“Bakı-Tbilisi-Qars dəmiryolunun Gürcüstan hissəsində intensiv iş aparılır”
Tarix: 04.07.2013 | Saat: 00:08:00 | E-mail | Çapa göndər


“BP və SOCAR şirkətləri ilə yeni qaz kəmərinin tikintisinə dair razılıq əldə olunub”

Gürcüstanın baş naziri Bidzina İvanişvili jurnalistlər üçün keçirdiyi ənənəvi brifinqdə Bakı-Tbilisi-Qars dəmiryolu layihəsinin Gürcüstan sahəsində işlərin intensiv getdiyini bildirib. Baş nazir ölkədə ötən il keçirilmiş parlament seçkiləri nəticəsində baş vermiş hakimiyyət dəyişikliyindən sonra dəmiryolu tikintisində işlərin gecikdirildiyinə dair yayılmış məlumatların həqiqətə uyğun olmadığını qeyd edib. B.İvanişvili tikintinin Gürcüstan sahəsində yeni menecer təyin olunduqdan sonra işlərin geniş vüsət aldığını, tikintiyə kifayət qədər texnika cəlb edildiyini deyib.
Yeni hökumətin Bakı-Tbilisi-Qars dəmiryolu tikintisinə böyük diqqət yetirdiyini vurğulayan baş nazir əlavə edib ki, onda olan məlumata görə, dəmiryolu tikintisində işlər olduqca intensiv aparılır. Bidzina İvanişvili mətbuat konfransında bildirib ki, Gürcüstanın baş naziri İngiltərənin BP və Azərbaycanın SOCAR şirkətləri ilə yeni qaz kəmərinin tikintisinə dair razılıq əldə olunduğunu bildirib: “Biz “Şahdəniz” yatağından Avropaya qaz nəqli üçün yeni qaz kəmərinin tikintisi ilə bağlı razılığa nail olmuşuq. Bu, 40 milyard dollara başa gələcək. Həmin vəsaitin 2 milyard dolları Gürcüstan ərazisində tikinti işlərinə xərclənəcək ki, bu da yeni iş yerlərinin açılmasına imkan yaradacaq”. B.İvanişvili yeni kəmərin tikintisi ilə Gürcüstanın Azərbaycandan aldığı ucuz təbii qazın həcmini üç dəfə artırmağın mümkün olacağını da vurğulayıb. Gürcü baş nazir Rusiya ilə münasibətlər haqqında bunları bildirib: “Mən Rusiyadan konkret və dəqiq addımlar gözləmirəm. Rusiya ilə münasibətlərin normallaşdırılması üçün digər addımlar atırıq, bu, viza rejiminin sadələşdirilməsi və təyyarə uçuşlarının bərpası ilə bağlıdır. Abxaziya dəmiryolu mütləq bərpa olunmalıdır. Buna müəyyən vaxt lazımdır. Əlbəttə, yollar açılmalıdır və açılacaq. Yolların açılması Abxaziya ilə münasibətlərimizi yaxşılaşdıracaq, iqtisadiyyat inkişaf edəcək. Fikirləşirəm ki, bu məsələ çox siyasiləşdirilib. Bu məsələdə ajiotaj yaradılmamalıdır”.
Cavidan




 
Bölməyə aid digər xəbərlər
25.09.2018
“İrəvan meriyasına seçkilər yalan və riyakarlığın nümunəsidir”
25.09.2018
Yaxın Şərq böyük müharibə ərəfəsində
25.09.2018
Kvirikaşvili AYİB-in beynəlxalq məsləhətçisi olub
25.09.2018
TASS: Azərbaycan silah bazarında Rusiya Federasiyasının iri tərəfdaşıdır
24.09.2018
Yerevan meri postuna seçkilərdə xeyli qanun pozuntusu və insident qeydə alınıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10145

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info