“Mənim yaradıcılığım” adlı uşaqların rəsm sərgisi açılıb
Tarix: 05.09.2018 | Saat: 17:59:00 | E-mail | Çapa göndər


Naxçıvan Muxtar Respublikası Rəssamlar Birliyinin Bəhruz Kəngərli adına Sərgi Salonunda 15 sentyabr – Bilik gününə həsr olunmuş “Mənim yaradıcılığım” adlı uşaqların rəsm sərgisi açılıb. Sərgidə 38 istedadlı uşağın 100-ə yaxın əl işi nümayiş olunub.
AZƏRTAC-ın Naxçıvan bürosu xəbər verir ki, Naxçıvan Muxtar Respublikası Təhsil Nazirliyi və Rəssamlar Birliyinin birgə təşkilatçılığı ilə keçirilən tədbirdə Rəssamlar Birliyinin sədri, Azərbaycan Respublikasının Əməkdar Rəssamı, Milli Məclisin deputatı Ülviyyə Həmzəyeva çıxış edib. O, ulu öndər Heydər Əliyevin “Uşaqlar bizim gələcəyimizdir. Gələcəyimizi nə cür tərbiyə edəcəyiksə, böyüdəcəyiksə, ölkəmizin, millətimizin, dövlətimizin gələcəyi bundan asılı olacaqdır” müdrik kəlamını xatırladaraq bildirib ki, bu gün cəmiyyətin gələcək inkişafının əsasını uşaqlar təşkil edir. Ölkəmizdə, o cümlədən muxtar respublikada həyata keçirilən dövlət uşaq siyasəti uğurla reallaşdırılır. Uşaqların istedadlarının üzə çıxarılması, mənəvi inkişafı, onların asudə vaxtlarının düzgün təşkili, cəmiyyətin mədəni həyatındakı iştiraklarını təmin etmək bu siyasətin tərkib hissəsidir. Naxçıvan Muxtar Respublikası Rəssamlar Birliyinin tədbirlər planına əsasən təşkil olunan “Mənim yaradıcılığım” adlı uşaqların rəsm sərgisi bu istiqamətdə həyata keçirilən tədbirlərdən biridir.
Təhsil Nazirliyinin əməkdaşı Ayşən Əsgərova çıxış edərək vurğulayıb ki, muxtar respublikada uşaqlar milli mənəvi dəyərlərimizə hörmət ruhunda tərbiyə olunur, təhsil, idman, mədəniyyət, incəsənət və digər sahələrdə uğurlar əldə edirlər. Onlar rəssamlıq sənətinə də böyük maraq göstərirlər. Uşaqların gələcəkdə yaxşı sənət adamı kimi formalaşmasında belə tədbirlər əhəmiyyətli rol oynayır.
Çıxış edənlər balaca rəsm həvəskarlarına uğurlar arzulayıblar.
Əl işləri ilə fərqlənən balaca rəssamlara diplomlar təqdim edildikdən sonra sərgiyə baxış keçirilib. Burada İlknur Əlizadə, Tükəz Ələkbərli, Fərhad Şirinov, Kənan Zamanov, Şəhrizad Quluzadə və başqalarının rəsmləri sərgilənib.
Uşaqların ebru, yağlı və sulu boya, rəngli qələm vasitəsilə təbiət mənzərələrindən tutmuş cizgi filmlərinin qəhrəmanları da daxil olmaqla çəkdikləri əl işləri nümayiş etdirilib. Onların rənglər dünyası sərgiyə baxmağa gələnlərin diqqətini cəlb edib, tədbir iştirakçıları uşaqların rəsmlərinə maraqla baxıblar.
Sonda uşaqların iştirakı ilə musiqi nömrələri səsləndirilib, şeirlər söylənilib.




 
Bölməyə aid digər xəbərlər
19.04.2019
Afaq Məsudun kitabı gürcü dilində nəşr olunub
19.04.2019
“Əlvida, Şmidt!” bədii filmi təqdim edilib
19.04.2019
İstanbulda Hüseyn Cavidin “İblis” əsəri tamaşaya qoyulub
19.04.2019
Akademik Musiqili Teatr “Formula 1” həftəsində xüsusi repertuarla çıxış edəcək
19.04.2019
Aprel döyüşlərinə həsr edilən “Ovçu“ romanı özbək dilində

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10754

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Ramiz Mehdiyevin sərəncamı ilə tədbirlər planı təsdiqləndi
4 Azərbaycanlı həkim-yazıçı Rusiya Yazıçılar İttifaqına üzv olub
5 “Azərbaycan dilinin Orfoqrafiya Normaları” təsdiq edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info