Xalq müxalifətin heç bir çağırışına dəstək vermir
Tarix: 15.11.2018 | Saat: 20:16:00 | E-mail | Çapa göndər


Xaricdə yaşayan bir qrup müxalifəti təmsil edən azərbaycanlının antiazərbaycan fəaliyyətində olan anormallıqlar aybaay daha da artır. Bəziləri söyüş, təhqiramiz fikirlərlə və küçə səviyyəsində olan videogörüntülər paylaşmaqla, sosial şəbəkələrdən istifadə edənlərin diqqətini özlərinə cəlb etmək istəyirlərsə, başqa bir qrup öz düşərgələrindən olan həmkarlarının bostanına daş atmaqla buna nail olur. Mühacirəti seçən bir qrup azərbaycanlı da var ki, onların işi-peşəsi gecə-gündüz ianə toplamaqdır. Daha doğrusu, ianə toplamaqla bağlı çağırışlar etməkdir. Belə mühacirlərdən biri Emin Millidir ki, onun layihəsi olan “Meydan” TV artıq özünün eniş mərhələsinə qədəm qoyub. Əslində, bu layihənin heç yüksələn xətti, inkişafı da olmayıb. Xaricdəki bəzi antiazərbaycan qüvvələrin dəstəyi və maliyyə yardımı ilə reallaşan bu TV-yə heç ölkəmizdə baxan da yoxdur. Yalnız sosial problemləri gündəmə daşımağa çalışan “Meydan” TV seçkilər vaxtı bir qədər diqqət mərkəzində oldu ki, bu da təbii hal idi. Seçkilər olan il bütün mətbu orqanları diqqətlə izlənilir...
Qısası, hazırda izləyici sayı xeyli aşağı enən, antiazərbaycan fəaliyyəti ilə seçilən TV-ni xilas etməyin yollarını axtarırlar. Belə olmasaydı, Emin Milli canlı yayıma çıxıb insanlara acizanə şəkildə müraciət etməzdi ki, onun layihəsinə -“Meydan” TV-nin daha aktiv fəaliyyət göstərməsi üçün yardım edin, pul köçürün. Emin Milli canlı yayımında, həm də bir sıra nağıllar uyduraraq, yalanlar danışır. Guya, onların sayəsində Azərbaycanda hansısa tələbənin bir neçə illik təhsil haqqı ödənilib, bu da məhz onların insanlara müraciətindən sonra baş tutub. Birincisi, belə hal baş veribsə, onu aşkar şəkildə göstərməli idiniz ki, kim bu təqdirəlayiq addımı atıb. Konkret işi görən adamın adı, tarix və məbləğ göstərilmirsə, bu, uydurulmuş növbəti yalandır ki, guya, onlar xalq, cəmiyyət üçün çalışırlar... İkincisi isə dəfələrlə qeyd etmişik ki, bu adamların böyük əksəri maliyyə fırıldaqları ilə məşğul olurlar. Xaricə qaçıb orada sığınacaq almaq onlar üçün çətin olmur. Çünki AXCP, Müsavat və digər müxalifət partiyalarından pul ilə “partbilet” düzəltdirib, aksiyada qışqır-bağırla şəkil çəkdirənlərin sonradan Avropa ölkələrində hansı iyrənc oyunlardan çıxmalarının az şahidi olmamışıq. Konkret olaraq, Emin Millinin üç gün öncə son çağırışına gəldikdə isə nə Azərbaycandan, nə də ölkə xaricindən kimsə onun bank hesabına pul köçürən deyil... Buna tam əminik. Xalq belə yalançı layihə rəhbəri formasında xaricdən yüz minlərlə qrant, yardım alan maliyyə möhtəkirlərini, fırıldaqçıları çox görüb, üstəgəl, ianələrin hara, necə xərclənməsini və ya xərclənəcəyini konkret faktlarla ortaya qoymayan birinə kimsə yardım etməz. Hələ onu demirik ki, insanlarımız yardım edəcəyi ünvanı gözəl tanıyır, dəfələrlə milli maraqlara zərbə vuran bir TV-nin ayaqda qalması vətəndaşlarımızın marağında ola bilməz.
Bir sözlə, hər nə qədər canlı yayımlar, statuslar, tədbirlərlə yalvarsanız da, sizə kimsə inanmayıb, inanmır. Bundan sonra da cəmiyyət arasında nüfuz qazanmağınız mümkün deyil ki, bir çağırışla sizə ianələr toplana. Yaxşı olar ki, uzun illər xaricdən aldığınız maliyyə vəsaitlərini, qaranlıq qalan o qrantları hara xərcləməyiniz haqda elə öz içinizdən-məsələn, Cəmil Həsənli və ya Xədicə İsmayılın dilindən səslənən ittihamlara cavab verəsiniz. Sonra xalq arasına çıxıb, açıq alınla ianə çağırışları edə bilərsiniz...
Tural Tağıyev




 
Bölməyə aid digər xəbərlər
14.12.2018
“Azərbaycan altı aylıq sədrlik dövründə bir sıra irəliləyişlər əldə etdi”
14.12.2018
Heydər Əliyev Fondunun vitse-prezidenti Leyla Əliyevanın bir qrup rusiyalı qadının məktubuna cavabı
14.12.2018
ABŞ Konqresi qətnamə qəbul edib: ABŞ Cənub Qaz Dəhlizi layihəsini dəstəkləyir
14.12.2018
Ermənistan ilə dövlət sərhədinin Qazax və Ağstafa rayonları ərazisindəki döyüş postları DSX tərəfindən təhvil alınıb
14.12.2018
İnformasiya təhlükəsizliyinin aktual problemlərinə dair konfrans keçirilir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10527

1 “Macarıstandakı Azərbaycan icmasının böyük əksəriyyətini gənclər təşkil edir”
2 Bill Klinton Heydər Əliyevlə görüntülərini paylaşdı
3 “Xəzər hövzəsi və enerji təhlükəsizliyi” - Rufiz Qonaqov yeni kitabını təqdim etdi
4 Azərbaycanlı gənc Misirdə fiziki qüsurlular üçün iki cihaz ixtira edib
5 Əli Həsənov: “Nə qədər Azərbaycan var, Heydər Əliyevin ideyaları yaşayacaqdır...”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info