Depressiya endokrinoloji problemlərin əlamətlərindən biridir
Tarix: 30.08.2018 | Saat: 18:33:00 | E-mail | Çapa göndər


Çox vaxt insanlar terapevtin məsləhəti və ya yönəltməsi ilə endokrinoloqa müraciət edirlər. Bu, müayinə zamanı endokrin sistemdə hansısa pozuntunun aşkarlanmasından sonra baş verir.
AZƏRTAC rus saytlarına istinadla xəbər verir ki, çox vaxt endokrin pozuntuların əsasını birinci və ya ikinci dərəcəli şəkərli diabet təşkil edir. Bu da orqanizmdə insulin çatmazlığı və ya şəkərin qanda normadan çox yüksək olması deməkdir. Adıgedən problemlər isə əsəb sistemini və damarları zədələyir, bədən üzvlərinin ciddi dəyişikliklərinə səbəb olur.
Bu baxımdan terapevt məsləhəti olmadan da endokrinoloqa getməyi vacib edən bir sıra amillər var.

Boğazda göynəmələr
Boğazda göynəmələr çox vaxt soyuqdəymə və ya qripin əlaməti olur. Lakin boğazda göynəmələr bəzən qalxanabənzər vəzdə olan pozuntular, törəmələr və düyünlər səbəbindən də irəli gələ bilər. Bəzən bunun, səs tellərində şişlik və ya səsin qalınlaşması səbəbindən qalxanabənzər vəzin funksiyalarının aşağı düşməsi (hipotireoz) səbəbindən meydana çıxması da mümkündür. Bu dəyişikliklər çox asanlıqla soyuqdəymə ilə də səhv salına bilər.
Saçların həddindən artıq tökülməsi və ya həddindən artıq tüklənmə
Endokrin sistem orqanizmdə gedən bütün prosesləri kontrolda saxlayır. Buna saç uzanması da aiddir. Qadınlarda alında saçların tökülməsi, qarın, çənə, bığ, gicgah nahiyələrinin tüklənmə kişi hormonlarının artmasına işarədir.

Çəki problemləri
Qalxanabənzər vəzin fəaliyyətində artma (hipertireoz) bir sıra fəsadlarla müşahidə edilə bilər: çəkinin sürətlə azalması, iştahanın artması, diarreya. Bu orqanın funksiyasının azalması isə maddələr mübadiləsinin ləngiməsi, çəki artımı və ödəmlə nəticələnə bilər.
Göründüyü kimi bir qayda olaraq endokrin problemlər çəki dəyişikliklərinə səbəb olur. Bununla yanaşı ağızda quruluq, susamaq, dəridə qaşınma, ayaqlarda ağrılar və ya göynəmələr, görmənin zəifləməsi kimi bir sıra amillər qanda şəkərin artmasına işarədir.

Yuxululuq və əsəbilik
Əgər yuxululuq və istəksizlik istirahətdən sonra da keçmirsə, səbəbsiz depressiyalar meydana çıxırsa, ani əhval-ruhiyyə dəyişiklikləri varsa bunu stressə və ya hansısa başqa amilə bağlamaq düzgün deyil. Belə ki, bu da endokrin sistemdə baş verən pozuntuların göstəricilərindən biridir. Xüsusilə həddindən artıq yuxululuq endokrinoloqa getməyi vacib edən səbəblərdəndir.
Bu simptomlar hiss olunduqda tez bir zamanda endokrinoloq müayinəsi mütləqdir.




 
Bölməyə aid digər xəbərlər
15.11.2018
Ürək üçün ən təhlükəli məhsul hansıdır?
13.11.2018
Səhiyyə Nazirliyi: Azərbaycanda qripə qarşı pulsuz peyvəndin edilməsi məqsədəuyğun sayılmır
13.11.2018
Yatağın altına sabun qoyun
10.11.2018
Səhiyyə Nazirliyindən hemofiliyalı xəstələrin dərmanla təminatında yaranmış problemlə əlaqədar açıqlama
06.11.2018
Xərçəngi kökündən məhv edən inanılmaz müalicə üsulu

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10477

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info