Arıçılığın inkişafı üzrə yeni layihə həyata keçiriləcək
Tarix: 03.09.2018 | Saat: 13:20:00 | E-mail | Çapa göndər


Bu dəfə qadınlar arasında

Cəbrayıl rayonunun Cocuq Mərcanlı kəndində arıçılığın bərpası və inkişafı çox uğurla həyata keçirilir. Bunu Trend-ə açıqlamasında Azərbaycan Arıçılar Assosiasiyasının sədri Bədrəddin Həsrətov deyib.
Onun sözlərinə görə, bu regionda arıçılığın inkişafı üçün tamamilə əlverişli şərait var və gələcəkdə layihə genişləndirilə bilər:
"Layihə Türkiyənin Beynəlxalq Əməkdaşlıq və İnkişaf Agentliyi – TİKA ilə birgə tamamilə uğurla həyata keçirilir. Artıq arı ailələrinin verilməsi prosesi başa çatıb. Bunun üçün 15 arıçı seçilib və hər birinə 10 arı ailəsi verilib. Arıların verilməsinədək biz treninqlər keçirmişik. Payızda, qış ərəfəsində monitorinq keçirməyi də planlaşdırırıq. Ümid edirik ki, bu layihənin reallaşdırılması nəticəsində seçilmiş ailələr arıçılıqla ciddi şəkildə məşğul olacaq və özlərini sabit gəlirlə təmin edə biləcəklər. Bu zona arıçılıq üçün çox əlverişlidir, ona görə də gələcəkdə daha 15 ailəyə arı vermək istəyirik".
Assosiasiya rəhbəri əlavə edib ki, yaxın vaxtlarda Azərbaycanın şimal-qərb bölgələrində daha bir pilot layihə – qadınlar arasında arıçılığın inkişafı üzrə layihənin həyata keçirilməsi planlaşdırılır:
"Layihə ABŞ-ın Beynəlxalq İnkişaf Agentliyi – USAID ilə birgə reallaşdırılacaq və sentyabrda başlamalıdır. Biz artıq Balakən, Şəki, Zaqatala və Qax rayonlarından beş qadın seçmişik. Onlar treninqlərə cəlb olunacaq, bundan sonra həmin qadınlara arı ailələri və 1000 dollar dəyərində zəruri vəsait veriləcək. İl ərzində mütəxəssislər onlarla işləyəcək, monitorinq keçirəcək və layihənin icrası barədə məlumat verəcəklər".
B.Həsrətov qeyd edib ki, hazırda adətən payızda keçirilən bal sərgisinə hazırlıq davam etdirilir. Cari ildə potensial iştirakçılar qarşısında bir sıra şərtlər qoyulub:
"Hazırda yarmarkanın keçirilməsi üçün yer axtarırıq. Yəqin ki, ötənilki sərginin keçirildiyi AMAY ticarət mərkəzində yarmarkanın təşkilindən imtina edəcəyik. Biz yarmarkaya təqribən 100 ton bal çıxardacaq 350-yə yaxın arıçının iştirak edəcəyinə ümid edirik. Bu il iştirakçılara qarşı yeni tələblər irəli sürmüşük. Belə ki, bir arıçı yarmarkaya 500 kq-dan çox bal gətirə bilməz. Bu ona görə edilir ki, bütün arıçılar öz mallarını tam şəkildə sata bilsinlər. Bundan başqa, arı ailələrinin sayına görə məhdudiyyət olacaq - 20-30-dan az ailəsi olanlar yarmarkada iştirak etməyəcək".




 
Bölməyə aid digər xəbərlər
22.05.2019
DSMF-də müşavirə keçirilib
22.05.2019
Yükdaşıma və Logistika şirkətində vakansiya
22.05.2019
“Sumgait Technologies Park” işçi axtarır
21.05.2019
Güzəştli şərtlərlə pensiya hüququ olanlar üçün yeni Qəbul Mərkəzi istifadəyə verilib
20.05.2019
Sosial proqramların uğuru və ildən-ilə genişlənməsi bəzi dairələrdə dərin narahatlıq hissi yaradıb

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10784

1 “İş yerlərində təhlükəsiz əmək şəraiti yaratmaq lazımdır”
2 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
3 Üç müharibə iştirakçısı olan general-mayor
4 Oqtay Zülfüqarovun uşaq mahnıları müasir aranjemanda səslənəcək
5 Şuranın dəstəyilə 13 saylı orta məktəbdə “Diaspor dərsi” keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info