Leyla İmanova Macarıstan prezidentinin “Qızıl xaç” ordeni ilə təltif edildi
Tarix: 22.10.2018 | Saat: 17:23:00 | E-mail | Çapa göndər


AMEA-nın Mərkəzi Elmi Kitabxanası (MEK) və Macarıstanın Azərbaycandakı Səfirliyi “Macarıstan-Azərbaycan mədəni əlaqələrinin inkişafına Mərkəzi Elmi Kitabxananın töhfəsi” adlı tədbir keçirib. Macarıstanın Azərbaycandakı səfiri Viktor Szederkenyi MEK-lə olan əməkdaşlıqdan söz açıb. O, qarşılıqlı əməkdaşlığın Azərbaycan-Macarıstan mədəni əlaqələrinin inkişafına böyük töhfə verdiyini vurğulayıb. MEK-in fəaliyyəti sayəsində Azərbaycan vətəndaşlarının Macarıstanın ənənələri, mədəni müxtəlifliyi, ədəbiyyatı, tarixi, elm və təhsil sistemi ilə yaxından tanış olduğunu deyib. Diplomat səfirliyin kitabxana ilə birgə təşkil etdiyi elmi mühazirələr, kitab təqdimatları və sərgilərdən də söz açıb. Ötən il “Bakıda Macarıstan günləri”nin təşkili və uğurla həyata keçirilməsində MEK-in əsas tərəfdaşlardan biri kimi xüsüsi rolu olduğunu bildirib. “Biz qürür duyuruq ki, Mərkəzi Elmi Kitabxanada Macarıstanın kitab guşəsi var, burada böyük macar alimi, türkoloq G.Hazainin həyat və fəaliyyətinə dair, həmçinin Macarıstanın tarixi ilə bağlı kitablar mövcuddur”. Səfir çıxışında AMEA və MEK-in rəhbərliyinə, eləcə də kitabxananın işçi heyətinə birgə əməkdaşlığı dəstəklədiyi üçün təşəkkürünü bildirib. Daha sonra diplomat Macarıstan Prezidenti Janos Aderin qərarını səsləndirib. Macarıstan-Azərbaycan ikitərəfli elmi-mədəni əlaqələrin genişləndirilməsinə, Macarıstan qarşısındakı xidmətlərinə görə Mərkəzi Elmi Kitabxananın direktoru Leyla İmanova Macarıstanın “Qızıl xaç” ordeni ilə təltif edilib. Səfir V.Szederkenyi mükafatı Leyla İmanovaya təqdim edib. Mərkəzi Elmi Kitabxananın direktoru Leyla İmanova öz növbəsində mükafata görə minnətdarlığını bildirərək, bunu MEK kollektivinin fəaliyyətinə verilən dəyər kimi qiymətləndirib. Tədbirdə AMEA-nın vitse-prezidenti, akademik İbrahim Quliyev çıxış edərək Macarıstan və Azərbaycan arasında münasibətlərin dostluq və strateji tərəfdaşlıqla xarakterizə olunduğunu deyib. Akademik qarşlıqlı elmi-mədəni əlaqələrin genişləndirilməsində MEK-in fəaliyyətini yüksək qiymətləndirib. Sonda tədbir iştirakçıları Macarıstan mədəniyyəti, tarixi, incəsənəti haqqında kitablar, eləcə də macar dilində nəşr edilmiş və Azərbaycanın Macarıstandakı səfirliyi tərəfindən kitabxanaya hədiyyə edilmiş kitablardan ibarət sərgi ilə tanış olublar. Məlumat üçün bildirək ki, MEK-in təşkilatçılığı ilə Macarıstanla bağlı, o cümlədən iki ölkənin əməkdaşlığına dair bir sıra işlər həyata keçirilib. 2015-ci ildən başlayaraq MEK-də “Mədəniyyətlərarası dialoqun gücləndirilməsində Azərbaycan mədəni irsinin təbliğinin rolu” mövzusunda sərgi, “Macarıstan türkologiyası və Azərbaycan” mövzusunda konfrans, macar türkoloq alimi Georq Hazainin kolleksiyasının rəqəmsallaşdırılması mövzusunda təqdimat, “Bakıda Macarıstan günləri”nin açılış mərasimi, macar yazıçısı İmre Madaçın “İnsanın faciəsi” əsərinin və eyni adlı animasiya filminin subtitrlərinin macarcadan Azərbaycan dilinə tərcüməsi və təqdimatı, türkoloq-alimlər Bəkir Çobanzadə və Georq Hazaiyə həsr olunmuş tədbir, yazıçı İştvan Seçeniyə həsr olunmuş tədbir keçirilib. Eyni zamanda MEK direktoru Leyla İmanova 2017-ci ildə Macarıstanın paytaxtı Budapeşt şəhərində G.Hazainin ev-kitabxanasının açılışı mərasimində türkoloq alim G.Hazainin MEK tərəfindən rəqəmsallaşdırılmış və elektron kataloqa daxil edilmiş, “Milli Rəqəmsal Yaddaş” bazasında yerləşdirilmiş sənəd kolleksiyasının elektron variantını hədiyyə edib. Səfirliyin Azərbaycan dilinə tərcümə edilmiş və kiril qrafikası ilə çap olunmuş Macar ədəbiyyatının latın qrafikasında yenidən işlənməsi layihəsinə MEK tərəfindən biblioqrafik informasiya dəstəyi verilib. Hazırda MEK AzVikipediyada Macarıstan tarixi və mədəniyyətinə aid 100 məqalənin hazırlanıb yerləşdirilməsi layihəsi üzərində çalışır.




 
Bölməyə aid digər xəbərlər
19.11.2018
İranda bahalaşma davam edir
19.11.2018
Ermənistanda bir qrup şəxs istefa tələbi ilə katolikos II Qareginin ofisinə hücum edib
19.11.2018
“Bu gün Ermənistan-Belarus münasibətlərinin böhran həddinə çatdığı göz önündədir”
18.11.2018
Ermənistanda cinayətlərin sayı artır
17.11.2018
“Küçə demokratiyasının qaydaları böyük siyasətdə qəbul edilə bilməz”

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info