Yaponiyanın xarici işlər naziri Taro Kono Azərbaycana səfər edəcək
Tarix: 01.09.2018 | Saat: 01:07:00 | E-mail | Çapa göndər



Yaponiyanın xarici işlər naziri Taro Kono sentyabrın 5-6-da Azərbaycana səfər edəcək.

AZƏRTAC xəbər verir ki, bu barədə avqustun 31-də Yaponiya Xarici İşlər Nazirliyində təşkil edilən mətbuat konfransında məlumat verilib.
Yaponiya Xarici İşlər Nazirliyinin Avropa bürosunun Mərkəzi Asiya və Qafqaz divizionunun direktoru Mikito Tomiyama deyib ki, sentyabrın 2-də nazir Taro Kononun Cənubi Qafqaza və oradan Almaniyaya səfəri gözlənilir. Bildirib ki, nazir əvvəlcə Yerevanda və Tbilisidə olacaq, sentyabrın 5-də isə Bakıya gedəcək. Bu, Yaponiya xarici işlər nazirinin Ermənistana və Gürcüstana ilk, Azərbaycana isə 1999-cu ildə baş tutan səfərindən sonra ikinci səfəridir.
Regiona səfərin məqsədi həmin ölkələrlə Yaponiya arasında ikitərəfli əməkdaşlığı daha da inkişaf etdirməkdir. Yaponiya bu ölkələrdə sabitliyin davamlı olmasında, demokratiya və iqtisadiyyatın inkişafında maraqlıdır.
Cənubi Qafqaz regionuna Avropa ölkələrinin marağının da artdığına diqqət çəkən M.Tomiyama ötən həftə Almaniyanın Federal Kansleri Angela Merkelin və ayın ortalarında isə İtaliya Prezidenti Sercio Mattarellanın buraya səfərlərini xatırladıb.
Region ölkələri arasında Azərbaycanı nümunə kimi göstərən direktor bu ölkənin enerji mənbələri və kimyəvi məhsullar baxımından çox zəngin bir yer olduğunu vurğulayıb, Yaponiyanın da gələcəkdə həmin enerji resurslarından istifadəsinin mümkünlüyünü qeyd edib.
Yaponiyanın regionun ən güclü dövləti olan Azərbaycan ilə əməkdaşlığa mühüm əhəmiyyət verdiyini qeyd edən M.Tomiyama nazirin Bakıda bir sıra yüksək səviyyəli görüşlər keçirəcəyini bildirib. Həmin görüşlərdə ikitərəfli əməkdaşlığın hazırkı durumu və gələcək perspektivləri müzakirə ediləcək. Qeyd edib ki, Azərbaycandakı yapon şirkətlərinin fəaliyyəti də səfər çərçivəsində diqqət mərkəzində olacaq. Çünki bu şirkətlər iki ölkə arasında əlaqələrin inkişafında mühüm rol oynayırlar.
T.Kono Bakıda görüşlərini başa çatdırdıqdan sonra Almaniyaya səfərə yollanacaq.




 
Bölməyə aid digər xəbərlər
16.11.2018
İlqar Orucov: Bu gün Azərbaycanı dünyada uğurla təbliğ edən yüksək hazırlıqlı gənclər ordusu formalaşıb
16.11.2018
Koordinasiya Şurası Türkiyə Səfirliyi ilə əməkdaşlığı genişləndirir
16.11.2018
Ramiz Mehdiyevin “Dağlıq Qarabağ – məxəzlərdən oxunmuş tarix” kitabı: bilinməyən həqiqətlərin tarixi təsdiqi
16.11.2018
Türkiyədə daha bir Xocalı abidəsinin açılışı olub
16.11.2018
Kaliforniyada yaşayan soydaşlarımızla görüş keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10485

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info