Nəsimi Festivalının ənənəvi, hədiyyə və müsabiqələrlə keçirilməsi planlaşdırılır
Tarix: 07.09.2018 | Saat: 16:58:00 | E-mail | Çapa göndər


27-30 sentyabr tarixlərində Azərbaycanda ilk dəfə olaraq Nəsimi - şeir, sənət və mənəviyyat Festivalı keçiriləcək. Şərqin dahi şair və mütəfəkkirlərindən biri İmadəddin Nəsiminin (1369-1417) yaradıcılığına həsr olunan, şeir və sənətin yaşadılması məqsədi daşıyan festival Heydər Əliyev Fondunun təşkilatçılığı və Mədəniyyət Nazirliyinin dəstəyi ilə reallaşır.
Festival şairin fəlsəfi baxışlarını əks etdirən “Simadan – asimana” və onun öz kəlamından götürülən “Zərrə mənəm, günəş mənəm…” şüarları ilə keçiriləcək. Genişmiqyaslı tədbirin proqramı müxtəlif sənət növləri və bilik sahələrini əhatə edir. Festival günlərində Bakı şəhərinin müxtəlif məkanlarında, eləcə də Nəsiminin doğma diyarı Şamaxıda proqramlar təşkil olunacaq.
Layihə beynəlxalq miqyasda, müasir cəmiyyətdə mənəviyyat haqqında yazan dünya şöhrətli ifaçıların, filosofların, alimlərin, həmçinin bu sahədə peşəkar və həvəskarların, o cümlədən – geniş tamaşaçı kütləsinin iştirakı ilə reallaşdırılır.
Nəsimi Festivalının sayəsində Bakı poeziya və incəsənət vasitəsi ilə mənəviyyat axtarışının mərkəzi olacaq. Həmçinin qeyd olunmalıdır ki, festival yalnız Nəsiminin poeziyasının əbədiləşdirilməsi və tərənnümünə yonəlməyib, eləcə də onun yaradıcılığı, müxtəlif sənət növləri və onların harmoniyası vasitəsilə müasir dünyada mənəviyyatın ən aktual məsələlərinə çıxmaq məqsədi daşıyır. Festival Nəsiminin bizim günlərdə təcəssüm olunmuş fəlsəfi ideyalarını göstərmək istəyir. Çünki Nəsiminin şeirləri insan ağlı və gözəlliyini tərənnüm edir, insanın yüksək imkanlarının hədsizliyini qeyd edərək şəxsiyyətin hər cür şərtiliklər və ehkamlardan azad olunmasına xidmət edir. Buna görə də festival böyük marağa səbəb olacaq, çünki o tamamilə fərqli maraqları olan insanlara yönəlib.
Layihə koordinatoru Cahangir Səlimxanov Trend-ə müsahibəsində bildirib ki, festivalın ideya müəllifi Heydər Əliyev Fondunun vitse-prezidenti Leyla Əliyevadır.
Nəsiminin yaradıcılığı nadirdir və onun bütün poeziyası dünyanın yaranmasının, həyatın, təkamül və kamilliyə çağıran insanın dünyada yeri haqqında fəlsəfi fikirləri ilə zəngindir. Çünki insan - Allahın ən yaxşı əsəridir. Təbiət, ətraf aləmin gözəlliyi, xeyirxahlıq və mərhəmət – budur şairi həyat və kainat idrakına ilhamlandıran mənbələr”, - deyə Cahangir Səlimxanov bildirib.
Qeyd edək ki, ilk dəfə olaraq bu cür möhtəşəm festival bilet və dəvətnamələr əsasında deyil, sırf www.nasimifestival.live rəsmi saytında qeydiyyat vasitəsi ilə həyata keçiriləcək. Burada həmçinin layihə barədə təfərrüatları öyrənmək olar. Buna görə də saytda bu və ya digər tədbirə giriş bileti üçün qeydiyyatdan keçmək lazımdır.
Cahangir Səlimxanov əlavə edib: “Festivalın ənənəvi, hədiyyə və müsabiqələrlə keçirilməsi planlaşdırılır. Buna görə də tamaşaçıların maraqlarının real təsvirini öyrənmək bizim üçün maraqlıdır. Tamaşaçıların böyük axını gözlənilir, çünki bu qonaqlarda çoxlu təəssüratlar yaradacaq inanılmaz festival olacaq. Belə bir şey nəinki Azərbaycanda, heç dünyada da olmayıb”.
Tural




 
Bölməyə aid digər xəbərlər
22.09.2018
Heydər Əliyev Sarayında “Broadway Story” tamaşasının premyerası olub
22.09.2018
Musiqili Teatr yeni mövsümü açıq elan edib
22.09.2018
Qəzəl şairlərin ən az müraciət etdiyi sahədir
22.09.2018
Şahin Növrəsli Fransada caz festivalında iştirak edəcək
22.09.2018
Bəstəkar Murad Kajlayevin müəllif gecəsi

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info