Dövlət Gömrük Komitəsinin sədri Meksika səfiri ilə görüşüb
Tarix: 23.10.2018 | Saat: 16:23:00 | E-mail | Çapa göndər


“Gömrük sistemindəki islahatlar gömrük orqanlarının daha çevik və dinamik fəaliyyətinə şərait yaradıb”

Oktyabrın 23-də Dövlət Gömrük Komitəsinin sədri, gömrük xidməti general-leytenantı Səfər Mehdiyev Meksikanın Azərbaycandakı səfiri Xuan Rodriqo Labardini Floreslə görüşüb.
Səfər Mehdiyev Azərbaycanla Meksika arasında həm siyasi, həm də iqtisadi sahədə əlaqələrdən məmnunluqla bəhs edib. Komitə sədri hər iki ölkənin geniş iqtisadi potensialının bu istiqamətdə münasibətləri daha da inkişaf etdirməyə imkan verdiyini vurğulayıb və daha uğurlu nəticələr əldə olunacağına ümidvar olduğunu bildirib.
O da vurğulanıb ki, müxtəlif beynəlxalq tədbirlər, konfranslar və seminarlar çərçivəsində iki ölkənin gömrük orqanları rəhbərlərinin və əməkdaşlarının vaxtaşırı görüşləri keçirilir və “Azərbaycan Respublikası Hökuməti ilə Meksika Birləşmiş Ştatları Hökuməti arasında Gömrük Məsələlərində Qarşılıqlı İnzibati Yardım və Məlumat Mübadiləsi haqqında Saziş”in imzalanmasından sonra bu əlaqələr daha səmərəli şəkildə inkişaf edəcək.
Səfər Mehdiyev Azərbaycanda Prezident İlham Əliyevin rəhbərliyi ilə gömrük sistemində həyata keçirilən islahatlar barədə məlumat verib və bu islahatların gömrük orqanlarının daha çevik və dinamik fəaliyyətinə şərait yaratdığını deyib.
Qeyd olunub ki, elektron idarəetmə sisteminin təkmilləşdirilməsi nəticəsində artıq elektron bəyannamə sistemi 100 faiz tətbiq edilir ki, bu da idxal-ixrac əməliyyatlarının sürətli və asan şəkildə həyata keçirilməsinə, məmur-vətəndaş təmasının minimuma endirilməsinə şərait yaradıb. Şəffaflığın tam təmin olunması və korrupsiyaya qarşı qətiyyətli mübarizə çərçivəsində mühüm addımların da atıldığı və nəticədə büdcə daxilolmalarının nəzərəçarpacaq dərəcədə artdığı diqqətə çatdırılıb. “Yaşıl dəhliz” buraxılış sistemi və digər mütərəqqi layihələrin tətbiqi hesabına idxal-ixrac əməliyyatlarının asan və sürətli şəkildə həyata keçirildiyi, biznes subyektlərinə münbit şərait yaradıldığı bildirilib.
Daha sonra beynəlxaq təşkilatlar və gömrük qurumları ilə səmərəli işgüzar əlaqələrin qurulmasına toxunan Səfər Mehdiyev, Ümumdünya Gömrük Təşkilatının İnformasiya Texnologiyaları Konfransı və Sərgisinin 2019-cu ilin iyun ayında Azərbaycanda keçirilməsinin nəzərdə tutulmasını da Azərbaycan Gömrük Xidmətinin dünya gömrük ailəsinə töhfələrinin nəticəsi kimi dəyərləndirib.
Meksikanın Azərbaycandakı səfiri Xuan Rodriqo Labardini Flores səmimi qəbula görə təşəkkürünü bildirib və iki ölkə arasındakı əlaqələrdən bəhs edərək son dövrlərdə münasibətlərin sürətlə inkişaf etdiyini vurğulayıb. Qeyd olunub ki, yaxın zamanlarda imzalanması nəzərdə tutulan “Azərbaycan Respublikası Hökuməti ilə Meksika Birləşmiş Ştatları Hökuməti arasında Gömrük Məsələlərində Qarşılıqlı İnzibati Yardım və Məlumat Mübadiləsi haqqında Saziş” iki ölkə arasındakı əlaqələrin daha da möhkəmlənməsinə, ticarət dövriyyəsinin artmasına şərait yaradacaq.

Tural




 
Bölməyə aid digər xəbərlər
24.08.2019
Azərbaycanda metanol istehsalının həcmi nə qədərdir?
24.08.2019
Azərbaycan MDB ölkələri arasında ən çox Rusiyaya məhsul ixrac edib
24.08.2019
Rusiya şirkəti Azərbaycana dondurma ixrac etməyi planlaşdırır
24.08.2019
Yeddi ayda işsizlikdən sığorta ödənişinin orta məbləği 229,1 manat olub
24.08.2019
Astara-Astara dəmiryol terminalında tikinti işləri bərpa edilib

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10870

1 Bakıdan avtobusla Naxçıvana gedənlərə şad xəbər
2 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
3 “Stokholmda Rəssamlıq qalereyası açmaq planım var”
4 Prezident Kitabxanasında İrəvan xanları nəslinin nümayəndəsi Əmir Əli Sərdari İrəvani ilə görüş olub
5 Los Anceles sinaqoqunda Azərbaycanın tolerantlığına dair təqdimat keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info