YAP gənclərindən moldovalı ombudsmana dəstək
Tarix: 09.07.2013 | Saat: 19:00:00 | E-mail | Çapa göndər


Yeni Azərbaycan Partiyasının Gənclər Birliyi İrəvanda cəsarətli bəyanatla yadda qalan moldovalı ombudsman Aureliya Qriqoriuya dəstək olub. Bununla bağlı YAP GB-nin ofisində birliyə üzv olan gənclərlə görüş keçirilib. Moldovalı ombudsmanın Ermənistanda keçirilən beynəlxalq konfransdakı cəsarətli addımını yenidən gənclərin diqqətinə çatdıran YAP GB-nin sədri Seymur Orucov bildirib ki, Moldovanın parlament vəkili Aureliya Qriqoriu Ermənistanda keçirilən beynəlxalq konfransda bu ölkənin parlamentində çıxışı zamanı Ermənistan tərəfindən Azərbaycan torpaqlarının 20%-nin işğal edildiyini və Xocalıda azərbaycanlılara qarşı soyqırımı həyata keçirildiyini söyləyib və bu fikirlərinə görə təhdidlərə, hədələrə və təzyiqlərə məruz qalıb. S. Orucov onu da qeyd edib ki, ombudsmanın mövcud çıxışına görə, onun şəxsi “Facebook” səhifəsinə təhdid mesajları gəlməyə başlayıb: “Onun parlamentdəki çıxışı həyatı üçün böyük risklər yaradıb. Əsas məqsədimiz ombudsmanın sosial şəbəkəsindəki ünvanına təşəkkür məktubu yazmaqdır. Haqq səsimizi dünya ictimaiyyətinə çatdıran insanlara qarşı hər zaman diqqətcil olmalıyıq. İnanıram ki, bütün türk dünyası həmin xanımı dəstəkləyir və bundan sonra da dəstəkləməkdə davam edəcək. Çünki o, erməniləri tribunadan işğalçı dövlət adlandırıb. Buna görə də ombudsmanın hüquqları kobud şəkildə pozulub və onun öz ölkəsinə qayıtmasına imkan verilməyib. İnsan hüquqlarının müdafiəsi ilə məşğul olan şəxsin, xüsusilə də xarici ölkənin rəsmi nümayəndəsinin beynəlxalq təşkilatların qəbul etdiyi qərarları azad şəkildə deməsi tam normaldır”. Tədbir yekunlaşdıqdan sonra YAP GB-nin üzvləri kompyuter otağında ombudsmanın şəxsi “Facebook” səhifəsinə öz rəylərini yazıblar. Xatırladaq ki, İrəvandakı beynəlxalq konfransda Aureliya Qriqoriu Ermənistanın Azərbaycana qarşı təcavüzünün 25 ildən çox davam etdiyini, Ermənistanın Azərbaycan torpaqlarının 20%-ni işğal etdiyini bəyan edib.
Mehdi Qəniyev




 
Bölməyə aid digər xəbərlər
25.04.2019
DİM qabiliyyət imtahanlarında edilən dəyişiklikləri açıqlayıb
25.04.2019
Müharibə veteranlarına birdəfəlik maddi yardımın verilməsi mayın 5-ə qədər yekunlaşacaq
24.04.2019
Azərbaycanda tullantılardan nə qədər elektrik enerjisi istehsal edilir?
24.04.2019
Həssas kateqoriyalardan olan daha bir qrup şəxs üçün özünüməşğulluq proqramı üzrə təlimə başlanıb
23.04.2019
Azərbaycanda Çernobıl əlilləri dövlətin qayğısı ilə əhatə olunublar

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10759

1 Tarixin ibrət dərsləri...
2 Ramiz Mehdiyevin sərəncamı ilə tədbirlər planı təsdiqləndi
3 Gülnar Səmanın kitabının təqdimatı keçiriləcək
4 “Azərbaycan dilinin Orfoqrafiya Normaları” təsdiq edilib
5 Artıq bəzi sözlər yeni qaydalar əsasında yazılmalıdır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info