“Sovetski“də yeni yolların çəkilməsi və abadlıq işləri gələn il başa çatacaq
Tarix: 25.09.2018 | Saat: 15:50:00 | E-mail | Çapa göndər


Bakının “Sovetski” kimi tanınan ərazisində söküntü işləri başa çatdıqdan sonra 2016-cı ilin avqustundan burada yeni yollar çəkilməsi, yaşıllaşdırma və abadlıq işlərinin aparılması layihəsi çərçivəsində bir çox işlər görülür. Hazırda 26 hektar ərazidə yolların salınması və abadlıq işləri aparılır. Azərbaycan Avtomobil Yolları Dövlət Agentliyinin mətbuat xidmətinin rəhbəri Anar Nəcəfli Trend-ə açıqlamasında bildirib ki, uzunluğu 7 kilometrdən çox olan Nəriman Nərimanov, Abdulla Şaiq, Balababa Məcidov, Mirzəağa Əliyev və Füzuli küçələrinin yenidən qurulması ötən il tam olaraq yekunlaşdırılıb.
A.Nəcəfli qeyd edib ki, Bakı şəhərinin yol infrastrukturunun yaxşılaşdırılması, əhalinin və avtonəqliyyat vasitələrinin rahat hərəkətinin təmin edilməsi istiqamətində mühüm işlər görülür: "Hələ ötən əsr ərzində ölkə paytaxtının inkişafı ilə bağlı hazırlanmış şəhərsalma sənədlərinə uyğun olaraq, Füzuli küçəsini genişləndirməklə Nərimanov prospekti ilə birləşdirəcək yeni prospektin salınması və həmin prospekt boyunca yaşıllıq zolaqlarının yaradılması nəzərdə tutulmuşdu".
O deyib ki, hazırda layihə üzrə 23 hektar sahədə yaşıllaşdırma və abadlıq işləri aparılır: "Bu çərçivədə Təzəpir məscidi kompleksinin qarşısında 12,9 min kv.m sahədə 347 yerlik yeraltı avtomobil dayanacağı tikilib və hazırda son tamamlanma işləri aparılır. Sözügedən avtodayanacağın üzərində parkın salınması üzrə işlər isə 90% yerinə yetirilib".
Ağentliyin sözçüsü əlavə edib ki, Akademik Milli Dram Teatrının qarşısındakı parkın yenidən qurulması işləri isə 70% yerinə yetirilib:
"Füzuli, Mirzəağa Əliyev və Abdulla Şaiq küçələri üzərindən piyada korpülərinin tikintisi işləri 90% başa çatıb. M.Əliyev və A.Şaiq küçələri arasında olan sahədə parkın tikintisi üzrə torpaq işləri 90%, bitki örtüyü – 70%, suvarma sistemi – 70%, drenaj işləri – 95%, elektrik işləri 55% yerinə yetirilib. Həmçinin parkda ərazi boyunca 670 ədəd ağac əkilib. Hazırda parkın ot örtüyünün salınması işləri aparılır".
A.Nəcəfli bildirib ki, N.Nərimanov prospekti ilə A.Şaiq küçəsinin arasında olan sahədə idman meydançalarının, həmçinin prospektdə yeraltı piyada keçidinin tikintisi üçün hazırlıq işləri aparılır: "Layihənin tam olaraq 2019-cu ildə yekunlaşdırılması nəzərdə tutulub".




 
Bölməyə aid digər xəbərlər
13.12.2018
Rusiyadan Bakı-Tbilisi-Qars dəmir yolu ilə təbəqə dəmirlərin yük vaqonları ilə nəqlinə başlanılıb
13.12.2018
Neftçala–Xol Qaraqaşlı yolunun tikintisinə 18,2 milyon manat ayrılıb
13.12.2018
Azərbaycan məhsulları Danimarkaya ixrac edilib
13.12.2018
Azərbaycanın da iştirak etdiyi Lapis-Lazuli marşrutu ilə yükdaşımalarına start verilib
13.12.2018
Kiçik və Orta Biznesin İnkişafı Agentliyinin nümayəndələri Rusiyada səfərdədir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10526

1 “Macarıstandakı Azərbaycan icmasının böyük əksəriyyətini gənclər təşkil edir”
2 Bill Klinton Heydər Əliyevlə görüntülərini paylaşdı
3 “Xəzər hövzəsi və enerji təhlükəsizliyi” - Rufiz Qonaqov yeni kitabını təqdim etdi
4 Fransa XİN rəhbəri Trampı ölkənin daxili işlərinə qarışmamağa çağırıb
5 OPEK-ə üzv ölkələr neft hasilatını azaltmaq barədə razılığa gəliblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info