“İctimai maraqlar müxalifət rəhbərlərini maraqlandırmır”
Tarix: 17.10.2018 | Saat: 20:21:00 | E-mail | Çapa göndər


“Əli Kərimli də başda olmaqla müxalifətin 90 faizi əsl müxalifət deyil”

Son vaxtlar müxalifət düşərgəsində gərginlik, hərc-mərclik, söz savaşı daha da artıb. Əslində, uzun illərdir ki, müxalifət partiyaları bir-birlərinə qarşı əks mövqe sərgiləyirlər, birləşmək, vahid mərkəzdən idarə oluna bilməmək kimi ciddi problemlər yaşayırlar. Bu və digər belə ciddi siyasi səhvlər, səbatsızlıq ucbatından müxalifət liderləri olub-qalan sosial bazalarını da zəiflədiblər, artıq Azərbaycan cəmiyyətində müxalifətçilərə qarşı qıcıq yaranıb...
Konkret olaraq son proseslərə gəldikdə isə Əli Kərimli və digər müxalifət nümayəndələri və onların yaxın çevrələri uzun müddət “dostum-qardaşım” deyib, öz düşərgələrində gördükləri Qurban Məmmədovu artıq nümayişkaranə şəkildə özlərindən uzaqlaşdırırlar, hətta bu adama “agent” damğası da vururlar. Qurban Məmmədov da öz növbəsində bütün bu ittihamları və ona qarşı qaldırılan adamların təhqirlərini cavabsız qoymur, zaman-zaman sosial şəbəkələr üzərindən videogörüntülər vasitəsilə çıxışlar edərək kimin kim olduğunu ortaya qoyur. Qurban Məmmədovun “Facebook” üzərindən son videogörüntü paylaşımında isə o bəzi gənc müxalifətçilərin ona qarşı anormal fikirlər səsləndirməsinə reaksiya verib, amma bu reaksiyasının içində yenə də əsas həmkarlarına - Əli Kərimli, Cəmil Həsənli və digərlərinə söz atıb. Qurban Məmmədov deyib ki, ona qarşı aparılan kampaniyalar qarşısında susa da bilərdi, səslənən ittihamlara, aparılan kampaniyaya fikir verməyə də bilərdi: “Amma nəzərə alaq ki, baş verənlər yalnız mənə yönələn hadisə deyil, bu adamlar ictimai maraqlara elə böyük ziyan vurmağa cəhd etdilər ki... Deyəsən, nə etdiklərini heç özləri də anlamırlar. O boyda siyasi təcrübəsi olan Cəmil Həsənlilər, Gültəkinlər, Əli Kərimlilər və başqaları ictimai maraqlara bu qədər saymazyana yanaşırlar. Onlar veclərinə də almırlar ki, atdıqları addımlar ictimai şüura necə təsir edir. İctimai maraqlar bu addımlardan ziyan çəkəcək, ya yox? Bütün bunlar veclərinə də deyil. Mən bunu heç kəsə bağışlaya bilmərəm”.
3 saatlıq videoçıxışında Qurban Məmmədov bir sıra mətləblərə toxunub. O keçmiş səfirlik işçisi olmuş və hazırda Avropada siyasi sığınacaq alan Nahid Cəfərovdan tutmuş, həbsdə olan müxalifətçilərə yığılan yardımlar, bununla bağlı Zümrüd Qəhrəmanlının yanlış olaraq keçirdiyi tədbirə qədər hər birinə tənqidi formada toxunub. Ən maraqlı məqamlardan biri isə budur ki, Qurban Məmmədov AXCP sədri Əli Kərimlinin müavini Fuad Qəhrəmanlının həbsdə olmasının AXCP sədrinə sərf etdiyi iddiasındadır. O Fuad Qəhrəmanlının həyat yoldaşına müraciət edərək deyib: “Əvvəla, “Mən də varam” aksiyasına yardımları dayandırın. Bunu etməyiniz Nahid üçün çox faydalıdır, nəinki zərərli. O özü, hələlik bilmir nə edir... Zümrüd xanım isə keçirdiyi belə tədbirlərlə mahiyyətinə varmadığı bir prosesin içərisindədir. Zümrüd xanım, Fuad Qəhrəmanlı həbsdədir və o, Əli Kərimliyə görə həbs olunub. Onun həbsində şəxsən Əli Kərimlinin iştirakı var, tezliklə bunun sübutunu da görəcəksiniz. Əli Kərimli öz ətrafının həbs etdirilməsi ilə öz nüfuzunu qaldırır. Əvvəllər Əli Kərimlinin əsas müxalifət olmasını düşünürdüm, Nahid Cəfərovu dinləyəndən sonra şübhələnməyə başladım ki, bu, əslində, belə deyil”. Daha sonra Qurban Məmmədov deyir ki, son proseslər –aparılan kampaniyalar göstərdi ki, 25 ildir Əli Kərimli də başda olmaqla müxalifətin 90 faizi əsl müxalifət deyil: “İndiki proseslərdə isə Əli Kərimlinin başçılığı altında mənə qarşı aparılan kampaniya onun əsl müxalifət olmamasını sübut edir”. Qurban Məmmədov dönə-dönə vurğulayır ki, Əli Kərimli özü uzun illərdir belə fəaliyyəti ilə iqtidara işlədiyini göstərir.
Tural Tağıyev




 
Bölməyə aid digər xəbərlər
22.08.2019
“Din və etiqad azadlığının qorunması üçün tədbirlər görülməlidir”
21.08.2019
“Xalqımıza qarşı xarici təbliğata və təsirlərə qarşı vahid cəbhədə birləşmək vacibdir”
21.08.2019
‘‘Orta Şәrqdәki problemlәrin hәll edilmәsi üçün yeni tәkliflәrә ehtiyac var’’
21.08.2019
İran Böyük Britaniyadan təzminat tələb edəcək
21.08.2019
“Türkiyə hökumətilə Şərqi Aralıq dənizindəki birgə mübarizəmiz böyük əhəmiyyət daşıyır”

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10867

1 750 mindən çox vətəndaşın pensiyasında artım olacaq
2 Azərbaycana qarşı casusluq edən 128 nəfər aşkar edilib
3 Bakıdan avtobusla Naxçıvana gedənlərə şad xəbər
4 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
5 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info