“Azərbaycanda ərəb dilinin tədrisi mövcud vəziyyət və perspektivlər”
Tarix: 12.09.2018 | Saat: 15:50:00 | E-mail | Çapa göndər


Azərbaycan İlahiyyat İnstitutu (Aİİ) və Misir Mədəniyyət və Təhsil Əlaqələri Mərkəzi “Azərbaycanda ərəb dilinin tədrisi mövcud vəziyyət və perspektivlər” mövzusunda dəyirmi masa keçirib. Dəyirmi masada Aİİ-nin müəllimlərindən filologiya və fəlsəfə üzrə fəlsəfə doktorları - İlkin Əlimuradov, Elvüsal Məmmədov, Heybət Heybətov, Ənvər Mustafayev, Misir Mədəniyyət və Təhsil Əlaqələri Mərkəzinin əməkdaşları, ölkəmizdə fəaliyyət göstərən ərəb dili mütəxəssisləri iştirak ediblər. Tədbirdə Azərbaycanın ali təhsil müəssisələrində ərəb dilinin tədrisi ilə bağlı mövcud vəziyyət və perspektivlər müzakirə olunub. Filoloqlar Azərbaycanda ərəb dili üzrə tədrisin təkmilləşdirilməsi, dərs vəsaiti problemi, ərəb dilinin öyrənilməsində tətbiq edilən vəsaitlərin dövrə uyğunlaşdırılması, müasir ərəb dilinin tədrisi metodları, gənclərin ərəb dilini öyrədilməsinə həvəsləndirilməsi ilə bağlı bir sıra təkliflər səsləndiriblər. Ərəb dilinin tədrisində dünyanın aparıcı ölkələrinin təcrübəsini öyrənməyin zəruri olduğunu söyləyən filoloqların fikrincə Aİİ-də ərəb dilinin mükəmməl səviyyədə tədrisi islam dininin dərindən öyrənilməsi, qədim əlyazmaların tədqiqi baxımından xüsusi önəm daşıyır.
Müzakirədə Azərbaycan Respublikasının Prezidentinin 9 fevral 2018-ci il tarixli sərəncamı ilə Azərbaycan İlahiyyat İnstitutunun yaradılmasının böyük uzaqgörənliklə vaxtında verilmiş qərar olduğunu qeyd olunub.
Aİİ-nin ilk tədris ilinə islamşünaslıq və dinşünaslıq ixtisasları ilə başladığını bildirən institut müəllimləri qeyd ediblər ki ərəb ölkələri tarixinin, coğrafiyasının, mədəniyyətinin tədrisi ilə birgə ərəb dilinin mükəmməl şəkildə öyrədilməsi qarşıya qoyulan məqsədlərdən biridir. Bunun üçün tələbələrə tədris olunacaq fənlərlə bərabər, auditoriyada zamanın məhdudluğunu nəzərə alaraq ərəb dili üzrə bir sıra kursların təşkil ediləcəyi bildirilib. Bu sahədə, Aİİ ilə Misir universitetləri arasında təcrübə mübadiləsinin səmərəli nəticə verə biləcəyi vurğulanıb, əməkdaşlığın perspektivləri diqqətə çatdırılıb. Misir Mədəniyyət və Təhsil Əlaqələri Mərkəzinin rəhbəri Əhməd Sami Elaydi öz növbəsində Aİİ-də ərəb dili kurslarının təşkilinə yaxından kömək edə biləcəyini, həmçinin institut tələbələri üçün mərkəzdə dil kurslarının keçirilməsinə şərait yaradılacağını vurğulayıb. Mərkəzin rəhbəri ərəb dilinin tədrisində institutu müvafiq ədəbiyyat ilə təmin etmək imkanlarını da nəzərə çatdırıb.

Tural





 
Bölməyə aid digər xəbərlər
19.08.2019
İlahiyyat İnstitutunun rektoru sənədlərin qəbul prosesini izləyib
19.08.2019
DİM: Bu subbakalavrlar müsabiqəyə buraxılmayacaqlar
19.08.2019
Abituriyentlərin nəzərinə: boş qalan plan yerlərinə ixtisas seçimi bu gün başa çatır
19.08.2019
Müəllimlərin işə qəbulu üzrə müsahibə mərhələsi başlayıb
18.08.2019
Dövlət qulluğuna qəbul üçün test imtahanının nəticələri açıqlanıb

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10860

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 Azərbaycana qarşı casusluq edən 128 nəfər aşkar edilib
4 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”
5 Türkiyədən Naxçıvana uçuşlar yeni hava dəhlizi vasitəsilə həyata keçirilir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info