Ermənistandakı bəzi siyasi qüvvələr parlament seçkilərində iştirakdan imtina edirlər
Tarix: 14.11.2018 | Saat: 17:12:00 | E-mail | Çapa göndər


Partiya rəhbərlərinin fikrincə, mövcud Seçki Məcəlləsi normal seçki keçirməyə imkan vermir

Bu gün Ermənistandakı siyasi qüvvələr arasında qarışıqlıq hökm sürür. Ölkədə çoxillik siyasi staja malik partiyaların bir çoxu dekabrın 9-da keçirilməsi planlaşdırılan erkən parlament seçkilərinə qatılmağa tərəddüd edir. Hətta onların bəziləri bu seçkilərdə iştirak etməyəcəklərini açıq şəkildə bəyan ediblər. Məsələ bundadır ki, nə Ermənistanın birinci prezidenti olmuş Levon Ter-Petrosyanın rəhbəri olduğu Erməni Milli Konqresi, nə Stepan Dəmirçiyanın Ermənistan Xalq Partiyası, nə Vazgen Manukyanın Milli Demokratik Birliyi, nə də Aram Sarkisyanın sədri olduğu Ermənistan Demokratik Partiyası artıq indidən seçkilərə qatılmayacaqlarını etiraf ediblər. Maraqlıdır, hələ bu günə qədər rəsmi açıqlama olmasa da, Raffi Ovannisyanını başçılıq etdiyi «Miras» partiyasının da seçkilərə qatılmayacağı ehtimal edilir. Bütün bunlara rəğmən, sual doğa bilər: görəsən, ölkədə uzun müddətdən bəri fəaliyyətdə olan partiyaların erkən parlament seçkilərinə qatılmamaqda məqsədi nədir? Qeyd edilməlidir ki, onların öz arqumentləri mövcuddur. Məsələn, «Miras» partiyasının təmsilçisi, dəqiq desək, partiya sədri Armen Martirosyan seçkidə reytinq sistemini əsas tutan mövcud Seçki Məcəlləsini əsas gətirərək, bunun ölkədəki partiyalar arasında siyasi rəqabəti öldürdüyünü iddia edir. Onun sözlərinə görə, ötənlərdə nüfuzlu qüvvəyə sahib olan və öz «ulduz saatları»nı gözləyən bu partiyalar ölkədə yeni aktyorun (təbii ki, Nikol Paşinyan nəzərdə tutulur-A. B.) «vəziyyəti dəyişməsi» ucbatından artıq yeni mühitə uyğunlaşa bilməyib.
Maraqlıdır ki, erməni politoloq Armen Baqdasaryan isə hesab edir ki, son 6-7 ay ərzində ölkədə baş verən sürətli və gözlənilməz hadisələrin yaratdığı bir sıra taktika və strategiya bu partiyaları tərəddüd qarşısında qoydu. Belə ki, bu siyasi qüvvələr yaşanan reaksiyalara uyğunlaşa bilmədilər. O da maraqlıdır ki, «Sputnik Ermənistan» saytına verdiyi müsahibədə, Baqdasaryan gələcəkdə ölkədə siyasi sistemin yenidən qurulacağını və bu qüvvələrin bəzilərinin yeni konfiqurasiyada öz yerlərini tapacağını ehtimal edib: «Doğrudur, mən də
bu siyasi qüvvələrin motivasiyasını başa düşürəm, amma yenə də onların erkən parlament seçkilərində iştirak etməməsini mənfi qiymətləndirirəm. Bəlkə də, onlar aşağı nəticə göstərəcəklərindən qorxurlar. Lakin ən azından öz imkan və resurslarını nümayiş etdirmək üçün onların seçkilərdə iştirak etmələri vacibdir».
Digər erməni siyasətçi Armen Badalyan bu partiyaların seçkilərə qatılmamasını onların rəqabət qabiliyyətinin olmaması ilə əlaqələndirir: «Vəziyyətlərinin ümidsiz olduğunu artıq indidən anlayan bir çox partiyalar seçkiyə qatılmaqdan imtina etməyə qərar veriblər. Seçki Məcəlləsini əsas gətirmələri isə bir növ onlar üçün bəhanədir».
Levon Ter-Petrosyanın rəhbəri olduğu Erməni Milli Konqresi ilə Nikol Paşinyanın «Vətəndaş müqavilə»si arasındakı yaxınlığa münasibət bildirən Badalyan, onların uzun müddət «həmkar» olmalarına baxmayaraq, artıq Paşinyanın ilk prezidentdən və onun siyasi gücündən imtina etdiyini bildirib: «Hətta Paşinyan Erməni Milli Konqresinin siyahısında deputat olanda da onların yolları ayrılmışdı. İndi onlar tamamilə fərqli qüvvələrdirlər».
Əslində, qeyd edilməlidir ki, Ermənistanda hazırda siyasi qüvvələr arasında yaşanan bütün bu hadisələrin ssenarisi məhz Nikol Paşinyana məxsusdur. O, hələ baş nazir postundan istefa verməzdən öncə bir çox siyasi qüvvələrlə danışaraq özündən başqa, birisinin namizədliyinin verilməməsi haqqında razılıq alıb. Amma önəmli olan isə bir başqa məsələdir. Belə ki, keçmiş iqtidar partiyası – Ermənistan Respublika Partiyasının da əlini yanına salıb durmaq fikrində olmayacağını unutmaq lazım deyil. Xatırladaq ki, bir müddət bundan əvvəl ermənilərin «1in.am» saytı partiyanın əsas fiqurlarından biri, parlamentin vitse-spikeri Eduard Şarmazanovun Kremldən dəstək almaq məqsədilə Moskvada danışıqlar apardığı barədə məlumatlar yaymışdı. Belə görünür ki, Ermənistanı bürüyəcək xaos elə də uzaqda deyil.
Ağasəf Babayev




 
Bölməyə aid digər xəbərlər
25.06.2019
Qazaxıstanda yaşayan azərbaycanlılardan xeyriyyəçilik təşəbbüsü
25.06.2019
Robert Koçaryan yenidən həbs edildi
25.06.2019
Qazaxıstanda IV “Böyük Çöl” Beynəlxalq Humanitar Forumu keçirilib
25.06.2019
Ərdoğan: “Türkiyə S-400 zenit-raket komplekslərini iyul ayından almağa başlayacaq”
25.06.2019
“Ehtiyac içində yaşayan erməni xalqını artıq yalan vədlərlə aldatmaq mümkün deyil”

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10815

1 Yeni naziri kollektivə Ramiz Mehdiyev təqdim etdi
2 Prezidentin Sərəncamı: 160 minə yaxın müəllimin orta aylıq maaşı 605 manat oldu
3 Əli Nağıyev DTX rəisi təyin edildi
4 Heydər Əliyev və bələdiyyələr
5 Tarix müəllimi Könül Əliyeva: “Əməkhaqqının artırılması bizim əməyimizə verilən böyük qiymət və dəyərdir”


25.06 22:21 Terror və ekstremizm müasir dünya üçün ən ciddi təhdidlərdəndir. Dünyanın bir çox ölkələrində din amilindən istifadə vətəndaş müharibələrinə, terror hadisələrinə, eyni dinə etiqad edən insanlar arasında qarşılıqlı nifrətə gətirib çıxarır. Hazırda dinlər və sivilizasiyalar arasında toqquşmalar XX əsrdə soyuq müharibə illərindəki ideoloji toqquşmanı əvəz edib. Bu fikirlər Dini Qurumlarla İş üzrə Dövlət Komitəsinin (DQİDK) və Şəki Şəhər İcra Hakimiyyətinin birgə təşkilatçılığı ilə iyunun 25-də Şəki şəhərindəki Heydər Əliyev Mərkəzində keçirilən “Müasir çağırışlar: dini durum və vəzifələr“ mövzusunda regional konfransda səsləndirilib. Dini Qurumlarla İş üzrə Dövlət Komitəsinin sədri Mübariz Qurbanlı çıxışında ölkəmizdə dövlət-din münasibətlərinin tənzimlənməsi, dini sahədə sabitliyə nail olunması, konfessiyalar arasında dözümlülük mühitinin qorunub saxlanılması istiqamətində görülən işlər barədə danışıb. Azərbaycanın dünyanın çox həssas bir bölgəsində yerləşdiyini bildirən Komitə sədri qeyd edib ki, bu bölgədə müxtəlif dünya dövlətlərinin maraqları üz-üzə gəlir, toqquşur. Müasir dünyanın özünəməxsus çağırışları olduğunu diqqətə çatdıran M.Qurbanlı bildirib ki, həmin çağırışlarla bağlı BMT dünyanın 20-dək problemini müəyyən edib. Onların içərisində demoqrafiya, ekologiya, nüvə müharibəsi təhlükəsi, müxtəlif sağalmaz xəstəliklərin yayılması, su çatışmazlığı, iqlim dəyişkənliyi ilə bağlı və digər problemlər ön sıralarda yer alır. Terrorizm və onun törətdiyi fəlakətlər də dünyanı narahat edən xüsusi problemlər sırasındadır. Bütün dövrlərdə terrorun olduğunu bildirən Komitə sədri vurğulayıb ki, indi terrorun da mahiyyəti dəyişib və terror müxtəlif formalarda təzahür edir: “Müasir terror orta əsrlərin terrorundan kəskin şəkildə fərqlənir. Müasir terror texnoloji nailiyyətlərdən yararlanır. Terror təhlükəsinin dünya problemləri, çağırışları içərisində yer tutması dinlə əlaqədar məsələləri də gündəmə gətirir. Çünki dindən həmin terror təşkilatlarında ideoloji vasitə kimi istifadə olunur. Biz bunu Yaxın Şərq ölkələrində, o cümlədən qeyri-islam ölkələrində görməkdəyik“. Bildirilib ki, indi terror törədilməsi zamanı hər hansı bir sosial ideya deyil, dini amil ortaya çıxır və bu amildən istifadə edərək kütləvi terror qırğınları törədilir. Bu terror hadisələri yalnız müsəlman ölkələrində deyil, digər ölkələrdə də baş verir. Ayrı-ayrı ölkələrdə bu terror əməlləri dindaxili deyil, dinlərarası terror kimi təzahür edir. Din amilindən terror vasitəsi kimi istifadə olunur. İslam dinindən terrorda istifadədə bir neçə məqsədin güdüldüyünü vurğulayan Komitə sədri deyib: “ Bu məqsədlərdən biri İslam daxilindəki məzhəblərarası qarşıdurmanı dərinləşdirməklə gənc nəsildə bir-birinə qarşı nifrət hissi oyatmaq və son nəticədə həmin İslam dövlətində bu məzhəblərarası qarşıdurmadan istifadə edərək ölkəni zəiflətmək, çökdürmək və dağıtmaqdır“. Azərbaycandakı nümunəvi dövlət-din münasibətlərindən söz açan M.Qurbanlı bu modelin dünyada rəğbətlə qarşılandığını deyib: “Ulu Öndərin dövlət-din münasibətləri sahəsində irəli sürdüyü ideyaların, dünyagörüşün, müdrik tövsiyələrin bu günün reallıqları kontekstində oynadığı müsbət rolu daha aydın görürük. Prezidentin rəhbərliyi ilə həyata keçirilən sosial-iqtisadi siyasət, əldə edilən uğurlar, ictimai-siyasi həyatdakı sabitlik din sahəsində də özünü göstərir“.
© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info