Fransa kəşfiyyatı da interneti izləyirmiş
Tarix: 05.07.2013 | Saat: 23:22:00 | E-mail | Çapa göndər


“Le Mond”: “Elektron məktublar, SMS-lər, “Facebook” və “Twitter”
vasitəsilə həyata keçirilən yazışmalar nəzarət altında olub”


ABŞ-ın dünya üzrə 9 əsas internet serverinə nəzarət etməsi ilə bağlı xüsusi PRİSM proqramına sahib olması ilə bağlı xəbər bütün dünyada şok effekti yaratdı. Amma nədənsə dünya dövlətlərinin bu məsələ ilə bağlı narahatlığına Fransa qatılmadı.
Bu məsələdə ən passiv mövqe tutan dövlətlərdən biri də elə Fransa oldu. Bu ölkənin «Le Mond» nəşri yazır ki, Fransa rəhbərliyi Amerika kəşfiyyatının həyata keçirdiyi interneti izləmə əməliyyatından xəbərdar olub. «Le Mond» yazır ki, Fransanın da PRİSM proqramına oxşar proqramı var. Fransa kəşfiyyatının xarici təhlükəsizliklə bağlı idarəsinin (DSGE) ölkə daxili və xaricində kompyuter və mobil telefonlar vastəsilə buraxılan siqnallara nəzarət edə bildiyi məlum olub. Bu yolla elektron məktublar, SMS-lər, «Facebook» və «Twitter» vasitəsilə həyata keçirilən yazışmalar izlənir. «Le Mond» yazır ki, həmin məlumatların izlənməsinin qanuni əsası yoxdur və bu məlumatlardan Fransa kəşfiyyatı gizli şəkildə istifadə edir. Siyasilər də bu əməliyyatlardan xəbərdar olub: «Bu proqramla bağlı bəzi detallar parlament sənədlərində əks olunub. Belə ki, parlamentin Kəşfiyyat məsələləri üzrə komitəsinin aprelin 30-da hazırladığı hesabatda qeyd edilir ki, kəşfiyyatın xarici təhlükəsizliklə bağlı idarəsi 2008-ci ildə elektrokəşfiyyat sahəsində yeni imkanar yaradan proqramın hazırlanmasına nail olub». Məqalədə qeyd edilir ki, «Google», «Facebook», «Yahoo», «Apple» və digər internet serverlərdəki aktivlik nəzarət altında olub: «Bu metod terrorizmə qarşı mübarizədə effektiv yoldur. Amma bir məsələ var ki, həmin proqramın vasitəsilə istənilən şəxsi izləmək mümkündür. Həmin proqram vasitəsilə milyardlarla informasiya DSGE-nin Parisin Morte bulvarının yaxınlığında yerləşən mənzil-qərargahının üç yeraltı mərtəbəsində saxlanılır. Həmin informasiyalara Fransanın 6 kəşfiyyat orqanının çıxışı var. Qanunla insanların belə kütləvi şəkildə izlənməsi qadağandır. Belə dinləmə qanun çərçivəsində fərdi şəkildə aparıla bilər. Amma Fransa xüsusi xidmət orqanları neçə ildir ki, heç bir icazə olmadan insanları dinləməklə məşğuldur».
Anar




 
Bölməyə aid digər xəbərlər
18.11.2018
Bolqarıstanı kütləvi etiraz aksiyaları bürüyüb
17.11.2018
Rusiyadan Ermənistana gedən magistralda 600-ə yaxın avtomobil qalıb
17.11.2018
Suriyada uşaqlardan ibarət terrorçu dəstələr yaradılıb
16.11.2018
Ərdoğan Qəzza zolağında vəziyyətlə bağlı Abbasa dəstəyini bildirib
16.11.2018
ABŞ Gülənin ekstradisiyasının yollarını axtarır

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info