UNEC-in rektoru Prezident təqaüdçüləri ilə görüşüb
Tarix: 21.09.2018 | Saat: 18:15:00 | E-mail | Çapa göndər


“Təhsil Nazirliyinin strukturuna daxil olan universitetlər arasında Prezident təqaüdçülərinin sayına görə UNEC birincidir”


UNEC-in rektoru, professor Ədalət Muradov 2018/19-cu tədris ilində Prezident təqaüdünə layiq görülən tələbələrlə görüşüb. Qəbul imtahanlarında yüksək nəticə göstərmələri münasibətilə tələbələri təbrik edən rektor, onlara təhsillərində uğurlar arzulayıb. Rektor UNEC-də tələbələrin yüksək ixtisaslı peşəkar mütəxəssis kimi yetişmələri ilə yanaşı, vətənini və millətini sevən layiqli vətəndaş olaraq formalaşması üçün bütün zəruri şəraitin yaradıldığını diqqətə çatdırıb. UNEC-də verilən bütün qərarların əsasında tələbələrin maraq və mənafelərinin dayandığını bildirib. Təhsil Nazirliyinin strukturuna daxil olan universitetlər arasında Prezident təqaüdçülərinin sayına görə UNEC-in birinci yerdə olduğunu diqqətə çatdıran rektor, bu il də 600-dən yuxarı bal toplayanların 63 faizinin məhz UNEC tələbəsi olması ilə qürur duyduğunu ifadə edib. Ə.Muradov Prezident təqaüdçülərinin təhsil aldığı Beynəlxalq İqtisadiyyat Məktəbinin ölkədə ingilis dilində iqtisadyönümlü ixtisaslar üzrə ən zəngin və rəqabətsiz fakültə olduğunu xüsusi vurğulayıb. Görüşdə tələbələrə UNEC-in London Universiteti/London İqtisadiyyat Məktəbi, Fransanın Montpellier Universiteti ilə ikili diplom, həmçinin Avropa, Türkiyə və Rusiyanın nüfuzlu ali təhsil müəssisələri ilə mübadilə proqramlarından bəhs olunub. UNEC-ə 600-dən yüksək bal toplayaraq qəbul olunan abituriyentlərə 100 AZN məbləğində xüsusi təqaüd, hər semestr fakültələr üzrə ən yüksək bal toplayan 15 tələbəyə isə ikinci əlaçı təqaüdü verildiyi bildirilib. Rektor tələbələrə UNEC-in onlar üçün yaratdığı üstünlüklərdən faydalanmağı, elmi-tədqiqat, startap layihələri, beynəlxalq olimpiada, konfranslar və universitetin ictimai-sosial həyatında fəal olmağı tövsiyə edib. Sonda Prezident təqaüdçülərinə xatirə hədiyyələri və təqaüd kartları təqdim olunub.

Anar




 
Bölməyə aid digər xəbərlər
22.07.2019
“İş həyatında sosial məsuliyyət və etik-davranış qaydaları” mövzusunda təlim təşkil olunub
22.07.2019
İnzibati icraçı vəzifələr üzrə test imtahanında iştirak etmək üçün 84 nəfər qeydiyyatdan keçib
20.07.2019
İslamşünaslıq ixtisasına qəbul olunmaq istəyən abituriyentlərin nəzərinə!
20.07.2019
Kolleclərə qəbul olunmaq üçün ərizə verənlərin sayı 23 mini keçib
20.07.2019
Rezidenturaya qəbul olmaq üçün 180-dən çox namizəd ixtisas seçimi ərizəsini təsdiqləyib

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10835

1 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
2 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
3 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”
4 “Ermənistana qarşı iqtisadi sanksiyalar tətbiq olunmalıdır”
5 Подготовка армянских «джавахкских» боевиков-сепаратистов против Грузии в оккупированным Карабахе уже идет полным ходом - FOTO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info