“Teleradio məkanında ədəbi dil küçə danışıq normalarına uduzur”
Tarix: 05.07.2013 | Saat: 00:14:00 | E-mail | Çapa göndər


“Ümumrespublika yayımçısı statusu almış televiziyaların aparıcıları dialektdə, ləhcədə danışa bilməz”

“Hazırda Azərbaycanın televiziya və radio məkanında ədəbi dil normaları, küçə, bazar, şou-biznes danışıq normalarına uduzur”. Bunu Milli Televiziya və Radio Şurasının (MTRŞ) sədri Nuşirəvan Məhərrəmli deyib. Şura sədri bildirib ki, televiziya və radio məkanında bununla bağlı balans çox ciddi şəkildə pozulur: “Ölkədə bəzən belə bir fikir formalaşdırılır ki, xalq danışıq dili hər yerdə olmalıdır. Bu, tamamilə yanlış bir fikirdir. Azərbaycanda teleradio kanallarında çalışan aparıcılar kimliyindən asılı olmayaraq ədəbi dil qaydalarını mütləq bilməlidir. Kinolarda, tamaşalarda xalq danışıq dili saxlanmalıdır. Amma istər idman, istər mədəniyyət, istərsə də xəbər aparıcıları Azərbaycanın ədəbi dil qaydalarını bilməlidirlər”.

Nuşirəvan Məhərrəmli qeyd edib ki, müasir Azərbaycan dilçiliyində televiziya materiallarının dili əsasında nitq mədəniyyəti və ədəbi dil normalarının öyrənilməsinə xüsusi tələbat var. O, təəssüflə qeyd edib ki, teleradio məkanında aparıcıların tələffüzündə çoxlu nöqsanlara yol verilir: “Verilişlərin bəzilərində aparıcıların mətnlə əvvəlcədən tanış olmadıqlarını müəyyənləşdirmək o qədər də çətin olmur. Mədəni nitqə verilən müxtəlif tələblər var və telekanal aparıcıları da öz nitqlərini bu tələblərə cavab verə biləcək şəkildə qurmalıdırlar”.
MTRŞ sədri onu da vurğulayıb ki, Azərbaycan televiziya kanallarında nümayiş olunan verilişlərdə aparıcıların nitqini müşahidə etdikdən sonra belə bir nəticəyə gəlinib ki, onların nitqində ədəbi dil normalarına hər zaman riayət olunmur: “Monitorinq “ANS”, “ATV”, “İTV”, “Xəzər”, “Space”, “Lider” kanallarında yayımlanan informasiya verilişlərinin, müsiqili-əyləncəli proqramlarının, şou və tok-şouların dili üzərində aparılıb. Müşahidələr əsasən 4 sahəni əhatə edib ki, bunlara fonetik, leksik, qrammatik və üslub normaları daxildir. MTRŞ rəhbəri qeyd edib ki, orta təhsillərini ana dilimizdə almayan insanların televiziyada aparıcılıq etməsi geniş hal alıb. Bu məsələ, xüsusilə rusdilli insanların televiziyalarda aparıcılıq etməsi çox böyük nöqsanlarla müşahidə olunur. Onun sözlərinə görə, aparıcılar bəzən məhəlli dialekt, şivələrdən, jarqon, bayağı sözlərdən daha çox istifadə edirlər: “Bunlar hamısı birmənalı şəkildə olmaz. Ümumrespublika yayımçısı statusu almış hər bir televiziya kanalı Azərbaycan televiziyasıdır və burada aparıcılar dialektdə, ləhcədə danışa bilməz. O, Azərbaycanın ədəbi dil qaydalarına uyğun danışmalıdır. Regional televiziya kanalında belə hallar müşahidə edilərsə, bunu müəyyən mənada başa düşmək olar. Amma ümumrespublika yayımçılarında belə hallar baş verməməlidir”. Ümumilikdə, AMEA-nın Nəsimi adına Dilçilik İnstitutunun mütəxəssisləri tərəfindən teleradio yayımçılarının ədəbi dil normalarına riayət edilməsi sahəsində davamlı monitorinqlərin təşkili bu sahədə olan neqativ halların ortaya çıxarılmasına gətirib çıxaracaq və telekanallarda Azərbaycan ədəbi dilinin normalarına riayət edilməsinə mühüm kömək edəcək”.
Günay




 
Bölməyə aid digər xəbərlər
03.12.2020
Azərbaycanda 4 189 nəfər COVID-19-a yoluxdu, 2 072 nəfər sağaldı, 40 nəfər vəfat etdi
03.12.2020
Laçın rayonunun Hüsülü və Malıbəy kəndləri - VİDEO
03.12.2020
Laçın şəhərinin görüntüləri – VİDEO
02.12.2020
“Səndən mənə qardaş olmaz, sən ermənisən”... – VİDEO
02.12.2020
Laçının Qarıqışlaq kəndindən VİDEOgörüntü

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 12129

1 Yatanda 5 yastıq istifadə edin - Çinli həkimdən tövsiyə - VİDEO
2 Ev şəraitində öskürəyə qarşı tətbiq edilən ən effektiv vasitələr
3 Qarabağ yeni turizm destinasiyası kimi dünyaya təqdim olunacaq
4 İqor Korotçenko: “Dağlıq Qarabağ Azərbaycan ərazisidir. Bu məsələ birdəfəlik və həmişəlik bağlanıb”
5 “Anamın kitabı” pyesi əsasında çəkilən film tamaşaçıların görüşünə gələcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info