəsinə dair” məsələ geniş müzakirə olunaraq təhlillər aparılıb. Təhlillər zamanı müəyyən edilib ki, məhkəmələr ipoteka haqqında qanunvericiliyi əsasən düzgün tətbiq etsələr də, bəzi hallarda məhkəmələr tərəfindən ipotekanın yaranma əsaslarının müəyyən edilməsində, onun dövlət qeydiyyatının aparılmasında, ipoteka ilə təmin edilən öhdəliklərin ipoteka hesabına ödənilməsində, həmçinin bu sahədə yaranan digər mübahisələrin həlli zamanı qanunların tətbiqində səhvlərə yol verilib. Plenumda bu qanunvericiliyinin tətbiqində yol verilən səhvləri aradan qaldırmaq, qanunun eyni qaydada tətbiqini təmin etmək, bu sahədə vahid məhkəmə təcrübəsi yaratmaq məqsədi ilə işçi qrupu yaradılıb. Plenumda 1 saylı Bakı İnzibati-İqtisadi Məhkəməsi sədrinin və Bakı Hərbi Məhkəməsi sədrinin ötən ildə ədalət mühakiməsinin həyata keçirilməsi vəziyyətinə dair hesabatları dinlənilib. Məruzə edən məhkəmədə sədrləri 2012-ci ildə həmin məhkəmələrin fəaliyyətində irəliləyiş olduğunu qeyd edib. Plenumda qeyd olunub ki, istər 1 saylı Bakı-İnzibati-İqtisadi Məhkəməsində, istərsə də Bakı Hərbi Məhkəməsində 2012-ci ildə baxılan işlər 2011-ci ilin müvafiq dövrü ilə müqayisədə artıb. Həmin məhkəmələr öz fəaliyyətlərində qanunvericilik normalarına əsasən əməl etsələr də, bəzi qanun pozuntularına da yol verib. Plenumda konkret mülki işlərə də baxılıb. İclasda müzakirə olunan məsələlər və baxılan işlər barədə müvafiq qərarlar qəbul edilib. Qeyd edək ki, Ramiz Rzayev jurnalistlərə açıqlamasında deyib ki, ötən illə müqayisədə bu il Ali Məhkəmədə baxılan işlərin sayı çoxalıb. Ötən illə müqayisədə bu il əsasən iqtisadi və mülki işlərin sayı artıb. Onun sözlərinə görə, bu, ölkənin iqtisadi inkişafı ilə bağlıdır. R.Rzayev deyib ki, Ali Məhkəmənin ötən il baxdığı 8328 işdən cəmi 1500-ü cinayət, qalanları isə mülkidir: “Baxılan mülki işlərdə əsas mübahisə vətəndaşlarla məmurlar arasında olur”. Məhkəmə sədri ölkə üzrə ümumi baxılan işlərdə məhkəmə qərarlarının 85 faizinin vətəndaşların xeyrinə olduğunu vurğulayıb. Vətəndaşlara verilən ipoteka kreditləri ilə bağlı məhkəmə işlərinin sayının artması barədə suala cavabında R. Rzayev bunları deyib: “Səbəblərdən biri bankların qanunun tələbinə riayət etməməsi və qanunvericiliyin özündə müəyyən anlaşılmazlıqların olmasıdır”.




 
Bölməyə aid digər xəbərlər
21.11.2018
Neftçalada tikilən modul tipli 7 məktəb binasında işlər ilin sonunadək başa çatacaq
20.11.2018
Gömrükçülər narkotik vasitə aşkarlayıb
20.11.2018
NDU-da YAP-ın yaradılmasının 26-cı ildönümü ilə bağlı konfrans keçirilib
19.11.2018
“İrəli”nin keçirdiyi intellektual yarışların Aran və Gəncə-Qazax üzrə qalibləri müəyyənləşib
19.11.2018
Paytaxtın 2 rayonunda iməclik keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10508

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 Eldar Əzizov Bakı Şəhər İcra Hakimiyyətinin başçısı təyin edildi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info