Parisdə Azərbaycan şərablarının dequstasiyası keçirilib
Tarix: 23.10.2018 | Saat: 09:30:00 | E-mail | Çapa göndər



Baş qərargahı Parisdə yerləşən Beynəlxalq Üzümçülük və Şərabçılıq Təşkilatında (OİV) bu qurumun, Azərbaycan Kənd Təsərrüfatı Nazirliyinin, Fransadakı səfirliyimizin və AZPROMO-nun birgə təşkilatçılığı ilə Azərbaycan şərablarının dequstasiyası təşkil olunub.

AZƏRTAC xəbər verir ki, tədbirdə çıxış edən Beynəlxalq Üzümçülük və Çaxırçılıq Təşkilatının baş direktoru Jan-Mari Oran Azərbaycana səfərindən, qədim şərabçılıq ənənələrimizdən, Gəncə şəhərində keçirilən şərab festivallarından danışıb, ölkəmizdə üzümçülüyün inkişafına göstərilən dövlət qayğısına toxunub.
Azərbaycanın kənd təsərrüfat naziri İnam Kərimov ölkəmizin iqtisadiyyatının dinamik inkişafından, onun dünyada tolerantlıq nümunəsi olmasından, müxtəlif mədəniyyətlərin və dinlərin nümayəndələrinin burada birgə mehriban yaşamasından söz açıb. Prezident İlham Əliyevin qeyri-neft sektorunun, xüsusilə də aqrar sektorun inkişafına xüsusi diqqət verdiyini, bu sektorda yeni mərhələnin başlandığını bildirib.

Qeyd edilib ki, şərabçılıq rentabelli sahədir. Ölkəmizin kənd təsərrüfatı məhsulları təbii xüsusiyyətlərinə və keyfiyyətlərinə görə rəqabətədavamlıdır.

“Biz məhsullarımızın daha çox Avropa bazarlarına çıxarılmasını istəyirik. Buna görə də beynəlxalq əlaqələrimizin möhkəmlənməsinə xüsusi diqqət yetiririk. OİV strateji və etibarlı tərəfdaşımızdır. Azərbaycan bu təşkilatla əməkdaşlığı inkişaf etdirmək niyyətindədir. Gələcək tərəfdaşlığımızın perspektivləri ilə bağlı böyük ambisiyalı ideyalarımız var”, - deyən nazir İnam Kərimov ölkəmizdə kənd təsərrüfatının, üzümçülüyün və şərabçılığın inkişafı üçün həyata keçirilən tədbirlər haqqında ətraflı məlumat verib.

Sonra AZPROMO-nun icraçı direktoru Yusif Abdullayev, Azərbaycan Şərab İstehsalı və İxracı Assosiasiyasının sədri Elçin Mədətov çıxış ediblər.

AZPROMO-nun missiyası haqqında məlumat verilib. Bildirilib ki, bu qurum dövlət və özəl sektorun birgə təşəbbüsüdür və əsas məqsədi qeyri-neft məhsullarının ixracını təşviq etməkdir.

Tədbirdə, həmçinin Azərbaycan şərablarının yüksək keyfiyyətindən, onların istehsalında tətbiq olunan müasir texnologiyalardan bəhs olunub, şərablarımızın beynəlxalq normalara cavab verdiyi diqqətə çatdırılıb.
Sonra ölkəmizin 2025-ci ildə keçiriləcək Ümumdünya Sərgisinə namizədliyindən bəhs edən videoçarx nümayiş etdirilib.
Daha sonra iştirakçılar SİAL Paris beynəlxalq ərzaq sərgisində iştirak edən şirkətlərin şərabları ilə tanış olublar. Tədbirdə iştirak edən bir çox peşəkarlar şərablarımız haqqında yüksək fikrilərini bildiriblər. Bəzi distributorlar artıq ölkəmizin şərab istehsalçıları ilə razılığa da gəliblər.
Azərbaycan şərablarının dequstasiyasında Paris Qida Məktəbinin (EPMT) müəllimi Aleksandr Lezyö və tələbələri də iştirak ediblər.




 
Bölməyə aid digər xəbərlər
16.01.2019
Yeni Bakı Limanı MDB-də “yaşıl liman” statusuna malik ilk liman olacaq
16.01.2019
VTB (Azərbaycan) “MİDA” mənzillərini əldə etmək üçün güzəştli ipoteka krediti təklif edir
16.01.2019
Aİ və Dünya Bankı “Şərq Tərəfdaşlığı“ ölkələrinin infrastrukturunu inkişaf etdirəcəklər
15.01.2019
Nikola Sarkozi: “Bakıda böyük quruculuq işlərinin şahidi oldum”
15.01.2019
Struktur islahatları idarəetməni daha çevik edəcək

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10561

1 “Azərbaycan güclü ölkə kimi dünya miqyasında özünü təsdiqləyib”
2 Xocalı tarixi və mədəniyyəti
3 Struktur dəyişiklikləri dövlət idarəçiliyinin təkmilləşdirilməsini nəzərdə tutur
4 Azərbaycan Dövlət Pedaqoji Universitetində doktoranturaya və dissertanturaya qəbul başlanıb
5 Azərbaycanın qonşu ölkələrlə əlaqələri yüksək səviyyədədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info