Azərbaycanlı gənclər İtaliyada şirkət açıblar
Tarix: 19.10.2018 | Saat: 20:22:00 | E-mail | Çapa göndər


İtaliyada azərbaycanlı gənclər “Üç alov” adlı (Le Tre Fiamme-bakucittadeiventi.it) şirkət açıblar. Saç kəsimi (kişilər və qadınlar üçün) xidmətlərini təklif edən şirkətin ilk brendi isə “Bakı küləklər şəhəridir” (Baku citta dei venti) adlanır. Bu haqda şirkətin rəhbəri Elnur Bədəlov özəl olaraq “Palitra”ya məlumat verib.
Ötən gün Romanın Via dei Salentini 18-San Lorenzo ünvanında yerləşən şirkətin açılışı olub. Açılışa Azərbaycanın İtaliyadakı səfirliyindən nümayəndələr, universitet professorları, İtaliyada sahibkarlıq fəaliyyəti ilə məşğul olan iş adamları və azərbaycanlı tələbələr qatılıblar. Elnur Bədəlov deyib ki, Romaya tələbə kimi gəlib və Sapienza Universitetində magistratura təhsili alıb: “Hər keçən gün Romada azərbaycanlı tələbələrin sayının artması bizə bu ideyanı verdi. Çünki Romada heç bir azərbaycanlı şirkət açmayıb və bunun ilkini biz edirik. Buradakı azərbaycanlıların ən çox problem etdiyi məsələlərdən biri saç kəsdirməkdir. Bu minvalla biz burada Le Tre Fiamme (Üç Alov) adında şirkətimizi açdıq və bu şirkətin ilk brendi “Baku citta dei venti”dir (Baki küləklər şəhəridir). Bu brend adı altında biz həm kişilər, həm də qadınlar üçün xidmət göstərəcəyik. Ancaq biz bu fikrimizi bir balaca genişləndirərək burada keçmiş Sovet respublikalarının vətəndaşlarını və italyanları da unutmamışıq. Burada çalışan ustalarımızdan biri rus, biri türk, digəri isə italyandır”.
Mən bu şirkətin rəhbəriyəm. Ancaq mənimlə birlikdə şirkətimin direktoru və ortağım Vüqar Dosmammadov da var. O da mənim kimi bura tələbə olaraq gəlib və hazırda sahibkardır”. Qeyd edək ki, yeni şirkətin yaradılması İtaliyadakı soydaşlarımızın da sevincinə səbəb olub. Bununla bağlı Roma Sapienza Universitetinin Siyasi elmlər və Avropa tarixi üzrə doktorantı, Azərbaycan-İtaliya Gənclər Assosiasiyasının (AİGA) həmsədri Emin Rüstəmov öz sevincini bizimlə bölüşüb. Emin Rüstəmov bu şirkətin yaradılmasını uğur nümunəsi kimi qiymətləndirib: “Bir neçə il bundan əvvəl Romaya gələndə ideyalarla zəngin dostlarla tanış oldum. Onların içində ambisiyalı dostlardan biri də Elnur idi. Həmişə Romada bir iş qurmağı, biznesi olmasını arzu edirdi. Bizim üçün o zamanlar, bunlar, sadəcə, arzu və xəyaldan başqa, bir şey deyildi. Və həmin gün, hamımızın səbirsizliklə gözlədiyi o an, nəhayət, gəlib çatdı. Dostumuzun şirkəti artıq fəaliyyətə başladı. Bu cür şirkətlərin yaradılması gələcəkdə azərbaycanlıların təşkilatlanması baxımından da çox önəmlidir. İtaliya kimi strateji baxımdan önəmli digər Avropa dövlətlərində də bu cür işlərin görülməsinin diaspor fəaliyyəti nöqteyi-nəzərindən də faydalı olacağına ümid edirəm”.

Fuad Hüseynzadə




 
Bölməyə aid digər xəbərlər
18.11.2018
Bolqarıstanı kütləvi etiraz aksiyaları bürüyüb
17.11.2018
Rusiyadan Ermənistana gedən magistralda 600-ə yaxın avtomobil qalıb
17.11.2018
Suriyada uşaqlardan ibarət terrorçu dəstələr yaradılıb
16.11.2018
Ərdoğan Qəzza zolağında vəziyyətlə bağlı Abbasa dəstəyini bildirib
16.11.2018
ABŞ Gülənin ekstradisiyasının yollarını axtarır

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info