Paşinyanın Qarabağ “diplomatiyası“ müharibəyə aparan yoldur
Tarix: 11.09.2018 | Saat: 09:03:00 | E-mail | Çapa göndər


Nikol Paşinyanın hakimiyyətə gəlməsi ilə Ermənistanın xarici diplomatiyasında dostluq-düşmənçilik sxeminə uyğun gəlməyən münasibət növü yaranıb. Bunu “qarşılıqlı münasibətlər minimumu” adlandırmaq olar.
Bunu Trend-ə azərbaycanlı politoloq, “Baku Network” Ekspert Şurasının rəhbəri, fəlsəfə doktoru Elxan Ələsgərov deyib.
E.Ələsgərovun sözlərinə görə, N.Paşinyan faktiki olaraq təkcə Azərbaycanla yox, həm də Rusiya, Türkiyə, İran və digər ölkələrlə gərginliyə və minimum siyasi əlaqələrə nail olub:
“Moskvaya son səfəri zamanı Paşinyan hər kəsi öz dostluğuna inandırmağa çalışıb. Nikol Paşinyan Vladimir Putinlə görüşü zamanı Ermənistan-Rusiya münasibətlərini “parlaq münasibətlər” kimi qeyri-diplomatik terminlə ifadə edib. Buna əlavə olaraq, Vaşinqtonun hər şeydə Moskvanı günahlandırmaq dəbini əsas götürərək Putini “Ermənistanın işlərinə qarışmamağa” çağırıb. Amma Rusiyaya dostluq diplomatiyası nümayiş etdirməklə Paşinyan istənilən nəticəyə nail ola bilməyib, çünki Ermənistandakı real kadr siyasəti və başlanan cinayət işləri indiki hakimiyyətin antirusiya məğzini nümayiş etdirir”.
Ekspert bildirib ki, N.Paşinyan Ermənistanın əvvəlki rəhbərlərinin taleyindən dərs çıxarmayıb:
“Ermənistanın bütün bədbəxtliklərində elə özü günahkardır. Ermənistan qoşunları tərəfindən Azərbaycan ərazilərinin işğalı, Azərbaycan xalqına qarşı etnik təmizləmə, işğal olunmuş ərazilərdə marionet rejiminin qurulması, beynəlxalq hüquq normalarının pozulması beynəlxalq cinayətdir, bu normaların pozulmasına görə, məsuliyyət daşıyan şəxslər isə, o cümlədən Paşinyan hərbi cinayətkar kimi qəbul olunmalıdır”.
E.Ələsgərov vurğulayıb ki, Ermənistan baş nazirinin Azərbaycanın Dağlıq Qarabağ ətrafında işğal olunmuş yeddi rayonunun qondarma “DQR”in tərkib hissəsi olması barədə açıqlaması N.Paşinyanın tanınmayan dövlətin konstitusiyasını tanıdığını bildirir:
“Bu halda Azərbaycan Qarabağ ermənilərinin öz müqəddəratını həll etmə hüququnu nəzərdən keçirməkdən imtina edə və bu maddəni yol xəritəsindən çıxara bilər”.
Ekspertin fikrincə, N.Paşinyan ölkə rəhbəri kimi özünü axmaq vəziyyətə salır:
“Ermənistan hansısa QHT-lərin və ya fondların sənədlərini rəhbər tutur, bu da ona göstərir ki, ölkədə idarəçilik problemləri var. Paşinyanın ziddiyyətli, məntiqsiz, düşünülməmiş və danışıqlar prosesinə uyğun olmayan açıqlamaları Azərbaycana əsas verir ki, onu Dağlıq Qarabağ münaqişəsinin nizamlanması üzrə danışıqlar üzrə legitim nümayəndə kimi qəbul etməsin. Çünki onun diplomatiyadan uzaq açıqlamaları Azərbaycan və Ermənistan xalqları arasında müharibəyə aparan yoldur”.
Onun sözlərinə görə, Azərbaycan ilk dəfədir ki, Ermənistan hakimiyyətinin Dağlıq Qarabağ münaqişəsinin nizamlanması ilə bağlı heç bir konsepsiya təklif etmədiyi bir vəziyyətlə üzləşib.
E.Ələsgərov əlavə edib ki, bununla əlaqədar olaraq Azərbaycan N.Paşinyanın danışıqlar prosesinin dalana aparan ziddiyyətli açıqlamaları ilə bağlı həmsədrləri bəyanat verməyə çağırmalıdır:
“ATƏT Minsk qrupunun həmsədr ölkələrindən tələb etmək lazımdır ki, Yerevan qarşısında ultimatum qoysunlar. Eyni zamanda Ermənistan hökuməti qarşısında müəyyən olunmuş müddətdə substantiv danışıqların başlaması barədə qəti tələb qoymaq lazımdır və bu tələb həmin təklifin icra olunmayacağı təqdirdə bu və ya digər tədbirlərin görüləcəyi təhdidi ilə müşayiət olunmalıdır”.




 
Bölməyə aid digər xəbərlər
18.09.2018
ABŞ ilə Çin arasındakı danışıqlar gərgin mərhələyə qədəm qoyub
18.09.2018
NATO Azərbaycanın beynəlxalq təhlükəsizliyə verdiyi töhfəni alqışlayır
18.09.2018
Bakıda Azərbaycan və Türkiyə əsgərlərini eyni sırada görmək tarixlərə işıq saçan xoşbəxtlikdir
18.09.2018
Ölkəmizə faydalı vətəndaşlar yetişdirməyə çalışırıq
17.09.2018
“Dünya görür ki, Türkiyə və Azərbaycan bir yerdədir”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10122

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info