İspaniya La Liqası: “Real Madrid“in növbəti üç xalı
Tarix: 02.09.2018 | Saat: 13:17:00 | E-mail | Çapa göndər



Sentyabrın 1-də İspaniya La Liqasında üçüncü turun dörd oyunu keçirilib.
AZƏRTAC xəbər verir ki, "Real Madrid" "Santyaqo Bernabeo" stadionunda "Leqanes" klubunu qəbul edib. Oyunun favoriti sayılan "kral" klubu hesabı 17-ci dəqiqədə açıb. Madridlilərin sağ cinah müdafiəçisi Dani Karvaxalın ötürməsini Qaret Beyl dəqiq zərbə ilə tamamlayıb. Bu qoldan yeddi dəqiqə sonra qonaqlar hesaba tarazlıq gətirib. Cərimə meydançasında qayda pozuntusuna görə hakim "Real Madrid" klubunun qapısına 11 metrlik cərimə zərbəsi təyin edib və Quido Karillo fürsəti əldən verməyib. Birinci hissə 1:1 hesabı ilə başa çatıb.
Fasilədən sonra hücumları gücləndirən Madrid təmsilçisi oyunun 48-ci dəqiqəsində yenidən hesabda önə keçib. Marselo-Asensio-Benzema kombinasiyasını sonuncu dəqiq baş zərbə ilə tamamlayıb. Bundan 13 dəqiqə sonra meydan sahibləri hesab arasındakı fərqi artırıb. Kərim Benzema özünün ikinci, komandasının isə üçüncü topunu rəqib qapısından keçirdib. Bu da oyunda son qol olmayıb. 66-cı dəqiqədə "Leqanes" klubunun qapısına təyin olunmuş 11 metrlik cərimə zərbəsini Serxiyo Ramos qola çevirib. Beləliklə, "Real Madrid" klubu La Liqada ardıcıl üçüncü qələbəsini qazanıb.
Madrid şəhərin digər təmsilçisi "Atletiko" səfərdə "Selta Viqo" klubuna məğlub olub (2:0). "Selta Viqo" klubun heyətində 46-ci dəqiqədə Maksi Qomez və 52-ci dəqiqədə İaqo Aspas fərqləniblər.

Turun avqustun 31-də və sentyabrın 1-də keçirilmiş digər oyunlarında aşağıdakı nəticələr qeydə alınıb:
"Xetafe" - "Real Valyadolid" - 0:0
"Eybar" - "Real Sosyedad" - 2:1
"Villyareal" - "Girona" - 0:1
İspaniya La Liqasının üçüncü turuna sentyabrın 2-də "Levante"-"Valensiya", "Deportivo Alaves"-"Espanyol", "Real Betis"-"Sevilya" və "Barselona"-"Hueska" oyunları ilə yekun vurulacaq.




 
Bölməyə aid digər xəbərlər
17.01.2019
“Yuventus“ səkkizinci dəfə İtaliya Super kubokunun qalibi olub
16.01.2019
Boks üzrə Azərbaycan millisi hazırlıqlarını Göygöldə davam etdirir
15.01.2019
“Barselona” ötən il futbolçulara 562 milyon avro pul ödəyib
15.01.2019
Unai Emeri Məsut Özildən imtina edib
15.01.2019
Gimnastika Federasiyası ilin ilk dünya kuboku yarışlarına hazırlaşır

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10562

1 Xocalı tarixi və mədəniyyəti
2 Ukraynada oxucuların rəğbətini qazanan azərbaycanlı yazıçı
3 Struktur dəyişiklikləri dövlət idarəçiliyinin təkmilləşdirilməsini nəzərdə tutur
4 Azərbaycanın qonşu ölkələrlə əlaqələri yüksək səviyyədədir
5 Çingiz Bayramov: “Azərbaycan bölgənin inkişaf etmiş ölkəsinə çevrilib”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info