Ərəb dövlətlərinin aparıcı media nümayəndələri Azərbaycan həqiqətləri barədə məlumatlandırılıb
Tarix: 23.10.2018 | Saat: 17:32:00 | E-mail | Çapa göndər


Azərbaycan Respublikası Prezidentinin ictimai-siyasi məsələlər üzrə köməkçisi-şöbə müdiri Əli Həsənov oktyabrın 23-də ölkəmizdə səfərdə olan İslam Ölkələri İnformasiya Agentlikləri İttifaqının nümayəndə heyəti ilə görüşüb.
AZƏRTAC xəbər verir ki, görüşdə Əli Həsənov Azərbaycanın tarixindən, mədəniyyətindən, xalqımızın adət-ənənələrindən, İslam dininin bu bölgədə yayılması və spesifikasından, Azərbaycan Xalq Cümhuriyyətinin yaranması və fəaliyyətindən, ölkəmizdə mövcud olan multikultural, tolerant cəmiyyətdən danışıb. Bildirib ki, Azərbaycan müsəlman ölkəsi olsa da, dünyəvi dövlətdir. Dünyada dinlər arasında baş verən qarşıdurmalara, ayrı-seçkiliyə baxmayaraq, ölkəmizdə müxtəlif dinlərin nümayəndələri mehriban şəraitdə yaşayırlar. Azərbaycanda məscidlərlə yanaşı, kilsələr, sinaqoqlar, Alban kilsəsi də fəaliyyət göstərir. Prezidentin köməkçisi Azərbaycan ilə İslam ölkələri arasında əlaqələrə, respublikamızın İslam Əməkdaşlıq Təşkilatına verdiyi töhfələrə də toxunub.
Əli Həsənov, həmçinin qonaqlara Azərbaycanın müstəqilliyini bərpa etdikdən sonra keçdiyi şərəfli yol, ümummilli lider Heydər Əliyev tərəfindən Azərbaycan dövlətinin qurulması, Prezident İlham Əliyevin rəhbərliyi ilə ötən 15 ildə əldə olunan nailiyyətlər, xüsusilə də qeyri-neft sektorunun, turizmin inkişafı istiqamətində görülən işlər, həmçinin Ermənistan-Azərbaycan Dağlıq Qarabağ münaqişəsi və onun yaratdığı fəsadlar, ermənilərin azərbaycanlılara qarşı törətdikləri soyqırımları barədə məlumat verib.
Sonra Prezidentin ictimai-siyasi məsələlər üzrə köməkçisi nümayəndə heyəti üzvlərinin suallarını cavablandırıb. Ərəb ölkələrinin media təmsilçiləri Azərbaycandakı multikultural və tolerant mühitin, Bakının gözəlliyinin, bütövlükdə Azərbaycanda müşahidə etdikləri inkişaf prosesinin onlarda zəngin təəssürat yaratdığını vurğulayıblar.




 
Bölməyə aid digər xəbərlər
21.01.2019
Bəzi parlamentarilər məsələnin məğzinə varmadan Azərbaycanın imicinə xələl gətirmək istəyirlər
21.01.2019
Müxalifət niyə ictimai asayişin pozulmasında maraqlıdır?
21.01.2019
Xaotik, zəif, sistemsiz aksiya: radikal qrupların sosial bazası yoxdur
21.01.2019
“Prezident məhkum Mehman Hüseynovun işinin obyektiv və ədalətli araşdırılması ilə bağlı tapşırıq verib”
21.01.2019
Hüquq müdafiəçiləri Mehman Hüseynovla bağlı Prezidentə müraciət edib

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Dərslər təxirə salındı
3 Nikola Sarkozi: “Bakıda böyük quruculuq işlərinin şahidi oldum”
4 Yalçın Topçu: “Türkiyə və Azərbaycan arasında ticarət daha da artacaq”
5 Mədəniyyət Nazirliyinin tabeliyindəki kitabxanalar ləğv edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info