“Qalatasaray” ikinci dəfə böyük hesabla məğlubiyyətə uğrayıb
Tarix: 23.09.2018 | Saat: 22:56:00 | E-mail | Çapa göndər



Sentyabrın 23-də futbol üzrə Türkiyə Superliqasının altıncı turunda son çempion “Qalatasaray” komandası səfərdə autsayder "Akhisarspor” klubu ilə qarşılaşıb.

İstanbul komandası bu mövsüm Türkiyə superkuboku uğrunda oyunda məğlub olduğu rəqibinə çempionat oyununda 3:0 hesabı ilə uduzub.
AZƏRTAC xəbər verir ki, gərgin idman mübarizəsi şəraitində keçən matçın birinci hissəsində hesab açılmayıb.
Matçın 12-ci dəqiqəsində meydan sahiblərinin futbolçusu Adrian Reqattin topu rəqib qapısından keçirib. Lakin qonaq komandanın oyunçularının etirazından sonra görüşün referisi VAR sistemi vasitəsilə qolun oyundankənar vəziyyətdən vurulduğunu müəyyənləşdirib.
Qırx üçüncü dəqiqədə isə qonaqlardan Qeri Rodriges təyin olunan 11 metrlik cərimə zərbəsini dəqiq yerinə yetirə bilməyib.
Matçın 51-ci dəqiqəsində meydan sahibləri Elvis Manunun qolu ilə hesabı açıblar - 1:0. Səksəninci dəqiqədə Güray Vural penalti zərbəsi ilə hesab arasındakı fərqi artırıb - 2:0. Bundan dörd dəqiqə sonra isə Mustafa Yumlu oyunda üçüncü topu “sarı-qırmızılılar”ın qapısından keçirib – 3:0.
Bu, Manisa şəhərinin təmsilçisinin cari çempionatda ilk qələbəsi olub. Fatih Terimin baş məşqçisi olduğu komanda isə bu mövsüm çempionatda ikinci dəfə böyük hesabla məğlub olub.
Qeyd edək ki, bu tur keçirilmiş oyunlarda çempionluğa iddialı komandalardan “Başakşehir” klubu səfərdə “Bursaspor”la heç-heçə edərək, “Trabzonspor” isə öz meydanında “Göztəpə”yə məğlub olaraq xal itiriblər.
Tura sentyabrın 24-də keçiriləcək İstanbul derbisi ilə yekun vurulacaq. “Fənərbağça” klubu “Ülker” stadionunda “Beşiktaş” kollektivini qəbul edəcək.
Hazırda “Başakşehir” 13 xalla superliqanın vahid lideridir. “Qalatasaray” və “Kasımpaşa” 12 xalla ikinci və üçüncü yeri bölüşürlər. Hesabında 11 xal olan “Konyaspor” dördüncü, “Beşiktaş” isə 10 xalla beşinci pillədə qərarlaşıb.




 
Bölməyə aid digər xəbərlər
12.12.2018
Türkiyənin məşhur jurnalisti kikboksinq federasiyasının idarə heyətinin üzvü oldu
12.12.2018
UEFA Çempionlar Liqası: nəticələr
12.12.2018
UEFA Çempionlar Liqası: “Qalatasaray” İstanbulda “Portu”ya məğlub olub
09.12.2018
Futbol üzrə Azərbaycan Premyer Liqasının 14-cü turuna yekun vurulub
09.12.2018
İspaniya La Liqası: Kataloniya derbisində dörd qol vurulub

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10526

1 “Macarıstandakı Azərbaycan icmasının böyük əksəriyyətini gənclər təşkil edir”
2 Prezident İlham Əliyev Putinin dəvəti ilə Rusiyaya işgüzar səfərə gedib- YENİLƏNİB
3 Çin şirkəti Gəncədə 5 metallurgiya zavodu tikəcək
4 “Xəzər hövzəsi və enerji təhlükəsizliyi” - Rufiz Qonaqov yeni kitabını təqdim etdi
5 ВЕЛИКИЕ В ИСТОРИИ. Гейдар Алиев – человек с большим сердцем. Воспоминания бывшего мэра Москвы Юрия Лужкова


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info