Fransada keçirilən Forumda Azərbaycanda innovativ iqtisadiyyatın inkişafından danışılıb
Tarix: 15.11.2018 | Saat: 14:36:00 | E-mail | Çapa göndər


Azərbaycan nümayəndə heyəti Fransa hökumətinin YUNESKO-nun baş qərargahında təşkil etdiyi İnternet İdarəçilik Forumunun (İİF) 13-cü illik yığıncağında iştirak edib.
Nəqliyyat, Rabitə və Yüksək Texnologiyalar Nazirliyinin İnformasiya cəmiyyətinin və elektron idarəçiliyin innovativ inkişafı şöbəsinin müdiri Rəşad Əzizovun rəhbərlik etdiyi nümayəndə heyətinə nazirliyin və BMT-nin İnkişaf Proqramının əməkdaşları daxil olub.
Tədbirdə müxtəlif ölkələrin hökumət, biznes nümayəndələri, elm və vətəndaş cəmiyyətinin təmsilçiləri internetlə bağlı aktual problemləri müzakirə ediblər.
Forumun əsas məqsədi internet idarəçiliyinə dair bir sıra məsələlərin müzakirəsindən əldə edilən nəticələrlə bağlı ictimaiyyətə tövsiyələr verməkdən ibarətdir.
Fransa Respublikasının Prezidenti Emmanuel Makron və BMT-nin Baş katibi Antonio Quttereş İnternet İdarəçilik Forumunda açılış nitqi ilə çıxış ediblər. Tədbirdə eyni zamanda “TechAfganistan” şirkətinin prezidenti Omar Mansur Ansari, “APLTD” şirkətinin rəhbəri Leyonid Tadorov və digər səlahiyyətli şəxslər də iştirak edib.
İclasda Nəqliyyat, Rabitə və Yüksək Texnologiyalar Nazirliyinin internet idarəçiliyi istiqamətində həyata keçirdiyi işlər və gələn il Azərbaycanda keçirilməsi nəzərdə tutulan “Gənclər üçün İnternet İdarəçiliyi Forumu” barədə məlumat verilib. Bildirilib ki, tədbirin keçirilməsində əsas məqsəd innovativ iqtisadiyyatın genişləndirilməsi və elektron iştirakda Azərbaycanın potensialının artırılmasıdır. Eyni zamanda, əsas hədəf Azərbaycanı regional İKT inkişaf mərkəzinə çevirmək, İKT sənayesinin yerli iştirakçılarının beynəlxalq mütəxəssislərlə birgə təcrübə mübadiləsi və əməkdaşlıq imkanlarını genişləndirmək, regionların milli internet idarəçiliyi prosesinə cəlb edilməsidir.
Tədbirdə qeyd edilib ki, Azərbaycanda informasiya-kommunikasiya texnologiyalarının və internetin inkişafına xüsusi diqqət yetirilir. Belə ki, internet informasiya məkanı olmaqla yanaşı, həm də dövlət idarəçiliyi, təhsil, səhiyyə, biznes, bank işi və digər sahələri əhatə edən mühit rolunu oynayır. Eyni zamanda bildirilib ki, Azərbaycanda internet bir qlobal şəbəkə kimi fikir və söz azadlığının yaranmasında, sosial şəbəkələrin genişlənməsində, vətəndaşların idarəçilik proseslərinə cəlb olunmasında yeni imkanlar yaradır.

Anar




 
Bölməyə aid digər xəbərlər
20.06.2019
Mədət Quliyev müdafiə sənayesi naziri təyin edilib
20.06.2019
“Organic Food Festival 2019”da mikro və kiçik sahibkarların məhsul və xidmətləri təqdim olunacaq
20.06.2019
Azərbaycanda 150-dən çox Ukrayna kapitallı şirkət fəaliyyət göstərir
20.06.2019
İqtisadiyyat naziri və müavinləri vətəndaşları qəbul edəcəklər
20.06.2019
Göygöldə 29 sahibkara 781 min manat güzəştli kredit verilib

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10812

1 Minimum aylıq əməkhaqqı artırıldı- Prezident Sərəncam imzaladı
2 Müəllimlərin maaşı artdı - 20 faiz
3 “Balımı daha da artırıb Prezident təqaüdü almaq niyyətindəyəm”
4 Prezidentin Sərəncamı: 160 minə yaxın müəllimin orta aylıq maaşı 605 manat oldu
5 Masallının Lürən kəndində yeni tibb məntəqəsi açılıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info