Azərbaycanın milli musiqi alətləri Fransa muzeyinə hədiyyə edilib
Tarix: 23.09.2018 | Saat: 09:42:00 | E-mail | Çapa göndər



Azərbaycanın milli musiqi alətləri - kamança, qoşa nağara və balaban Fransanın Seret şəhərində yerləşən Musiqi Alətləri Muzeyinə hədiyyə edilib.

AZƏRTAC xəbər verir ki, musiqi alətlərimizin muzeyə hədiyyə olunması Fransadakı səfirliyimizin və Fransa-Azərbaycan Dialoq Assosiasiyasının (ADFA) birgə təşkilatçılığı ilə Seret musiqi festivalı çərçivəsində həyata keçirilib.
Seret şəhərinin meri Alain Torrent tədbiri açaraq ölkəmiz haqqında məlumat verib.
Azərbaycanın Fransadakı səfirinin siyasi məsələlər üzrə birinci katibi Vaqif Ağayev musiqinin xalqımızın həyatında mühüm yer tutmasından, musiqi alətlərimizin zənginliyindən danışıb. Azərbaycan muğamı haqqında məlumat verərək onu xalqımızın genetik kodu kimi səciyyələndirib.
V.Ağayev Azərbaycanın Birinci vitse-prezidenti, UNESCO-nun xoşməramlı səfiri Mehriban Əliyevanın təşəbbüsü və dəstəyi ilə reallaşdırılan silsilə tədbirlər nəticəsində ölkəmizin mədəni irs nümunələrinin qorunmasının və beynəlxalq səviyyədə təbliğinin uğurla həyata keçirildiyini vurğulayıb. Diqqətə çatdırıb ki, bu təşəbbüslərin sayəsində muğam sənəti, eləcədə kamança və balaban UNESCO-nun Bəşəriyyətin Qeyri-Maddi Mədəni İrs üzrə Reprezentativ Siyahısına daxil edilib.
O, Heydər Əliyev Fondunun milli mənəvi dəyərlərimizin qorunması və dünyada geniş təbliği istiqamətində reallaşdırdığı möhtəşəm layihələr və onların arasında xüsusi əhəmiyyəti olan Beynəlxalq Muğam Mərkəzi haqqında da məlumat verib.
ADFA-nın vitse-prezidenti Aytən Muradova muzeyə hədiyyə edilən musiqi alətlərinin hazırlanmasının incəliklərindən söz açıb.
Sonra Vaqif Ağayev və Seret Musiqi Alətləri Muzeyinin direktoru Paul Macee milli musiqi alətlərimizin muzeyə hədiyyə edilməsinə dair sənəd imzalayıblar.
Ceyhun Eyvazov zurna, balaban və tütəkdə “Aman Tello” xalq mahnısını, “Sən gəlməz oldun”, “Çoban bayatı” və digər musiqilərimizi səsləndirib.
Seret musiqi festivalı çərçivəsində də milli musiqilərimiz təqdim olunub.




 
Bölməyə aid digər xəbərlər
12.12.2018
Şair Vəli Bozalqanlı irsinin axtarışında...
11.12.2018
“Kitob dunyasi” qəzetində Maqsud Şeyxzadə haqqında məqalə dərc edilib
11.12.2018
İstanbulda “İrəvan - gizlədilmiş həqiqətlər” filminin təqdimatı olub
10.12.2018
“Çarəsiz sərnişinlər” tamaşasının məşqlərinə start verilib
10.12.2018
Tural Turanın şeirlər kitabının imza günü keçiriləcək

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10526

1 “Macarıstandakı Azərbaycan icmasının böyük əksəriyyətini gənclər təşkil edir”
2 Prezident İlham Əliyev Putinin dəvəti ilə Rusiyaya işgüzar səfərə gedib- YENİLƏNİB
3 Çin şirkəti Gəncədə 5 metallurgiya zavodu tikəcək
4 “Xəzər hövzəsi və enerji təhlükəsizliyi” - Rufiz Qonaqov yeni kitabını təqdim etdi
5 ВЕЛИКИЕ В ИСТОРИИ. Гейдар Алиев – человек с большим сердцем. Воспоминания бывшего мэра Москвы Юрия Лужкова


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info