“Müsəlman qardaşlar” xalqı üsyana çağırıb
Tarix: 08.07.2013 | Saat: 22:54:00 | E-mail | Çapa göndər


Qahirədə respublika qvardiyasının mənzil-qərargahına hücumun gedişində həlak olanların sayı 50 nəfərə çata bilər

İyulun 7-dən 8-nə keçən gecə “Müsəlman qardaşlar” hərəkatının fəalları Qahirədə respublika qvardiyasının mənzil-qərargahına hücum ediblər. Hərəkatın nümayəndələri bildiriblər ki, həlak olmuş “dinc nümayişçilər”in sayı 50 nəfərə çata bilər. İslamçıların ehtimalına görə, hərbçilər həmin gecə respublika qvardiyasının mənzil-qərargahı yanında təşkil edilmiş dinc etiraz aksiyasının iştirakçılarına atəş açıblar. “Əl-Ərəbiyyə” telekanalı tibbi mənbələrə istinadla xəbər verib ki, qarşıdurma zamanı 16 nəfər həlak olub.

“Ərəb dünyasına demokratiya təqdim edən Qərb
Misirdə baş verənlərə reaksiya verməyə qadir deyil”



Hərbçilərin özlərinin rəsmi bəyanatında isə bildirilir ki, bir dəstə silahlı şəxs Qahirədəki Salah Səlim küçəsindəki hərbi obyektə hücum edib. “Müsəlman qardaşlar” hərəkatında belə hesab edirlər ki, ölkənin sabiq prezidenti həmin obyektdədir. Bir ordu zabiti həlak olub, onlarca hərbçi yaralanıb. Yaralılardan 6 nəfərinin vəziyyəti ağırdır. Hücumun təxminən 2000 iştirakçısı saxlanılıb, onların üstündə olan odlu silah, döyüş sursatı, soyuq silah və içərisində yandırıcı maye olan şüşələr müsadirə edilib.
Təhqiqat aparılır. Polis hərbçilərə hücumun iştirakçılarının axtarışını davam etdirir. Misirin “Müsəlman qardaşlar” hərəkatı əhalini ölkədə hakimiyyəti ələ keçirmiş qüvvələrə qarşı üsyana çağırıb. “Reuters”in xəbərinə görə, bu barədə hərəkatın siyasi qanadı - Azadlıq və Ədalət Partiyası bəyanat yayıb. Bəyanat müəllifləri misirliləri tanklardan istifadə edərək inqilabın nailiyyətlərini oğurlamaq istəyənlərə qarşı üsyana səsləyiblər. Hərəkatın açıqlamasında Misirin Suriyaya çevrilməsinə yol verməmək və qan axıdılmasının davam etməsinin qarşısı almaq üçün beynəlxalq ictimaiyyətə çağırış da əksini tapıb. Misirdə baş verənlərə Qərbin qeyri-müəyyən münasibəti davam etməkdədir. Almaniya mətbuatı Misirdə baş verən hadisələrə geniş yer ayırıb. Belə ki, bu ölkənin “Şpigel” qəzeti Qərbin Misirdə baş verən olaylar qarşısında çaş-baş qaldığını yazıb. Qəzet Məhəmməd Mursinin vəzifədən kənarlaşdırılmasını belə izah edib: “Qərb özünü demokratiya sahəsində nümunə kimi göstərməyə çalışsa da, Misir və digər ərəb ölkələrində baş verən hadisələr qarşısında düzgün reaksiya verməkdə aciz qalıb”. Qəzet qeyd edir ki, Mursi vəzifəsindən kənarlaşdırılıb, ordu əsas gücü ələ keçirib, lakin Almaniya xarici siyasət idarəsi hələ də Misirdə baş verənlər qarşısında necə davaranacağını bilmir və vəziyyət belə davam edərsə, Almaniyanın Misirə etdiyi yardımlar dayandırıla bilər. Məqalədə vurğulanır ki, Almaniya parlamentinin Xarici siyasət komissiyasının sədri Ropreşt Polents belə bir məqamın Almaniya xarici siyasətində çətin bir hal olduğunu deyib. Onun sözlərinə görə, son vaxtlar çox tənqidlərə məruz qalan Mursi hökuməti zamanında Misir xalqının çoxluq təşkil edən səsi ilə seçilmişdi: “Demokratiya örnəyini ərəb dünyasına təqdim edən Qərb, hazırda Misirdə baş verənlərə reaksiya verməyə qadir deyil. Berlin və Vaşınqton Misirdəki dəyişikliklər barədə şəffaf mövqe tutmağa cəhd göstərirlər”. Qəzet yazır ki, Mursinin vəzifəsindən kənarlaşdırılması və ordunun hakimiyyətə gəlməsi Qərb xarici siyasətini problemlərlə üzləşdirib.

Anar




 
Bölməyə aid digər xəbərlər
22.09.2018
İranda terror aktı: həlak olanların sayı 24 nəfərə çatıb
22.09.2018
Tereza Mey: “Brexit” barədə danışıqlar düyünə düşüb
22.09.2018
İranda terror aktı nəticəsində 11 nəfər həlak olub
22.09.2018
İranda hərbi parad zamanı terror aktı törədilib
22.09.2018
Estoniyada Müqavimət Günü qeyd edilir

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info