Yaponiyada Azərbaycan haqqında təqdimat keçirilib
Tarix: 11.09.2018 | Saat: 15:49:00 | E-mail | Çapa göndər


Yaponiyanın Qunma prefekturasının mərkəzi olan Maebaşi şəhərində Azərbaycan haqqında növbəti təqdimat keçirilib. Bu barədə AZƏRTAC-ın Yaponiyadakı bürosuna məlumat verən həmyerlimiz, Qunma Universitetinin magistr tələbəsi Namiq Xəlil bildirib ki, cari ilin aprelində Yaponiyaya gələndən bu, onun təşkil etdiyi üçüncü təqdimatdır. O deyib ki, ölkəmiz haqqında təqdimatlarla çıxış etmək niyyəti barədə onun Maebaşi meriyasının beynəlxalq əlaqələr şöbəsinin müdiri xanım Miçi Yoşidaya müraciəti maraqla qarşılanıb. Bundan sonra o, M.Yoşidanın köməyi ilə Maebaşinin müxtəlif ictimai mərkəzlərində Azərbaycan haqqında təqdimatlarla çıxış edib. Həmin təqdimatlarda N.Xəlil Azərbaycanın coğrafi mövqeyi, tarixi, mədəniyyəti, müstəqilliyini bərpa etdikdən sonra qazandığı uğurlar, beynəlxalq enerji təhlükəsizliyində oynadığı rol barədə iştirakçılara ətraflı məlumat verib. Qeyd edib ki, ümummilli lider Heydər Əliyevin 1998-ci ildə və Prezident İlham Əliyevin 2006-cı ildə Yaponiyaya səfərləri iki ölkə arasında əməkdaşlığın formalaşmasına və inkişafına böyük təsir göstərib. Tədbirdə Azərbaycanın turizm imkanlarına da toxunulub, son illər ölkəmizdə turizm infrastrukturunun inkişafı istiqamətində atılan addımlardan danışılıb. Bildirilib ki, Azərbaycanın zəngin mədəniyyəti, müasir turizm infrastrukturu, əcnəbi turistlər üçün viza rejiminin sadələşdirilməsi ölkəmizə turistlərin axınına güclü təsir göstərib. Təqdimatda Azərbaycanda biznes imkanları, əcnəbi iş adamları üçün yaradılan əlverişli mühit, qanunvericiliyin təkmilləşdirilməsi istiqamətində atılan addımlardan da danışılıb. Yaponiya ilə Azərbaycan arasında siyasi əlaqələrin də inkişaf etdiyini bildirən N.Xəlil Yaponiya xarici işlər naziri Taro Kononun cari ayın əvvəllərində Bakıya səfəri barədə də məlumat verib. Qeyd edib ki, iki ölkə arasında artan rəsmi səfərlər xalqlarımızın bir-birilərinə yaxınlaşmasına mühüm təsir göstərir. Görüş iştirakçılarının ölkəmizlə bağlı sualları cavablandırılıb.




 
Bölməyə aid digər xəbərlər
23.03.2019
Astana şəhərinin yeni adı Nur-Sultan oldu
22.03.2019
Ermənistanda qazın qiyməti artacaq
21.03.2019
“Ermənistan hakimiyyəti Qarabağ danışıqlarına hazır deyil“
20.03.2019
Dariqa Nazarbayeva Qazaxıstan parlamenti Senatının sədri seçilib
19.03.2019
Ermənistan Azərbaycanla azaraq sərhədi keçmiş vətəndaşların mübadiləsinə hazırdır

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10704

1 Azərbaycan xalqı zəngin mədəniyyətə sahibdir
2 Lənkəranın ucqar kənd məktəbində Novruz şənliyi keçirilib
3 İraqda bərə qəzaya uğrayıb: 71 ölü
4 Paşinyan reytinqini küçə süpürməklə qaldırmaq istəyir?
5 Prezident və xanımı Bakıda Novruz şənliyində


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info