Diplomatik qalmaqal
Tarix: 04.07.2013 | Saat: 23:02:00 | E-mail | Çapa göndər


Rusiyadan rəsmi səfərdən qayıdan Boliviya prezidenti Evo Moralesin uçduğu təyyarə bir sıra Avropa ölkələrinin hava məkanına daxil olmasına icazə verilmədiyinə görə Vyana beynəlxalq hava limanına məcburi eniş edib.

Boliviyanın hökumət dairələrinin məlumatına görə, buna səbəb kimi ABŞ-ın xüsusi xidmət orqanlarının keçmiş kəşfiyyatçısı, hazırda axtarışda olan Edvard Snoudenin həmin təyyarənin göyərtəsində olması ehtimalı göstərilib. Fransa, İspaniya və Portuqaliya təyyarənin həmin ölkələrin hava məkanına daxil olmasını gözlənilmədən qadağan ediblər.
Prezident E.Morales bütün gecəni Vyana aeroportunun VİP terminalında keçirib. Ölkənin Xarici İşlər Nazirliyi və Cənubi Amerika ölkələrini öz sıralarında birləşdirən Cənubi Amerika Xalqları İttifaqı bu hadisəyə kəskin reaksiya verərək bir ölkənin dövlət başçısına qarşı atılmış bu addıma görə Avropa ölkələrindən açıqlama verməsini tələb ediblər. “Heç nə bir ölkənin ən ali vəzifəli şəxsinə qarşı bu cür hərəkətə haqq qazandıra bilməz” - deyə Amerika Dövlətləri Təşkilatının baş katibi Xose Migel İnzulsa Cənubi Amerika ölkələrini vahid mövqe nümayiş etdirməyə çağırıb.
Fransa və Portuqaliya E.Moralesin olduğu təyyarənin ölkələrinin hava məkanına daxil olmasına icazə versələr də, İspaniya əks mövqe tutub. İspan tərəfi təyyarəyə baxış keçirildikdən sonra uçuşa icazə verəcəyini bildirib. Boliviya tərəfi prezidentin diplomatik immunitetə sahib olduğunu və təyyarənin eksterritorial ərazi olmasını əsas gətirərək, bu tələbi rədd edib. Avstriyanın daxili işlər naziri Boliviya prezidentinin Vyana hava limanına enməsi ilə bağlı mətbuata verdiyi açıqlamada bildirib ki, Avstriya verdiyi qərarlarda müstəqildir və heç bir ölkədən çəkinmir. Gördüyünüz kimi, bir sıra ölkələr açıq-aşkar qayğı və qorxu içində olduğu halda, Avstriya öz hava məkanını nəinki bağlamayıb, hətta təyyarəyə eniş icazəsi də verib.
Boliviya hökuməti baş vermiş insidenti pisləyərək, bu barədə Birləşmiş Millətlər Təşkilatına şikayət etmək niyyətində olduğunu bildirib. Ölkənin vitse-prezidenti Alvaro Qarsiya ABŞ-ı Evo Moralesin uçuşuna əngəl olmaq barədə Avropa Birliyinə göstəriş verməkdə təqsirli bilir: “Təyyarənin bəzi Avropa ölkələri üzərindən uçuşuna qadağa qoyulmaqla, prezident Evo Moralesin həyatı təhlükə altına alınıb, Bu görülməmiş bir insidentdir heç müharibə vaxtlarında da belə şey baş vermir”. Bu arada Boliviyanın paytaxtı La Pasda, bir qrup sakin Avropa ölkələrinin prezident təyyarəsinin uçuşuna əngəl olmalarına qarşı nümayiş keçirib. Fransa səfirliyi önündə toplaşan etirazçılar Avropa Birliyi və Fransanın bayraqlarını yandırıblar.
Anar




 
Bölməyə aid digər xəbərlər
17.02.2019
Bahalıqla əlaqədar Tehranda 180 restoran fəaliyyətini dayandırıb
17.02.2019
Türkiyə və Rusiya prezidentləri yenidən görüşəcək
17.02.2019
İğdırda Xocalı soyqırımının 27-ci ildönümü ilə əlaqədar silsilə tədbirlər keçiriləcək
17.02.2019
İranın Kosmik Araşdırmalar İnstitutunda baş verən yanğın nəticəsində üç nəfər həlak olub
17.02.2019
Londonda Karl Marksın məzarına növbəti dəfə vandal hücumu olub

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info