Azərbaycan ilə İordaniya dost və qardaş ölkələrdir
Tarix: 22.09.2018 | Saat: 14:07:00 | E-mail | Çapa göndər



Sentyabrın 22-də Milli Məclis sədrinin birinci müavini Ziyafət Əsgərov ölkəmizdə səfərdə olan İordaniya parlamentinin nümayəndələri ilə görüşüb.
AZƏRTAC xəbər verir ki, görüşdə iki ölkə arasındakı əməkdaşlıq məsələləri müzakirə edilib.

Ziyafət Əsgərov deyib ki, Azərbaycan-İordaniya siyasi əlaqələri yüksək səviyyədədir. Prezident İlham Əliyevin İordaniyanın Kralı II Abdullah ibn Al Hüseyn ilə dostluq və qardaşlıq əlaqələri var. Bu münasibətlər bizim ikitərəfli münasibətlərin digər sahələrdə də inkişaf etdirilməsi üçün yaxşı örnəkdir. İordaniya Azərbaycanın ərazi bütövlüyünü, suverenliyini, sərhədlərinin toxunulmazlığını hər zaman dəstəkləyir. İordaniya Senatı Xocalı soyqırımını tanıyıb. Çox istərdik ki, Nümayəndələr Palatasında da bu məsələyə baxılsın və müvafiq qərar verilsin.
Milli Məclis sədrinin birinci müavini dövlətlərimiz arasında iqtisadi, ticari, humanitar sahələrdə əməkdaşlığın daha da genişləndirilməsinin vacibliyini qeyd edib. Diqqətə çatdırıb ki, xüsusilə təhsil, turizm, səhiyyə sahələrində əməkdaşlığın dərinləşdirilməsi üçün hər iki dövlətin yaxşı potensialı mövcuddur. O, ölkələrimiz arasında əlaqələrin bundan sonra daha da inkişaf edəcəyinə ümidvar olduğunu bildirib.
İordaniya parlamentinin deputatı Favzi Daoud dövlətlərimizin dost və qardaş ölkələr olduğunu söyləyib. Azərbaycan parlamentinin yaranmasının 100 illiyi münasibətilə təbriklərini çatdıran Favzi Daoud yubiley tədbirinin yüksək səviyyədə təşkil edildiyini deyib. “Biz parlament nümayəndələri olaraq İordaniya ilə Azərbaycan arasında yaxşı əlaqələrin olduğunu bilirik. Bu münasibətlərin əsası Kral II Abdullah ibn Al Hüseyn və Prezident İlham Əliyev tərəfindən qoyulub. Biz bu əlaqələrin necə dərin xarakter daşıdığını görürük. Ölkələrimizin parlamentləri arasında da yaxşı əməkdaşlıq mövcuddur”, - deyə Favzi Daoud bildirib.
İordaniyalı deputat bildirib ki, müstəqilliyini bərpa etdikdən sonra Azərbaycanın belə yüksək səviyyədə inkişaf etməsi çox sevindiricidir.
Görüş qarşılıqlı maraq doğuran məsələlərin müzakirəsi ilə davam etdirilib.




 
Bölməyə aid digər xəbərlər
19.07.2019
Xarici işlər naziri Elmar Məmmədyarov Çinin ölkəmizdəki yeni səfiri ilə görüşüb
17.07.2019
“Rusiya Azərbaycanlıları İttifaqı gündəmə bəyanatla yox, əməli işlə gəlir”
17.07.2019
STM-də millət vəkili Əli Hüseynli ilə görüş keçirilib
16.07.2019
“MegaFon“ Azərbaycana qarşı təxribata əl atan əməkdaşlarını cəzalandırıb
16.07.2019
Əli Həsənov: Əminik ki, dost Azərbaycan və gürcü xalqları arasında ədavət toxumları səpmək istəyənlərin cəhdləri heç bir nəticə verməyəcək

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10835

1 “4-cü qrupa hazırlaşan hər bir abituriyentin arzusu həkim olmaqdır”
2 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
3 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
4 Dünya brendi olmağı hədəfləyən azərbaycanlı gənc
5 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info