«Rosbalt»: «Ermənistandan güclü şantaj və oğurluq qoxusu gəlir»
Tarix: 16.11.2018 | Saat: 17:01:00 | E-mail | Çapa göndər


Paşinyan rus biznesini sarsıtmaqda davam edir

Ermənistanda rus biznesinin fəaliyyəti ilə bağlı yeni qalmaqal başlayıb. Belə ki, Ermənstanın Gəlirlər Komitəsi «Qazprom Ermənistan»a qarşı çox böyük miqdarda vergidən yayınmaqla bağlı cinayət işinin başlanmasını elan edib.
Komitə hazırda zərərin dəqiqləşdirilməsi üçün zəruri istintaq və prosessual tədbirlər həyata keçirildiyini bildirir. Onların iddiasına görə, şirkət 2016-2017-ci illərdə xərclərini şişirdərək gəlirlərini az göstərib. Qeyd edilməlidir ki, «Qazprom Ermənistan» ona qarşı yönəldilən ittihamlarla razılaşmır.
Xatırlatmaq yerinə düşər ki, Ermənistanda hakimiyyəti «inqilab yolu ilə» ələ keçirən Nikol Paşinyan Rusiya prezidenti Vladimir Putinlə son görüşlərindən birində, ölkəsinə gətirilən Rusiya qazının qiymət mexanizmini öyrənmək məsələsini qaldırmışdı. Paşinyan «Ermənistan vətəndaşları Rusiyadan ucuz qaz aldıqlarını hiss etməsələr də» burada «korrupsiya riski»nin olduğunu da istisna etməmişdi(?) Təbii ki, səsləndirilən «korrupsiya riski» dövlətin bu sahəyə məsul olan təsərrüfat subyektinin fəaliyyətində də istisna edilə bilməz. O da maraqlıdır ki, Ermənistan tərəfinin ittihamları, «Qazprom Ermənistan»nın Rusiya ilə qaz qiymətlərinin azaltmaqla bağlı aparılan danışıqları zamanı meydana çıxıb.
Təbii ki, bu gün Rusiyanın Ermənistana satdığı qazı baha kimi dəyərləndirmək doğru olmaz. Belə ki, bu gün Ermənistana verilən hər min kubmetr qazın qiyməti 150 dollar təşkil edir. Lakin ermənilər qiymət dəyişikliyinə nail olmaq, yəni qiyməti aşağı salmaq üçün başqa yol tapmadıqları üçün şantaj yolunu seçiblər. Bunun üçün ən çox «uyğun» yol cinayət işinə başlamaqdır ki, bu da yeni sövdələşmə üçün gözəl imkanlar yarada bilər. Xatırladaq ki, Ermənistan 150 dollarara aldığı qazı, istehlakçıya 290 dollara satır. Təbii ki, burada təkcə «Qazprom»u deyil, keçmiş erməni hökumətinin nümayəndələrinin də korrupsiya sxemlərini «bağlamaq» çox asandır.
Yeri gəlmişkən bildirək ki, Ermənistanda rus qazı ilə bağlı söhbətlər xeyli müddətdir ki, baş qaldırıb. Təbii ki,burada yeni hökumətin öz planlarının olduğu da nəzərdən qaçmamalıdır. Belə ki, yeni erməni hökuməti bu məsələni qaldırmaqla Ermənistandakı Rusiya monopoliyasını təhdid etmək istəyirsə, onun digər məqsədi ölkədə keçiriləcək parlament seçkiləri ərəfəsində sabiq siyasi liderləri «zərərsizləşdirməkdir». Paşinyanın buna nə dərəcədə nail olacağı isə sual altındadır. O, seçiciləri öz tərəfinə cəlb etmək üçün seçkilərdən əvvəl son istehlakçı üçün qazın qiymətini azaltmalıdır. Lakin onun «korrupsiya riski» yolunu tutması bir az qəribə görünür.
Maraqlıdır ki, Rusiyanın «Reporter» nəşrinə açıqlama verən rusiyalı ekspert İqor Korotçenko Rusiya şirkətinin törəməsi olan «Qazprom Ermənistan»ın mülkiyyətini ələ keçirmək üçün Paşinyanın şirkətdə yoxlamalar aparmaqdan başqa yol tapmadığını bildirib. O, Moskva ilə İrəvan arasındakı münasibətləri təhdid edə bilən bu əmməllərdə subtekstlərin olduğunu istisna etmir. Onun fikrincə, bu gün «Qazprom» məsələsi Ermənistandakı «rus faktorları» ilə əlaqəli olan bir neçə qalmaqalın önünə keçib. «Bu gün, demək olar ki, Ermənistanda cinayət təşkil edən Rusiya «mənşəyi» «müvafiq» cinayət təqibinə məruz qalır».
Rusiyanın «Rosbalt» saytı hazırda Ermənistanda yaşananların ölkə üçün yanlış istiqamətdə dəyişə biləcəyini də ehtimal edir. Saytın yazdığına görə, yaxınlarda ölkə parlamentinə keçiriləcək seçkilərdə rusiyameyilli Respublikaçılar Partiyasının hakimiyyətə gələ bilməsi o qədər də inandırıcı görünmür. Bundan əlavə, indidən Paşinyanın gələcək davranış modelini proqnozlaşdırmaq çətindir. Onun Rusiyaya münasibətdə nümayiş etdirdiyi siyasi mövqeyi gələcəkdə Rusiya «dükanlarının» əksəriyyətində olan kreditin, ehtimal ki, Ermənistan üçün bağlanması deməkdir.
Ağasəf Babayev




 
Bölməyə aid digər xəbərlər
25.06.2019
Qazaxıstanda yaşayan azərbaycanlılardan xeyriyyəçilik təşəbbüsü
25.06.2019
Robert Koçaryan yenidən həbs edildi
25.06.2019
Qazaxıstanda IV “Böyük Çöl” Beynəlxalq Humanitar Forumu keçirilib
25.06.2019
Ərdoğan: “Türkiyə S-400 zenit-raket komplekslərini iyul ayından almağa başlayacaq”
25.06.2019
“Ehtiyac içində yaşayan erməni xalqını artıq yalan vədlərlə aldatmaq mümkün deyil”

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10815

1 Yeni naziri kollektivə Ramiz Mehdiyev təqdim etdi
2 Prezidentin Sərəncamı: 160 minə yaxın müəllimin orta aylıq maaşı 605 manat oldu
3 Əli Nağıyev DTX rəisi təyin edildi
4 Heydər Əliyev və bələdiyyələr
5 Tarix müəllimi Könül Əliyeva: “Əməkhaqqının artırılması bizim əməyimizə verilən böyük qiymət və dəyərdir”


25.06 22:21 Terror və ekstremizm müasir dünya üçün ən ciddi təhdidlərdəndir. Dünyanın bir çox ölkələrində din amilindən istifadə vətəndaş müharibələrinə, terror hadisələrinə, eyni dinə etiqad edən insanlar arasında qarşılıqlı nifrətə gətirib çıxarır. Hazırda dinlər və sivilizasiyalar arasında toqquşmalar XX əsrdə soyuq müharibə illərindəki ideoloji toqquşmanı əvəz edib. Bu fikirlər Dini Qurumlarla İş üzrə Dövlət Komitəsinin (DQİDK) və Şəki Şəhər İcra Hakimiyyətinin birgə təşkilatçılığı ilə iyunun 25-də Şəki şəhərindəki Heydər Əliyev Mərkəzində keçirilən “Müasir çağırışlar: dini durum və vəzifələr“ mövzusunda regional konfransda səsləndirilib. Dini Qurumlarla İş üzrə Dövlət Komitəsinin sədri Mübariz Qurbanlı çıxışında ölkəmizdə dövlət-din münasibətlərinin tənzimlənməsi, dini sahədə sabitliyə nail olunması, konfessiyalar arasında dözümlülük mühitinin qorunub saxlanılması istiqamətində görülən işlər barədə danışıb. Azərbaycanın dünyanın çox həssas bir bölgəsində yerləşdiyini bildirən Komitə sədri qeyd edib ki, bu bölgədə müxtəlif dünya dövlətlərinin maraqları üz-üzə gəlir, toqquşur. Müasir dünyanın özünəməxsus çağırışları olduğunu diqqətə çatdıran M.Qurbanlı bildirib ki, həmin çağırışlarla bağlı BMT dünyanın 20-dək problemini müəyyən edib. Onların içərisində demoqrafiya, ekologiya, nüvə müharibəsi təhlükəsi, müxtəlif sağalmaz xəstəliklərin yayılması, su çatışmazlığı, iqlim dəyişkənliyi ilə bağlı və digər problemlər ön sıralarda yer alır. Terrorizm və onun törətdiyi fəlakətlər də dünyanı narahat edən xüsusi problemlər sırasındadır. Bütün dövrlərdə terrorun olduğunu bildirən Komitə sədri vurğulayıb ki, indi terrorun da mahiyyəti dəyişib və terror müxtəlif formalarda təzahür edir: “Müasir terror orta əsrlərin terrorundan kəskin şəkildə fərqlənir. Müasir terror texnoloji nailiyyətlərdən yararlanır. Terror təhlükəsinin dünya problemləri, çağırışları içərisində yer tutması dinlə əlaqədar məsələləri də gündəmə gətirir. Çünki dindən həmin terror təşkilatlarında ideoloji vasitə kimi istifadə olunur. Biz bunu Yaxın Şərq ölkələrində, o cümlədən qeyri-islam ölkələrində görməkdəyik“. Bildirilib ki, indi terror törədilməsi zamanı hər hansı bir sosial ideya deyil, dini amil ortaya çıxır və bu amildən istifadə edərək kütləvi terror qırğınları törədilir. Bu terror hadisələri yalnız müsəlman ölkələrində deyil, digər ölkələrdə də baş verir. Ayrı-ayrı ölkələrdə bu terror əməlləri dindaxili deyil, dinlərarası terror kimi təzahür edir. Din amilindən terror vasitəsi kimi istifadə olunur. İslam dinindən terrorda istifadədə bir neçə məqsədin güdüldüyünü vurğulayan Komitə sədri deyib: “ Bu məqsədlərdən biri İslam daxilindəki məzhəblərarası qarşıdurmanı dərinləşdirməklə gənc nəsildə bir-birinə qarşı nifrət hissi oyatmaq və son nəticədə həmin İslam dövlətində bu məzhəblərarası qarşıdurmadan istifadə edərək ölkəni zəiflətmək, çökdürmək və dağıtmaqdır“. Azərbaycandakı nümunəvi dövlət-din münasibətlərindən söz açan M.Qurbanlı bu modelin dünyada rəğbətlə qarşılandığını deyib: “Ulu Öndərin dövlət-din münasibətləri sahəsində irəli sürdüyü ideyaların, dünyagörüşün, müdrik tövsiyələrin bu günün reallıqları kontekstində oynadığı müsbət rolu daha aydın görürük. Prezidentin rəhbərliyi ilə həyata keçirilən sosial-iqtisadi siyasət, əldə edilən uğurlar, ictimai-siyasi həyatdakı sabitlik din sahəsində də özünü göstərir“.
© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info