Azərbaycan dünyanın 25-ə yaxın ölkəsinə fındıq məhsulu ixrac edir
Tarix: 12.11.2018 | Saat: 20:13:00 | E-mail | Çapa göndər


Bu il ölkəmizdə 60 min tondan çox fındıq istehsalı gözlənilir

Bir çox dünya ölkələri ixracyönümlü məhsul olan fındıq istehsalını artırılmaqla daha çox valyuta əldə etməyə çalışırlar. Ötən il dünyada qabıqlı fındıq ticarəti 120 milyon dollar olduğu halda, qabıqsız fındıq ticarəti 1,7 milyard dollar olub. Ən böyük idxalçı ölkə Almaniyadır ki, ümumi həcmin 28 faizini idxal edir. Sonra 18 faizlə İtaliya gəlir. 2017-ci ildə dünyada 245.987 ton fındıq istehsal edilib ki, onun 65 faizi Türkiyənin payına düşüb. İkinci yerdə İtaliya, üçüncü sırada isə Azərbaycan qərarlaşıb. Şərqi Qara dəniz İxracatçılar Birliyinin məlumatına görə, cari ilin 10 aylıq hesabatına əsasən Türkiyə 118 ölkəyə 220 min 193 ton fındıq satıb. Bu ixracdan 1 milyard 294 milyon 259 dollar gəlir əldə edilib. Ən çox ixracı 316 milyon 488 min dollarla Almaniyaya edib. Bildirilib ki, fındıq daha çox şokolad sənayesində istifadə edilir və bu baxımdan, ixracda şokolad istehsalının üstünlük təşkil etdiyi Avropa ölkələri öndə gəlir.

“Qubaekoaqrar” sutkada 4 ton fındıq istehsalı gücünə malikdir

Kənd təsərrüfatının ixrac potensialı yüksək sahələrindən olan fındıqçılığın inkişaf etdirilməsi ilə bağlı ölkəmizdə davamlı tədbirlər həyata keçirilir. Dövlət başçısının ənənəvi sahələrdən olan fındıqçılığın inkişaf etdirilməsi ilə bağlı verdiyi tapşırıq və göstərişlərə əsasən yerlərdə əkin sahələri genişləndirilir, istehsalçı müəssisələrin sayı artırılır. Bu yaxınlarda Quba rayonuna səfəri zamanı Prezident İlham Əliyev “Qubaekoaqrar” MMC-nin kənd təsərrüfatı mallarının istehsalı zavodunun açılışında iştirak edib. Zavod sutkada 4 ton fındıq istehsalı gücünə malikdir. Fındığın emalı xəttində məhsul ilkin olaraq qurudulur, qabıqdan təmizlənir, çeşidlənir və sonra sobada xüsusi rejimdə qovrulur. Qovrulmuş fındığın soyudulduqdan sonra müxtəlif çəkilərdə vakuum paketlənməsi həyata keçirilir. İstehsal olunan məhsulların daxili bazarla yanaşı, “Made in Azerbaijan” brendi adı altında xarici bazarlara, xüsusilə Rusiya və ərəb ölkələrinə ixracı nəzərdə tutulur.

Zaqatalanın emal müəssisələri tərəfindən ötən il 124,4 milyon manat dəyərində fındıq məhsulları ixrac olunub

Cari ildə fındıqçılığın inkişafını göstərən digər bir fakt isə Zaqatala rayonunda kənd təsərrüfatı üçün ənənəvi sahələrdən olan fındıqçılığın, həmçinin qərzəkli meyvəçiliyin daha geniş təbliğ edilməsi məqsədilə təşkil olunan I Beynəlxalq fındıq, qoz və şabalıd festivalı idi. Festival zamanı “Pərzivan” ərazisindəki fındıq bağına və “Azərsun” MMC-nin Zaqatala fındıq emalı zavoduna baxış keçirilib.
Zaqatala şəhərinin Dədə Qorqud meydanında keçirilən festivalda qonaqlar bal şərbətindən və fındıqlı çörəkdən dadıblar. Rayonda fındıqçılığın çox böyük potensialı var. Diqqətə çatdırılıb ki, fındıqçılıq ötən əsrin ortalarından başlayaraq rayonun kənd təsərrüfatında ənənəvi sahələrdən birinə çevrilib. Hələ 1929-cu ildə rayonda keçmiş SSRİ məkanında yeganə olan fındıq emalı zavodu fəaliyyətə başlayıb. Zavodda istehsal olunan fındıq və konserv məhsulları SSRİ-nin bütün respublikalarına, həmçinin bir sıra Avropa ölkələrinə ixrac edilirdi. 1932-ci ildə isə Zaqatalada ilk fındıqçılıq sovxozu yaradılıb. Bildirilib ki, fındıqçılıq hazırda Zaqatala rayonunun iqtisadiyyatında aparıcı yerlərdən birini tutur. Son illər Zaqatala rayonunda yeni fındıq bağlarının salınması istiqamətində davamlı iş aparılır. Son üç ildə fındıq bağlarının ümumi sahəsi 9 min 575 hektardan 18 min 503 hektara çatdırılıb. 2016-cı ildə Zaqatalanın emal müəssisələri tərəfindən 90 milyon, 2017-ci ildə isə 124,4 milyon manat dəyərində fındıq məhsulları ixrac olunub. Cari ildə isə fındıq istehsalının 15 min tona çatacağı gözlənilir. Hazırda Zaqatala rayonunda fındıq bitkisinin 100-dən çox sortu mövcuddur.
Xaçmazdakı fındıq emalı zavodu ötən il 2 milyon dollar dəyərində fındıq ixrac edib. Xaçmaz rayonunda 10-a yaxın fındıq emalı müəssisəsi və qəbul məntəqələri fəaliyyət göstərir. Bura şimal bölgəsi ilə yanaşı, respublikamızın digər regionlarından da məhsul gətirilərək təhvil verilir. Rayonda istehsal olunan fındıq yerli bazarlarla yanaşı, Rusiya, Türkiyə və digər xarici ölkələrə ixrac olunur.
Rayon bağlarından hər il 6 min tona yaxın fındıq istehsal edilir. Xaçmazda son üç ildə 3 min 649 hektar yeni fındıq bağları salınıb. Bununla da rayondakı fındıq bağlarının ümumi sahəsi 8 min 300 hektara çatıb. Xaçmaz respublikada fındıq bağlarının artırılması nəzərdə tutulan 12 rayondan biridir. Ölkə üzrə 40 min hektar yeni fındıq bağlarının salınması planlaşdırılır ki, bunun da 5 min 16 hektarı Xaçmaz rayonunun payına düşür.

Qaxda fındıq istehsalı ötən illə müqayisədə 641 ton artıb

Qax rayonunun fındıq bağlarında məhsul yığımı başa çatıb. Bu il bağlardan 4 min 785 ton məhsul tədarük olunub. Fındıq istehsalı ötən illə müqayisədə 641 ton artıb.
2018-ci ilin yaz əkini dövründə rayonda 160 hektar sahədə yeni fındıq bağları salınıb və bu iş payız mövsümündə də davam etdiriləcək. Ümumiyyətlə, son 3 ildə rayon ərazisində 2 min 660 hektar sahədə yeni fındıq bağları salınaraq, mövcud bağların ümumi sahəsi 9 min 478 hektara çatdırılıb. Bu bağların 6 min 228 hektarı barverəndir.
Qazaxda fındıqçılığın inkişafı üçün məqsədyönlü işlər görülür. 2016-cı ildə rayonda 175 hektar sahədə fındıq bağı salınıb ki, bunun 136 hektarı bar verən sahə olub, 455 ton da məhsul toplanıb. 2017-ci ildə fındıq bağının sahəsi 222,83 hektar olub, 136 hektar bar verən sahədən də 460 ton məhsul tədarük edilib. 2018-ci ildə isə rayonda salınmış fındıq bağının sahəsi 224,1 hektar olub, bar verən sahə də 136,3 hektar təşkil edib. Toplanmış məhsul isə 465 tondur.

İsmayıllıda fındıq bağlarının sahəsi 2000 hektara çatdırılacaq

İsmayıllıda fındıqçılığın inkişafı istiqamətində son illər ardıcıl tədbirlər görülür və artıq bağların sahəsi 1615,7 hektara çatdırılıb. Fındıq bağlarının 1528,7 hektarı son 3 ildə salınıb. Ümumiyyətlə, fındıq bağlarının 2000 hektara çatdırılması qarşıda əsas vəzifə kimi durur. Tircan və Talıstan inzibati ərazi dairələrində təzə fındıq bağları salınır. Qeyd edək ki, rayonda bar verən 87 hektar fındıq bağı var. Buradan ötən il 235 ton, bu il isə 274 ton məhsul götürülüb.
Ümumilikdə isə bu il Azərbaycanda 60 min tondan çox fındıq istehsalı gözlənilir. Azərbaycan dünyanın 25-ə yaxın ölkəsinə fındıq məhsulu ixrac edir və ən iri idxalçılar İtaliya (9 min ton), Rusiya (6 min ton) və Almaniyadır (3 min ton). Ölkəmiz fındıq ixracatçısı kimi dünyada 3-cü yerdədir. Azərbaycanda hazırda 50 min hektar məhsuldar fındıq bağı var. Qeyd edək ki, 2017-ci ildə Azərbaycandan 21 min ton fındıq ləpəsi ixrac olunub.
Nigar Abdullayeva




 
Bölməyə aid digər xəbərlər
25.06.2019
Azərbaycanda vergidən azad edilən malların siyahısı artırılır
25.06.2019
Kiçik və Orta Biznesin İnkişafı Agentliyi və FAO arasında əməkdaşlıq imkanları müzakirə edilib
25.06.2019
Azərbaycan-Monteneqro biznes forumu keçirilib
25.06.2019
Azərbaycan nümayəndə heyəti İsveçrəyə səfər edəcək
25.06.2019
Terri Miller: Azərbaycan “İqtisadi Azadlıq İndeksi”ndə ən böyük irəliləyiş edən ölkədir

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10815

1 Yeni naziri kollektivə Ramiz Mehdiyev təqdim etdi
2 Prezidentin Sərəncamı: 160 minə yaxın müəllimin orta aylıq maaşı 605 manat oldu
3 Əli Nağıyev DTX rəisi təyin edildi
4 Heydər Əliyev və bələdiyyələr
5 Tarix müəllimi Könül Əliyeva: “Əməkhaqqının artırılması bizim əməyimizə verilən böyük qiymət və dəyərdir”


25.06 22:21 Terror və ekstremizm müasir dünya üçün ən ciddi təhdidlərdəndir. Dünyanın bir çox ölkələrində din amilindən istifadə vətəndaş müharibələrinə, terror hadisələrinə, eyni dinə etiqad edən insanlar arasında qarşılıqlı nifrətə gətirib çıxarır. Hazırda dinlər və sivilizasiyalar arasında toqquşmalar XX əsrdə soyuq müharibə illərindəki ideoloji toqquşmanı əvəz edib. Bu fikirlər Dini Qurumlarla İş üzrə Dövlət Komitəsinin (DQİDK) və Şəki Şəhər İcra Hakimiyyətinin birgə təşkilatçılığı ilə iyunun 25-də Şəki şəhərindəki Heydər Əliyev Mərkəzində keçirilən “Müasir çağırışlar: dini durum və vəzifələr“ mövzusunda regional konfransda səsləndirilib. Dini Qurumlarla İş üzrə Dövlət Komitəsinin sədri Mübariz Qurbanlı çıxışında ölkəmizdə dövlət-din münasibətlərinin tənzimlənməsi, dini sahədə sabitliyə nail olunması, konfessiyalar arasında dözümlülük mühitinin qorunub saxlanılması istiqamətində görülən işlər barədə danışıb. Azərbaycanın dünyanın çox həssas bir bölgəsində yerləşdiyini bildirən Komitə sədri qeyd edib ki, bu bölgədə müxtəlif dünya dövlətlərinin maraqları üz-üzə gəlir, toqquşur. Müasir dünyanın özünəməxsus çağırışları olduğunu diqqətə çatdıran M.Qurbanlı bildirib ki, həmin çağırışlarla bağlı BMT dünyanın 20-dək problemini müəyyən edib. Onların içərisində demoqrafiya, ekologiya, nüvə müharibəsi təhlükəsi, müxtəlif sağalmaz xəstəliklərin yayılması, su çatışmazlığı, iqlim dəyişkənliyi ilə bağlı və digər problemlər ön sıralarda yer alır. Terrorizm və onun törətdiyi fəlakətlər də dünyanı narahat edən xüsusi problemlər sırasındadır. Bütün dövrlərdə terrorun olduğunu bildirən Komitə sədri vurğulayıb ki, indi terrorun da mahiyyəti dəyişib və terror müxtəlif formalarda təzahür edir: “Müasir terror orta əsrlərin terrorundan kəskin şəkildə fərqlənir. Müasir terror texnoloji nailiyyətlərdən yararlanır. Terror təhlükəsinin dünya problemləri, çağırışları içərisində yer tutması dinlə əlaqədar məsələləri də gündəmə gətirir. Çünki dindən həmin terror təşkilatlarında ideoloji vasitə kimi istifadə olunur. Biz bunu Yaxın Şərq ölkələrində, o cümlədən qeyri-islam ölkələrində görməkdəyik“. Bildirilib ki, indi terror törədilməsi zamanı hər hansı bir sosial ideya deyil, dini amil ortaya çıxır və bu amildən istifadə edərək kütləvi terror qırğınları törədilir. Bu terror hadisələri yalnız müsəlman ölkələrində deyil, digər ölkələrdə də baş verir. Ayrı-ayrı ölkələrdə bu terror əməlləri dindaxili deyil, dinlərarası terror kimi təzahür edir. Din amilindən terror vasitəsi kimi istifadə olunur. İslam dinindən terrorda istifadədə bir neçə məqsədin güdüldüyünü vurğulayan Komitə sədri deyib: “ Bu məqsədlərdən biri İslam daxilindəki məzhəblərarası qarşıdurmanı dərinləşdirməklə gənc nəsildə bir-birinə qarşı nifrət hissi oyatmaq və son nəticədə həmin İslam dövlətində bu məzhəblərarası qarşıdurmadan istifadə edərək ölkəni zəiflətmək, çökdürmək və dağıtmaqdır“. Azərbaycandakı nümunəvi dövlət-din münasibətlərindən söz açan M.Qurbanlı bu modelin dünyada rəğbətlə qarşılandığını deyib: “Ulu Öndərin dövlət-din münasibətləri sahəsində irəli sürdüyü ideyaların, dünyagörüşün, müdrik tövsiyələrin bu günün reallıqları kontekstində oynadığı müsbət rolu daha aydın görürük. Prezidentin rəhbərliyi ilə həyata keçirilən sosial-iqtisadi siyasət, əldə edilən uğurlar, ictimai-siyasi həyatdakı sabitlik din sahəsində də özünü göstərir“.
© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info