Misirin bəzi bölgələrində fövqəladə vəziyyət elan olundu
Tarix: 05.07.2013 | Saat: 23:24:00 | E-mail | Çapa göndər


Misirdə hərbi çevriliş nəticəsində hakimiyyətdən uzaqlaşdırılmış sabiq prezident Məhəmməd Mursinin tərəfdarları Rabiatül Ədeviyyə meydanında etiraz aksiyası keçiriblər. Mursi tərəfdarları “Hərbi çevrilişə yox”, “Oyan Sisi, liderimiz Mursi” deyə şüarlar səsləndirirlər.
Onlar Müdafiə Nazirliyinin binasına doğru yürüş ediblər. Misirin Sina yarımadasında isə ordu mərkəzlərinə və bir polis məntəqəsinə silahlı hücumlar olub, hücum edənlər qumbaraatan və pulemyotlardan istifadə ediblər.
Hücumlar nəticəsində bir hərbçi ölüb, iki hərbçi yaralanıb. Sina yarımadasının şimalında yerləşən qəsəbələrdə ordu hissələri və polis məntəqələrinə hücumların başladığı da qeyd olunur. Hücumların islamçı qruplaşmalar tərəfindən gerçəkləşdirildiyi bildirilir. Xatırladaq ki, Məhəmməd Mursinin devrilməsindən sonra bir çox silahlı qruplaşma ordunu kütləvi terror aktları ilə təhdid edib. Bundan sonra Misir ordusu Süveyş bölgəsi və Sina yarımadasının cənubunda fövqəladə hal vəziyyəti elan edib. Bu arada Misir ordusunun komandanlığı siyasi qüvvələrə qarşı repressiv tədbirlər həyata keçirməyəcəyini bəyan edib. Belə bir açıqlama ilə komandanlığın nümayəndəsi “Facebook” sosial şəbəkəsindəki səhifəsində çıxış edib. Həmçinin hərbçilər milli təhlükəsizlik üçün təhlükə yaratmazsa, dinc etiraz aksiyalarının keçirilməsinə məhdudiyyət qoymayacaqlarını bildiriblər. Milli təhlükəsizlik üçün təhlükə deyildikdə hərbçilər yolların bağlanılmasını, dövlət, ictimai və özəl müəssisələrə ziyan vurulmasını nəzərdə tutduqlarını bəyan ediblər. Misirin xarici işlər naziri Məhəmməd Camal Əli Əmrlə ABŞ dövlət katibi Con Kerri arasında telefon danışığı olub. Xarici işlər naziri ABŞ-ı əmin etməyə çalışıb ki, Mursinin hakimiyyətdən kənarlaşdırılması hərbi çevriliş deyil və bu, Misir-ABŞ strateji münasibətlərinə ziyan vurmamalıdır: "Amerika tərəfi Misirin strateji tərəfdaşıdır. Ümid edirəm ki, onlar vəziyyəti düzgün qiymətləndiriblər. Bu hərbi çevriliş deyil. Xalqın iradəsi qalib gəldi”. Bir maraqlı məqam ondan ibarətdir ki, Misirin «Təmərrud» hərəkatı baş nazir vəzifəsinə Atom Energetikası üzrə Beynəlxalq Agentliyin keçmiş rəhbəri Məhəmməd əl-Baradeinin namizədliyini irəli sürüb. Sözügedən hərəkat keçmiş prezident Məhəmməd Mursinin istefasından ötrü milyonlarla imza toplamışdı. Türkiyənin baş naziri Rəcəb Tayyib Ərdoğan da Misirdə baş verənlərə münasibət açıqlayıb: “Misirdə baş vermiş çevriliş gələcəkdə xalqın özünə ziyan verəcək”. Onun sözlərinə görə, dünyada demokratik çevrilişlər olmur. Baş nazir əlavə edib ki, Türkiyə Misir üçün nümunə ola bilər. Ərdoğan qeyd edib ki, hazırda Misirdə cərəyan edən hadisələr əvvəllər Türkiyədə baş verib: "Misir ordusu Türkiyə tarixini öyrənməli və Türkiyədəki çevrilişlərin nəticələrini diqqətə almalıdır".
Anar




 
Bölməyə aid digər xəbərlər
14.11.2018
Mari Le Pen Makron və Merkelə qarşı: Avropa ordusu heç bir halda meydana çıxmamalıdır
14.11.2018
Fransa hökumətində Donald Trampın tənqidi tvitlərinə şərh veriblər
14.11.2018
İsrailin müdafiə naziri Aviqdor Liberman istefa verib
14.11.2018
Merkel Avropa İttifaqının öz ordusunun yaradılması tərəfdarıdır
14.11.2018
Tramp İrana görə Tereza Meyi tənqid etdi

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10471

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info