İlin sonunadək İmişli və Şəkidə “ABAD”ın regional mərkəzləri açılacaq
Tarix: 18.10.2018 | Saat: 14:14:00 | E-mail | Çapa göndər


Prezident İlham Əliyevin 2016-cı il 23 sentyabr tarixli Fərmanına əsasən yaradılmış və pilot layihə kimi Masallıda fəaliyyətə başlayan, iki istiqamətdə - qida məhsullarının istehsalı və dekorativ-tətbiqi xalq sənətkarlığı sahələrində ailələrə dəstək göstərən “ABAD” hazırda bütün ölkə ərazisini əhatə edən bir quruma çevrilib. “ABAD” kiçik və orta sahibkarlığın, eləcə də ailə biznesinin inkişafına xidmət edən, maraqlı ideyalara həyat verən innovativ təşəbbüsdür. Belə layihələrdən biri də bu günlərdə Prezident İlham Əliyevin və birinci xanım Mehriban Əliyevanın Qubada açılışında iştirak etdiyi “ABAD Factory” İstehsalat Kompleksidir.
“ABAD” (Ailə Biznesinə Asan Dəstək) publik hüquqi şəxsin direktoru Rüfət Elçiyev bununla bağlı AZƏRTAC-a müsahibə verib.

- Rüfət müəllim, “ABAD Factory” İstehsalat Kompleksi kimi xidmət strukturunun yaradılması, xüsusilə yerli ailə təsərrüfatlarının bu işə cəlb edilməsi baxımından bir yenilikdir. Yəqin ki, belə bir kompleksin məhz Qubada fəaliyyətə başlaması, ilk növbədə, rayonun kənd təsərrüfatı üzrə ixtisaslaşması və turizm bölgəsi olması ilə bağlıdır...

- Azərbaycan Respublikası iqtisadiyyatının əsas sektorları üzrə strateji yol xəritələrinin mühüm istiqamətlərindən biri məhz kənd təsərrüfatı məhsullarının istehsalı və emalı, kiçik və orta sahibkarlıq səviyyəsində istehlak mallarının istehsalı, eyni zamanda, regionlarda özünüməşğulluq səviyyəsinin artırılmasıdır. “ABAD Factory” İstehsalat Kompleksinin təsis edilməsi də bu fəaliyyətə yönəlmiş növbəti addımıdır.
Qubanın və ətraf bölgələrin iqtisadiyyatının əsasını kənd təsərrüfatı təşkil edir. Yerli əhali əsasən tərəvəzçilik və meyvəçiliklə məşğul olur. Həmçinin Quba Azərbaycanın son zamanlar turizm iqtisadiyyatının ən çox inkişaf etdiyi rayonlardandır.
“ABAD” ailə biznesini yeni layihələrlə dəstəkləyir. Həmçinin kiçik və orta sahibkarlığa verdiyi dəstək proqramını uğurla davam etdirir. Sahibkarların xammalının istehsalata keçirilməsi, milli məhsulların istehsalı və biznesin formalaşdırılması istiqamətində mühüm işlər görülür. Bunun daha bir sübutu Quba rayonunda yerləşən “ABAD Factory” İstehsalat Kompleksinin açılışı oldu.

- Kompleksdə hansı məhsullar istehsal olunacaq, nə kimi xidmətlər göstəriləcək?

- Ümumi sahəsi 1500 kvadratmetrə yaxın olan ikimərtəbəli müasir istehsalat kompleksində “ABAD”çılar tərəfindən 5 istehsal sahəsi - qurudulmuş meyvələr, manpası və digər qənnadı məhsulları, kompot, süd və ət məhsulları üzrə fəaliyyət göstəriləcək.

- Burada nə qədər iş yerinin yaradılması gözlənilir?

- Sahibkarlıq fəaliyyətinin səmərəli təşkili məqsədilə “Quba ABAD Factory”nin ərazisində müvafiq infrastruktur yaradılıb. Kompleksdə 10 “ABAD”çı ailənin (30 nəfərə yaxın) fəaliyyət göstərməsi nəzərdə tutulub. Məhsul dövriyyəsi artdıqca bu sayın 50 nəfərə çatması gözlənilir.

- “Quba ABAD Factory” İstehsalat Kompleksində “ABAD Gastro Village” də yaradılıb. Bu layihə özündə nəyi əhatə edir?

- “Pasha Holding”in dəstəyi ilə “ABAD Gastro Village” və onun nəzdində “Food truck”lər (təkərli qoşqular) parkı salınıb. “ABAD Gastro Village”in səyyar şəkildə fəaliyyət göstərməsi şimal regionunda yaradılmış turizm infrastrukturuna daha da cəlbedicilik gətirəcək. Yuxarıda sadaladığım 5 istiqamətdə satış aparacaq “truck”lər fəaliyyətə başlamağa hazırdır. Bu “truck”lərdə dönər, burger, pizza, şirniyyat satılacaq, həmçinin “ABAD” etno-butiki fəaliyyət göstərəcək. “ABAD Gastro Village” kompleksində 20 nəfərin işlə təmin olunması nəzərdə tutulub.

- Belə istehsalat komplekslərinin digər bölgələrdə də yaradılması planlaşdırılırmı?

- Ümumiyyətlə, “ABAD”ın hər bir iqtisadi rayonda fəaliyyət göstərməsi gözlənilir. Lakin biz hər bir regiona individual yanaşırıq. Region hərtərəfli təhlil olunur və daha sonra məhz həmin bölgəyə uyğun layihə ərsəyə gəlir. Bu layihələri tərəfdaş və donorlarımız vasitəsilə həyata keçiririk.

- “ABAD” publik hüquqi şəxs yaxın gələcəkdə daha hansı yeniliklər təqdim edəcək?

- İlin sonunadək daha iki “ABAD” regional mərkəzinin açılışı nəzərdə tutulub: İmişli və Şəkidə. Bundan başqa “ABAD Food Hall” və daha bir “ABAD Məktəb” açılacaq. Şəkidə və Bakının Nardaran qəsəbəsində isə “ABAD” Keramika və Tətbiqi Sənət mərkəzlərinin də fəaliyyət göstərməsi planlaşdırılır.

- Müsahibəyə görə çox sağ olun.




 
Bölməyə aid digər xəbərlər
16.11.2018
Sumqayıt Kimya Sənaye Parkında tütün məmulatları istehsalı fabriki istifadəyə verilib
16.11.2018
Prezident İlham Əliyev Sumqayıt şəhərinə səfərə gedib
16.11.2018
Məşğulluq Strategiyası insan kapitalının inkişafında, məşğulluğun təminatında mühüm addımların atılmasına imkan yaradacaq
15.11.2018
Peyk vasitəsilə Yerin məsafədən müşahidəsi xidmətlərinin inkişafına dair Dövlət Proqramı təsdiqlənib
15.11.2018
Azərbaycan şirkətləri Çinə ixracı genişləndirir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10485

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info