İdlib düyünü: Suriya növbəti böyük toqquşma ərəfəsində
Tarix: 10.09.2018 | Saat: 20:33:00 | E-mail | Çapa göndər


Suriyanın İdlib şəhərindəki hərbi müxalifət Əsəd rejiminə aid döyüş təyyarələrinin həyata keçirdiyi hava əməliyyatlarına cavab olaraq rejimə məxsus hərbi məntəqələrə raket hücumu edib.
Azad Suriya Ordusu daxilindəki qruplardan ibarət Milli Azadlıq Cəbhəsinin sosial şəbəkədə yayılan açıqlamasında deyilir ki, rejimin İdlib şəhəri ərazilərində yaşayan mülki vətəndaşları hədəf götürməsi qarşısında Hama vilayətindəki tankların yerləşdiyi məktəb bazasına “Qrad” raketlərilə zərbələr endirilib. Qeyd edək ki, Əsəd rejimi ayın əvvəlindən İdlibdə hava və qurudan hücumlar həyata keçirir. Rusiya isə iddia edir ki, ABŞ Suriyaya hava hücumu təşkil edib. İddiaya görə, 2 ABŞ qırıcısı Deyr-əz-Zora fosfor bombası atıb. Rusiya tərəfi bildirir ki, şənbə günü ABŞ-a məxsus iki F-15 qırıcısı Deyr-əz-Zora hücum edib və hücumlar zamanı bölgəyə fosfor bombaları atılıb. Hacin kəndini hədəf alan hücumlarda bombaların düşdüyü yerdə yanğın olduğu bildirilir. Rusiya mənbələrindən isə ölü və yaralılar haqqında məlumat yoxdur. Amma Pentaqon ABŞ Hərbi Hava Qüvvələrinin Suriyanın Deyr-əz-Zor əyalətinə fosfor bombalarından istifadə etməklə hava zərbələri endirdiyi barədə Rusiya Müdafiə Nazirliyinin bəyanatını təkzib edib. “İnterfax” xəbər verir ki, ABŞ-ın hərbi qurumunun nümayəndəsi Şon Robertson ağ fosforlu döyüş başlıqlarının istifadəsi ilə bağlı hazırda Pentaqonda informasiyanın olmadığını bildirib. Onun sözlərinə görə, Amerika ordusunun həmin rayonda dislokasiya olunan heç bir bölməsində bu növ silah mövcud deyil. Qeyd edək ki, ağ fosforlu döyüş sursatlarının istifadəsi 1949-cu il Cenevrə konvensiyasının əlavə protokolu ilə qadağan olunub. Eyni zamanda Ağ Ev Rusiya və Əsəd rejimindən İdlib əməliyyatında Suriya müxalifətinə hücum edilməməsini və şəhərə humanitar yardımın təmin edilməsini tələb edib. Açıqlamada deyilir: “ABŞ və müttəfiqləri Rusiyanın dəstək verdiyi Əsəd rejiminin əhalisi sıx olan İdlibə hücum etməsi vəziyyətində qorxunc bir humanitar böhranın baş verməsinə görə narahatdırlar. Rusiya və Dəməşq rejimini mülki vətəndaşları qorumağa və göndəriləcək beynəlxalq yardımlar da olmaqla, yardım qruplarının daxil olmasını təmin etməyə çağırırıq". Ağ Ev Əsəd rejimini Türkiyə hərbi müşahidəçilərini təhlükəyə atmaqdan çəkinməyə çağırıb. Türkiyə öz növbəsində Suriya ilə sərhədindəki hərbi birliklərinin sayının artırmaqla məşğuldur. Yeni göndərilən hərbi qüvvələr Kilisə çatıb. Müxtəlif birliklərdən göndərilən haubitsa və tanklarla yüklənmiş tırların da olduğu hərbi maşınlardan ibarət konvoy sərhəd qoşunlarına təqdim edilib. Yeni hərbi maşınlar hərbi birliklərə möhkəmləndirmək məqsədi daşıyır. Bu arada onu da qeyd edək ki, Birləşmiş Ərəb Əmirliklərinin xarici işlər üzrə dövlət naziri Ənvər Karkaş “Twitter” hesabı vasitəsilə açıqlama verərək Suriyada baş verən son hadisələri dəyərləndirib: "İdlib sakinlərinin qanlı qarşıdurmalardan kənarda tutulması BƏƏ və beynəlxalq ictimaiyyətin prioritetidir".
Karkaş ərəblərin Suriya böhranın həllindəki rollarının azalma səbəbinin ortaya qoyulması üçün geniş və ciddi tədqiqatların aparılmasının vacibliyini qeyd edib.

Anar




 
Bölməyə aid digər xəbərlər
22.09.2018
İspan qadınlar həm alim, həm də ana olmaq hüququ uğrunda mübarizə aparırlar
21.09.2018
Türkiyə İdlibdəki hərbi qüvvələrinin sayını artıracaq
21.09.2018
Vyetnam Prezidentinin ölüm səbəbi açıqlanıb
21.09.2018
Hindistan İran neftini rupi ilə alacaq
21.09.2018
ABŞ-ın Merilend ştatında silahlı insident nəticəsində azı üç nəfər ölüb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10128

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 “Mübariz İbrahimov təkbaşına bir çox işğalçını məhv edərək şəhidlik zirvəsinə ucalıb”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info